PANDARIADDI 47:9 - WUKE SUSI WATTI'U AL᷊AL᷊USASSA

⁹ sasimbakki Yakub, “Allangngu nabiakka maṛṛasutta tallun pul᷊o su tonnane naola'a mamamal᷊intadda. Allangngu mabbiakka napenen asasusa wuṛṛu maautta amungkangngu isul᷊ungngu uukku al᷊amonan allangngu ere mamamal᷊intadda.”

PANDARIADDI 47:9 Referans Kwoze

DARALO 39:12

Taumata ana waugu pasasal᷊ane; niṛṛuuman-Nu wuṛṛu pappuul᷊an-Nu naal᷊ihidda wiangnga niṛṛimunsa-Ngu apa apan maarega si tou. Atonna, taumata naal᷊ihidda sasabbangu singangu.

PANDARIADDI 35:28

Su uukka apan timmadete, eteudde maṛṛasutta ual᷊un pul᷊o su tonnane, i Ishak nate wuṛṛu nilabbingngi Esau, i Yakub wuṛṛu manga anangnge.

DARALO 39:5

“Mawu, pasingkata'e tingngera papate'u tadea'u i ya'u masingkatta aroddi aaunne auuṛṛangku.”

AYUB 14:1

Ro'en niasungkangnga taumata udde lome, tawe maal᷊ore; uukke maautta see lai napenen asasusa.

YOSUA 24:29

Wua'udde i Yosua ana'i Nun allangu Mawu udde, nate su uukka maṛasutta mapul᷊o su tonnane.

TAHIUL᷊E 34:7

I Musa nate su uukka maṛṛasutta ruan pul᷊o su tonnane. Atatohassi tou tawe nahaingnga wuṛṛu matane ta'e matilangnga.

SASABANGNGA 7:7

I Musa uukke 80 su tonnane wuṛṛu i Harun 83 su tonnane su tempo itarua sinumaruanna ratu.

SASABANGNGA 6:4

I Ya'u naaringikke sasal᷊iomannu taumatan Israel apan niallangngu walahannu Mesir, ana see i Ya'u naaringikka pa'aire-U udde.

PANDARIADDI 50:26

Wua'udde i Yusuf natete su Mesir su uukka maṛṛasutta mapul᷊o su tonnane. I mangitou namuraten rampa-rampa su winal᷊unanne wuṛṛu niaddo su wasungnga.

1 PETRUS 2:11

Manga tuṛṛangnga apan arangnguanna! I yamiu uddewe taumata lumal᷊o'a wuṛṛu mattindaho su runia indi. Ana waugu udde i ya'u sumal᷊ande si yamiu tadea'u i yamiu tawe tumuṛṛutta apulun taumata apan sidutu uapapangalo lullawangnga ṛimuudda.

YAKOBUS 4:14

Apa apan sarun mariaddi su wiakku tiṛṛabbi, yamiu sassane lai wagga! I yamiu tumba'u ere timbulla apan aellehanna tal᷊an kadio'a, wua'udde mawul᷊i.

DARALO 119:54

Su al᷊o'engngu pabbiaṛangku su runia, tita-Nu ta'u niola'a manga aantari daralo.

DARALO 119:19

Tawe mal᷊annu i ya'u matana'a su runia, ariewe mamunin tita-Nu si ya'u.

PANDARIADDI 47:28

I Yakub ta'e nabbiakka mapul᷊o pitu su tonnane su Mesir na'oman sara uukke nabbal᷊i maṛṛasutta appatu pul᷊o pitu su tonnane.

PANDARIADDI 11:11

Wua'udde i tou ta'e nabbiakka 500 su tonnane lai, ana see naasomba al᷊arṛṛana'a waine.

IBRANI 13:14

Ana waugu su runia, i ite tawe tampa atatanaanna apan mal᷊annu; i ite maddea'a tampa atatanaanna apan sarun dumanta.

1 TAWARIKH 29:15

I'o masingkatta, oh Mawu, manungku ere lai manga al᷊amonan kami, yami lai mabbiakka su runia indi naal᷊ihidda rumaranta wuṛṛu taumata raho. Wiakki yami naal᷊ihidda lintau apan malliudda, wuṛṛu yami lai tawe maal᷊iu wuassu papate.

PANDARIADDI 5:27

I tou nate su uukka 969 su tonnane.

2 KORINTUS 5:6

Ana waugu udde naungngi yami sidutu uapendama atatohassa. I yami masingkata manungku tantal᷊anna yami ta'e uatana'a sulal᷊ummu wadangngi yami indi, yami marau wuassu wal᷊e apan sarun atanaanni ami suadio'a ringannu Mawu.

PANDARIADDI 47:8

wuṛṛu ratu naiwal᷊o si tou, “Pirate uukki Papa?”

DARALO 39:13

Daringiṛṛewe aal᷊iomangku oh Mawu, ellehewe darorongku; arie tumba'u mal᷊annaba napawe i ya'u lumuai. Ere iupungngu al᷊amona'u sarangkanambone, tumba'u tal᷊angkadio'a i ya'u uaintal᷊a ringan-Nu.