PANDARIADDI 46:29 - WUKE SUSI WATTI'U AL᷊AL᷊USASSA

²⁹ I Yusuf sinuma'e kereta inai maisasomban iamangnge isudde. Su tempo i mangitou nassomba, i Yusuf naṛṛa'uppa iamangnge wuṛṛu mal᷊annu lulluai.

PANDARIADDI 46:29 Referans Kwoze

LUKAS 15:20

Ne i tou inaite napul᷊e ringannu iamangnge. Ta'e marau wuassu wal᷊e, i tou niasiloanten iamangnge. Ringannu aakkanna iamangnge tinumal᷊angnga naisasomban tou, see naṛṛa'uppa wuṛṛu nangari'a si tou.

PANDARIADDI 33:4

Arawe i Esau tinumal᷊angnga naisasomban i Yakub, ana see naṛṛa'uppa ana see nangari'a. Wuṛṛu ruan katou taumata udde ual᷊al᷊uaite.

WATTI'U MANGA RASUL 20:37

I mangitou sarangkanambone nilumuai lapiddu naṛṛa'uppa si Paulus wuṛṛu nabbisara, sal᷊amatte umamatta.

PANDARIADDI 45:21

Manga al᷊aṛṛana'i Yakub tinumuṛṛutta parentan ratu udde. I Yusuf nangonggolu manga pira kereta si mangitou, ere buatte nirolokku ratu, wuṛṛu lai wal᷊unna su amatanna.

PANDARIADDI 45:19

Doloṛṛa'e lai i mangitou wua'isindi mangapiddu manga pira kereta palluranannu awingnga wuṛṛu manga ana'i mangitou apan ta'e maradio'a, wuṛṛu pallarunannu iamangngi mangitou.

PANDARIADDI 41:43

Ana see i tou nangonggola si Yusuf sambau keretan araratuanna aruane maola'a sasa'eanne, wuṛṛu mandariaga awawantugu ratu u'amatta su saruannu kereta udde apiddu u'ui, “Ore! Paamata'a! Paamata'a!” Etearoddi i Yusuf nitenega naola'a gubernure su ahewallu Mesir.

PANDARIADDI 43:30

Naungngi Yusuf sinumarootta ana waugu ma'apulute ma'asomba wuṛṛu mandangngu tuarine. Ete addio'a i tou tawe naaṛṛaddannu apulune, ana waugu udde i tou nangingkatta wua isudde ringannu mal᷊ihakka wuṛṛu sinumutta su wabbo'ane wuṛṛu nilumuai.

PANDARIADDI 45:2

Napawe manga mamanarane nanantangken tampa udde, i Yusuf nilumuaite ma'ikka-ikkata, na'oman sara manga taumatan Mesir su luddu tampa udde naaringikka, wuṛṛu watti'a udde na'omate su wal᷊en araratuanna.

PANDARIADDI 46:30

I Yakub nabbisara si Yusuf, “Orassa indi ya'u maapulute mate, ana waugu buatte naasilo wuṛṛu naasingkatta manungku i'o ta'e wiakka.”

PANDARIADDI 50:9

Tantara apan uasa'e kereta wuṛṛu awal᷊o tinumantalongnga lai, na'oman sara mallal᷊aṛṛenggenna udde mal᷊o'engnga atonna.