PANDARIADDI 45:19 - WUKE SUSI WATTI'U AL᷊AL᷊USASSA

¹⁹ Doloṛṛa'e lai i mangitou wua'isindi mangapiddu manga pira kereta palluranannu awingnga wuṛṛu manga ana'i mangitou apan ta'e maradio'a, wuṛṛu pallarunannu iamangngi mangitou.

PANDARIADDI 45:19 Referans Kwoze

PANDARIADDI 46:5

Ana see i Yakub nanantangken Bersyeba. Al᷊aṛṛanangnge nallurannu iamangngi mangitou see ana'a awingngi mangitou su kereta apan nionggolu ratu Mesir.

PANDARIADDI 45:27

Arawe napawe i mangitou nabbatti'u sarangkanambone apan niwisaran Yusuf si mangitou, wuṛṛu napawe i tou naasilo kereta apan niapaapiddi Yusuf iapaal᷊appa wuṛṛu iapaapiddi tou watukku Mesir, i tou natimpu'ote wuassu ṛingiranne.

YESAYA 49:23

Manga ratu ere iamangngi yamiu, wuṛṛu manga wo'i ere inangnga. I mangitou sarun umal᷊intudda mangaddatta si'o wuṛṛu sumallungngu watanganne si'o. Ne i'o sarun maasingkatta manungku i Ya'u Mawu; taumata apan uaantimma si Ya'u tawe sumassilla.”

YESAYA 49:1

Paddaringikke si ya'u, ei manga wanua apan marau panutukke manga wisara'u. Mawu namaggo si ya'u tantal᷊anna i ya'u taambe niasungkanga, i Tou namile si ya'u ro'en ta'e sulal᷊ummu illoṛṛo.

PANDARIADDI 45:20

I mangitou salaiwe tate maṛṛingiddu manga saranapa mangitou apan natantangnga, ana waugu apan apianne su ahewallu Mesir sarun mabbal᷊i pussa'a mangitou.”

PANDARIADDI 45:21

Manga al᷊aṛṛana'i Yakub tinumuṛṛutta parentan ratu udde. I Yusuf nangonggolu manga pira kereta si mangitou, ere buatte nirolokku ratu, wuṛṛu lai wal᷊unna su amatanna.

REENGANNA 7:3

mangonggolu sasamba su saruannu Mawu annummu wau roda wuṛṛu mapul᷊o dua sapi; suapan ruan katou piaṛṛangnge mangonggolu sambau roda, wuṛṛu sangkatou-sangkatou sapi sambau. Napawe i mangitou buatte nangonggola,