PANDARIADDI 48:16 - WUKE SUSI WATTI'U AL᷊AL᷊USASSA

¹⁶ ete i Tou mala'ekatta apan buatte namallo'u wuassu al᷊awo'u asasilaka. Antimanna Ruata udde mangal᷊amatta manga ana'a indi. Antimanna arangku wuṛṛu aranni Abraham wuṛṛu i Ishak sidutu wiakka ana waugu wuassu manga ana'a indi! Antimanna i mangi tou maṛṛana'a mappulunna, wuṛṛu pia papapulunna manambo su runia.”

PANDARIADDI 48:16 Referans Kwoze

DARALO 34:22

Taumata lal᷊eo sarun mate ana waugu al᷊al᷊eone, taumata apan maddantinu taumata susi sarun iṛṛuumanna.

PANDARIADDI 49:22

I Yusuf naal᷊ihidda keledai saṛṛen tumuwo keledai matengnga maranin al᷊imatang kua'e, tuttatal᷊angnga su sendekku wowone.

PANDARIADDI 48:5

I Yakub nanassu, “I Yusuf, anangngu ruan katou i Efraim wuṛṛu i Manasye apan niasungkanga su Mesir indi tantal᷊anna i ya'u taambe naranta isindi, udde lai ana'u, ere lai i Ruben wuṛṛu i Simeon.

2 TIMOTIUS 4:18

Wuṛṛu i ya'u napallose wuassu papate. Atonna Ruata sarun mamallosa wuassu al᷊awo'u pandumma apan lal᷊eo su riri'u. I Tou sarun mangapi'u ringannu sal᷊amatta sulal᷊ummu araratuan-Ne su surga. Ṛinone i Tou wantuhanna saran mal᷊annu-l᷊annu! Amin.

YOSUA 17:17

Ne i Yosua nabbisara su ṛuanganni Efraim wuṛṛu Manasye waṛṛata udde, “Atonna, i yamiu manambo atonna wuṛṛu matohassa, wuṛṛu su lal᷊anne walungannu sambageanganna lai leta'a.

IBRANI 11:21

Ana waugu mangngimanna, tantal᷊anna Yakub taambe nate, i tou nangal᷊amatta manga al᷊aṛṛana'i Yusuf – ringannu uasandaka su puan ta'inne wuṛṛu massubba Ruata.

WATTI'U MANGA RASUL 15:17

tadea'u taumata apan lambene udde maddea'a Mawu, su sampunna ringannu walahanna waine apan wal᷊ine Yahudi apan suete niwagoang-Ku maola'a pussaa-U.’ Ete aroddi wisara Mawu,

YOHANES 17:15

I Ya'u tawe madorongnga tadea'u Iamangnga mangal᷊appa si mangitou wuassu runia indi, arawe i Ya'u madorongnga tadea'u iamangnga mallu'adda si mangitou wuassi Ral᷊eo.

YESAYA 63:9

i Tou sassane niaṛṛiaannu asasusa mangitou, Mawu tawe nandolokku daroloṛṛanna ara'e maṛṛinu; Ete i Tou sassane namallossi mangitou ana waugu darangngu wuṛṛu tatal᷊antum-Me. I Tou sidutu mammadul᷊i si mangitou ro'en al᷊amonane.

DARALO 121:7

Mawu sarun mallu'adda si'o wuassu asasilaka, i Tou uariaga si'o tadea'u wiakku sal᷊amatta.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

1 KORINTUS 10:9

I ite tawe wotongnge maannamma Mawu ere buatte niola'u sangkawageanganna wuassi mangitou rorone, na'oman sara i mangitou nate nipul᷊issu atoana mawisa.

AMOS 9:12

Taumatan Israel sarun mangagassa wanua Edom apan ta'e nallambe see anambon walahanna apan dorone tatahuanang-Ku. I Ya'u, Mawu, buatte nabbisara wuṛṛu i Ya'u sarun mapaamattu olangnge udde.”

1 KORINTUS 10:4

wuṛṛu ma'inumma ua'en Ghaṛṛahon pangangimanna apan uasul᷊ungnga. I mangitou sarangkanambone ma'inumma wuassu wowon batu Ghaṛṛahon pangangimanna apan ual᷊u'adda si mangitou; wowon batu eteudde Kristus sassane.

ROMA 8:23

Wuṛṛu wal᷊ine tumba'u pati'uppu runia sassane sussal᷊ande; i ite sassane lai sussal᷊ande sulal᷊ummu naungngi ite. I ite buatte nanengkamma Ghaṛṛahon Duata, aonggolu Ruata apan paarorone, arawe i ite lai ta'e uaraṛṛado Ruata mapaal᷊iun kite wuassu sarangkanambone, wuṛṛu manga'u si ite maola'a al᷊aṛṛanang-Nge.

MATIUS 6:13

Ariewe mamalang kami awul᷊iannu pangangimanna su tempo i yami wabal᷊intongnganna ewe'e liua'a i yami wuassu taṛṛinon Al᷊al᷊eo. [Ete I'o Ratu apan uataṛṛino wuṛṛu mawantuga ma'oman sara mal᷊annu-l᷊annu. Amin.]’

MALEAKHI 3:1

Mawu Apan Lembontaṛṛino sinumimbakka, “Ya'u sarun mandolokku daroloṛṛang-Ku iapasaddia lal᷊ang-Ku. Ne ringannu inaṛṛombanganne i Ya'u, Mawu apan raddeaanni yamiu, sarun dumanta su Wal᷊e-U. Daroloṛṛang-Ku apan aantimanni yamiu udde sarun dumanta wuṛṛu umal᷊iatan paaire-U.”

YEREMIA 14:9

Anio I'o ere taumata apan niul᷊awune; ere pahlawanna apan tawe ma'ontolla? Arawe, natantunna I'o su pattangnganni yami, Mawu! I yami uman-Nu, ariewe i yami itantang-Ngu!’ ”

YESAYA 47:4

Ruata na'ukkassa su Israel namallossi ite, aran-Ne Mawu Apan Lembontaṛṛino.

DARALO 34:7

Taumata su asasilaka sussal᷊ande, ne Mawu sinumimbakka, namallossi tou wuassu asasusane.

DARALO 34:2

I ya'u ṛinone maadiangkamanna su Mawu suapan tempo, wuṛṛu tawe illol᷊one maddalo si Tou.

2 TAWARIKH 7:14

ana see al᷊aṛana-U apan nappaattu arang-Ku udde sumallungngu watanganne, wuṛṛu umal᷊iomanna ana see rumanta ringang-Ku wuṛṛu manatangngu inolaanni mangitou apan lal᷊eo, ne wuassu surga i Ya'u sarun maddaringikka aal᷊iomanni mangitou. I Ya'u sarun mangampungnga manga rosan mangitou wuṛṛu ma'ola'a wanuam mangitou su lal᷊umana'a apia.

TAHIUL᷊E 33:17

I Yusuf uatahuanna atatohassu sambau bantenga, wuṛṛu tatandu'u sapin ahuranganna esakka eteudde su ṛiwune Manasye wuṛṛu su pul᷊o ṛiwune Efraim. Manga walahanna nihesangnge wuṛṛu nilimbuaṛṛanni mangitou naddatingngu manga pentakku runia.”

TAHIUL᷊E 28:10

Ne anambon balahanna su runia sarun maasilo manungku i yamiu balahanna apan nipilen Mawu, ne i mangitou sarun mangantagi yamiu.

SASABANGNGA 1:7

Arawe papapulunni mangitou, eteudde manga taumatan Israel, naṛṛana'e napulunna manambo atonna, wuṛṛu reenganni mangitou a'atambanna mal᷊ihakka atonna, na'oman sara wanua Mesir napene mangitou.

PANDARIADDI 32:28

Taumata udde nabbisara, “Arannu wal᷊inewe i Yakub. I'o buatte nallaṛṛawa'u Ruata wuṛṛu ringannu taumata, wuṛṛu i'o naauntunga; ana waugu udde arannu niwalute i Israel.”

PANDARIADDI 22:11

Arawe mala'ekattu Mawu niumui si tou wuassu langitta, “Abraham, Abraham!” Sasimbakki Abraham, “I ya'u, Mawu!”

PANDARIADDI 22:15

Paassa lai wuassu langitta mala'ekattu Mawu niumui si Abraham,

PANDARIADDI 46:3

“I Ya'u Ruata, Ruata apan sassubbannu iamangngu,” wisara-Ne. “Arie pa'ata'utta inai watukku Mesir. I Ya'u sarun mandiadi papapulunnu balahanna apan bahewalla poiaroddi.

2 SAMUEL 4:9

Arawe i Daud sinumimbakka, “Mawu apan biakka, apan buatte nanal᷊amatta si ya'u wuassu al᷊awo'u asasilaka, masingkatta manungku wisara'u indi naṛṛino.

YEREMIA 15:21

I Ya'u sarun mamallonu wuassu taṛṛino manga taumata lal᷊eo apan maṛṛagissa. I Ya'u, Mawu, buatte nabbisara.”

1 MARARATU 1:29

Ana see ratu nabbisara si tou, “Atonna i ya'u naddiandi si'o, ringannu arannu Mawu, Ruatan Israel, manungku i Salomo anangngu sarun mallol᷊ossa si ya'u maola'a ratu. Ne, orassa indi ya'u maddiandite si'o ringannu arannu Ruata apan biakka, apan buatte namallo'u wuassu alawo'u asasusa'u, manungku su allo indi lai ya'u sarun manipussa paaire'u si'o.”

DARALO 34:8

Mala'ekatu Mawu uariaga taumata apan mangngimanna, wuṛṛu namallossi mangitou wuassu asasilaka.