PANDARIADDI 47:25 - WUKE SUSI WATTI'U AL᷊AL᷊USASSA

²⁵ I mangitou sinumimbakka, “I Tuangnga buatte nanal᷊ammatta si yami wuṛṛu yami ma'adiangkamanna. Yami mal᷊uassa maola'a allangngu ratu.”

PANDARIADDI 47:25 Referans Kwoze

PANDARIADDI 33:15

Unni Esau, “Amungkangngu aroddi, mappianne i ya'u manantangngu manga pira taumata'u si'o.” Arawe i Yakub sinumimbakka, “Ariete mattinsahadda, i ya'u tumbau maapulu malluassa naungngu Iaangnga.”

RUT 2:13

I Rut sinumimbakka, “i Papa mapia atonna si ya'u, salaiwe i ya'u tawe nassul᷊ungngu mamamanaran Papa. Asasaṛṛionto'i Papa naal᷊uassa naungku.”

PANDARIADDI 50:20

I yamiu buatte nabbaidda ma'ola'a al᷊al᷊eo si ya'u, arawe Ruata namal᷊u al᷊al᷊eo udde nabbal᷊i apapia, tadea'u apa apan nariaddi paarorone udde maasalamatta anambon taumata apan mabbiakka orassa indi.

PANDARIADDI 41:45

Ana see ratu nangonggolu sambau arannu Mesir si Yusuf, eteudde i Zafnat-Paaneah. I tou lai nangonggolu sangkatou awingnge aranne i Asnat, ana'i Potifera apan naola'a imam su soan Heliopolis. I Yusuf uukke tallun pul᷊o su tonnane su tempo i tou nanattaka mammanara ringannu ratu Mesir. Ne i Yusuf nanantangken wal᷊en araratuanna wuṛṛu inaite namal᷊iwutta ahewallu araratuanna.

PANDARIADDI 18:3

i tou nabbisara, “Manga Tuangnga, arie sumabbi rasangku ringannu tawe umotongnga asuene; wala'ewe i ya'u mangimbe manga Tuangnga.

PANDARIADDI 6:19

Apira'e lai sulal᷊ummu apalla udde passampare wuassu al᷊awo'u hatin manu'u winalanganna wuṛṛu winatangnga waine, tadea'u i mangitou tawe mate lai.

PANDARIADDI 47:24

Su tempon mangitingnga, i yamiu ṛinone mangonggolu wageangnge al᷊imane wuassu hessine su ratu. Lambene wotongnge ipaatti yamiu maola'a wualanna wuṛṛu wiakku amonanni yamiu.”

PANDARIADDI 47:26

Wua'udde olangnge udde niola'i Yusuf nabbal᷊i sambau atoranna su wanua Mesir, eteudde manungku wageangnge al᷊imane wuassu hessin pangangitingnga mabbal᷊i tatahuanannu ratu. Naddatingngu orassa indi atoranna udde ta'e iapa'amatta. Tumba'u leta'u manga imam tawe naola'a pussa'an datu.

PANDARIADDI 32:6

Su tempo manga daroloṛṛanna nabelengke apia ringanni Yakub, i mangitou nabbisara, “I yami buatte wua dinganni Esau, iaangngi Tuangnga wuṛṛu orassa indi i tou sulal᷊ummu amatanna inawarea maisasomban Tuangnga. I tou rumanta ringannu uaapiddu appatu ṛasutta su atoune.”