PANDARIADDI 49:24 - WUKE SUSI WATTI'U AL᷊AL᷊USASSA

²⁴ Arawe i Yusuf sidutu matohassa ta'iakke, sidutu matohassa anaanne, ana waugu taṛṛinon Mallal᷊u'adda Lembon Matohassa, Ruatan i Yakub, Mamamadul᷊in Israel.

PANDARIADDI 49:24 Referans Kwoze

DARALO 132:2

Arie paabul᷊iane pasasubbane Si'o Mawu, su riandine Si'o Apan Lembon matohassa, Ruatan Yakub.

YESAYA 28:16

Ana waugu udde, Mawu Apan Atanggaṛṛanne nabbisara arendi, “I Ya'u sarun mangaddon rapappakke apan matohassa wuṛṛu ma'uatta su Sion; sambau watun pi'une apan maarega ringannu woṛṛetta: ‘Isai apan mangngimanna atonna, i tou sarun tawe mawaddo.’

DARALO 132:5

tantal᷊anna i ya'u taambe napararisikku wal᷊en Ruatan Yakub, tampa tatanaannu Mawu Apan Lembon matohassa.”

DARALO 80:1

Su piaṛṛa'u mangangantari. Tumuṛṛuttu antari: Wunga hal᷊ohomma. Daralon tatialan Asaf.

DARALO 18:30

I'o nanohassa si ya'u ipaṛṛadda'a seetta; ringannu sasumbalan Ruata'u i ya'u nanggohakku pattillumanni mangitou.

AYUB 29:20

I ya'u sidutu raddaloannu anambon taumata, wuṛṛu taambe saran paassa atatoha'u nahaingnga.

2 TIMOTIUS 4:17

Arawe Mawu uaringanna si ya'u. I Tou nangonggolu atatohassa na'oman sara i ya'u wotongnge mamasingkatu al᷊awo'u Watti'u Al᷊al᷊uassa udde, tadea'u daringiṛṛanu anambon taumata apan wal᷊ine Yahudi.

EFESUS 2:20

I yamiu lai suete niapararisikka su rapappakke apan niaddo manga rasul wuṛṛu manga nabi, ringanni Kristus Yesus sambau watu apan apianne.

YESAYA 1:24

Ana waugu udde Mawu Apan Lembontaṛṛino, Ruatan Israel nabbisara: “Ei, manga se'e-Ku, i Ya'u sarun mabbal᷊issa si yamiu, ma'oman sara i yamiu tate mapaasusa-U apia.

DARALO 118:22

Watu apan niramme manga maaola'a wal᷊en, naola'e watu sasarianne.

TAHIUL᷊E 32:4

Mawu mallal᷊u'addu apan matohassa, manara-Ne nasuungnga, wuṛṛu anambon dal᷊anne matul᷊idda. Ruatanu matammuda, tawe pallal᷊inga si Tou, I tou ma'ola'a apapia wuṛṛu mangke suṛṛinone.

PANDARIADDI 45:5

Arie paata'utta ara'e sumassilu watangannu ana waugu i ya'u buatte niwal᷊u'i yamiu. Ṛinone Ruata sassane buatte nangapi'u isindi malliuṛṛoro si yamiu tadea'u manal᷊amatta taumata manambo.

KOLOSE 1:11

Doronganna ringannu taṛṛinon Duata apan mawantuga, i yamiu tohasanna ma'oman sara i yamiu wotongnge matataṛṛanga ringannu sabbare wuṛṛu naungnga mal᷊uassa

ROMA 14:4

Isai tuṛṛangnga, na'oman sara tuṛṛangnga mamarikissa allangngu taumata waine? Mawae ete allangnga udde nema'a ara'e dirumarisikka, udde singkaten mawune. Wuṛṛu atonna allangnga udde sarun dumarisikka matul᷊ida, ana waugu Mawu wotongnge mapararisikki tou matul᷊ida.

WATTI'U MANGA RASUL 4:11

Ete Mawu Yesus udde apan su pandummu aaddoanne indi sulal᷊ummu Wuke Susi, ‘Watu apan tate ipaatta su manga wal᷊e, nasemakka naola'e watu apan paarorone.’

LUKAS 20:17

Mawu Yesus nanutudda si mangitou see naiwal᷊o, “Amungkangngu aroddi apa atappasannu wageangngu Wuke Susi indi? ‘Watu apan tawe ipaattu maaola'a wal᷊e, naola'e watu apan paarorone.’

MARKUS 12:10

I yamiu asinungka suete naawasa addoanne sulal᷊ummu Wuke Susi, ‘Watu apan tawe ipaattu manga maaola'a wal᷊e naola'e watu apan paarorone.

MATIUS 21:42

Ne Mawu Yesus nabbisarate si mangitou, “I yamiu taambe naawasa apa apan uawoṛṛetta sulal᷊ummu Wuke Susi? ‘Watu apan tawe ipaattu maaola'a wal᷊e naola'e watu apan paarorone. Ete indi inolaannu Mawu; tumanite maṛṛamaga atonna!’ ”

ZAKARIA 10:12

I Ya'u sarun manohassa uma-U, i mangitou sarun matuṛṛutta wuṛṛu mattaṛṛamawu si Ya'u. I Ya'u, Mawu, buatte nabbisara.”

ZAKARIA 3:9

Ta'u niaddo su saruanni Yosua sambau watu uataṛṛawu'u pitu apan sarun Ta'u uitanna ringannu manga woṛṛeta. Sulal᷊ummu allo massallo sarun Ta'u iramme rosa wuassu wanua indi.

YESAYA 60:16

I'o sarun paddul᷊ianannu manga walahanna wuṛṛu manga ratu, ere sangkatou inangnga mappadul᷊i anangnge. Ne i'o maasingkatte manungku i Ya'u Mawu, Mananal᷊amannu, wuṛṛu manungku Ruatan Israel apan matohassa Mamamallonnu.

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

YESAYA 29:24

Taumata woddo sarun mangurumma tadea'u maasunna wuṛṛu taumata apan sidutu sussawutulla sarun mal᷊uassa aṛṛaanna.”

DARALO 89:1

Aantari tatatinron Etan, taumatan Ezrahi.

DARALO 44:7

Ana waugu i ya'u tawe mangasakku anangku, hal᷊ele'u lai tawe mapanal᷊amatta si ya'u.

DARALO 28:8

Mawu nangonggolu atatohassa su al᷊aṛanang-Nge, I Tou nanamba'a wuṛṛu nanal᷊amatta ratu nipile-Ne.

DARALO 27:14

Pangantimpe sidutu su Mawu, tohasse wuṛṛu patammura'e naungku; ore, pangantimpe Mawu!

DARALO 23:1

Daralon Daud. Si ya'u, Mawu naal᷊ihidda sangkatou mallal᷊u'adda, i ya'u tawe apausanne.

DARALO 18:1

Su piaṛṛa'u mangangantari. Daralon Daud, allangu Mawu. Niantari ipaddalo Mawu sutempo i Daud nipallosa wuassi Saul wuṛṛu wuassu manga seenne.

NEHEMIA 6:9

I mangitou maananamma mammata'utta si yami tadea'u i yami mangillol᷊o manara udde. I ya'u niumal᷊iomanna, “Oh Ruata, tohassawe i ya'u!”

TAHIUL᷊E 34:9

Mawu nangonggola si Yosua ana'i Nun ringannu apapande ana waugu i tou buatte nita'en Musa pinallol᷊ossa si tou. Walahannu Israel mararingikka si Yosua wuṛṛu mappaamattu manga parentane apan nionggolu Mawu si mangitou apan niapawal᷊o si Musa.

SASABANGNGA 3:6

I Ya'u indi Ruatan iupungngu al᷊amonanu, Ruatan Abraham, Ishak wuṛṛu i Yakub.” Ne i Musa nallindumma hatine, ana waugu i tou matta'utta ma'ellega Ruata.

PANDARIADDI 50:21

Arie passinggawangnga. I ya'u sarun manuungngu hausanni yamiu wuṛṛu al᷊aṛṛana'i yamiu.” Etearoddi i tou napaatammudu naungngi mangitou ringannu manga wisara apan masaṛṛionto'a, na'oman sara i mangitou naluasse.

PANDARIADDI 47:12

Wuṛṛu i Yusuf nanuungngu annu iamangnge, manga tuṛṛangnge, wuṛṛu anambon ana'u tuṛṛangnge, naddatingngu arario'anne.

PANDARIADDI 45:11

Amungkangngu iamangnga su Gosyen, i ya'u wotongnge mamadul᷊i iamangnga. Tempon ṛutumma al᷊annune ta'e lima tonna lai wuṛṛu i ya'u sarun mangatokka tadea'u iamangnga, amonanna wuṛṛu winatangngi papa tawe asueannu anna.’ ”

PANDARIADDI 45:7

I ya'u buatte niapiddu Ruata malliu ṛoro wuassi yamiu ana see manal᷊amatta si yamiu ringannu olangnge apan ma'atiangnga indi, wuṛṛu tadea'u maataṛṛangnga asasal᷊ammatti yamiu wuṛṛu maapanassukku pappapulunni yamiu.

PANDARIADDI 48:15

Wua'udde i tou nangal᷊amatta si Yusuf, wisarane, “Ruata, ete i Tou Mawu, sassubbanni Abraham wuṛṛu i Ishak, ete i Tou apan ua'ehetta si ya'u naddatingngu orassa indi;

PANDARIADDI 49:23

Seetta mammangalo ringannu araṛṛaggissa, nangenggenna si tou ringannu papiti'a wuṛṛu anaanna.

TAHIUL᷊E 33:27

Ruata sarangkal᷊o'engnge mabbal᷊i mallal᷊u'addi yamiu, ta'iakku Ruata saran mal᷊annu-l᷊annu ua'ehetta si yamiu. I Tou nallimbuakka seetta wuassu saruannu wuṛṛu i yamiu nirolokka niapapate si mangitou.

2 SAMUEL 5:2

Ro'en dorone, ewe'e lai sutempo i Saul ta'e uaparenta si yami, masokka lai i Tuangnga mamiaṛṛa'u tantaran Israel napawe inaite mapapangalo, see lai Mawu buatte naddiandi si Tuangnga manungku ete i Tuangnga apan mamiaṛṛa'u al᷊aṛṛanang-Nge wuṛṛu maola'a ratun mangitou.”

DARALO 73:23

Arawe i ya'u sidutu su saruan-Nu, I'o uaagassa lima'u aikkatanna.

DARALO 132:1

Aantarin patatembo. Oh Mawu, naungewe i Daud, wuṛṛu al᷊awo'u asasusane.

YESAYA 49:26

Ya'u sarun ma'ola'a seennu iwu'annu daṛṛa, na'oman sara i mangitou uapapatete. Ne anambon taumata sarun maasingkatta, manungku i Ya'u, Mawu, Mananal᷊amannu; Apan Lembonmatohassa, Ruatan Yakub, Mananubbussa si'o.”

YOSUA 17:18

Panganute leta'u panenteanna, ana waugu salaiwe leta'a udde ta'e mahurangnge, i yamiu wotongnge mamaṛṛe leta'a udde wuṛṛu manahuanna sarangkanambone. Wuṛṛu su ola'u manga taumatan Kanaan udde, i yamiu wotongnge mallimbuakka si mangitou, salaiwe i mangitou matohassa wuṛṛu uatahuanna manga kereta pangalo wuassu atta'a.”

MAL᷊AṚṚUUNGNGA 1:22

Ruanganni Efraim wuṛṛu Manasye papapulunni Yusuf, inaite namangalo soa Betel, apan su tempo udde aranne Lus. Ne Mawu nantul᷊ungngi mangitou. Su tempo matataṛaso'o nirolokka mattuddan soa udde,

2 MARARATU 13:16

ana see i Elisa nandolokki tou niapariahi papiti'a. Ratu nandiahite, wuṛṛu i Elisa nangadon limane su wowon liman datu.