PANDARIADDI 43:23 - WUKE SUSI WATTI'U AL᷊AL᷊USASSA

²³ Mangangimbe udde sinumimbakka, “Arie pa'ata'utta. Arie passinggawanga. Mawu Ruatanu, eteudde Ruata apan sassubbannu iamangngu, ete i Tou napasutta roitta udde sulal᷊ummu karongngi yamiu. I ya'u buatte nanengkamma wawaekku gandumma udde.” Wua'udde i tou nangapiddi Simeon ringanni mangitou,

PANDARIADDI 43:23 Referans Kwoze

PANDARIADDI 42:24

I Yusuf nanantangngi mangitou, ana see nilumuai. Napawe wotongngete mapagahatto apia, i tou nabelengnga ringanni mangitou, ana see nangehetta si Simeon, wuṛṛu niapaṛṛapussa si tou su saruannu anambon tuṛṛangnge.

YOHANES 20:26

Sangkamisa nal᷊iudda, manga mallal᷊aṛṛenggennu Mawu Yesus naammulla apia su tampa udde, wuṛṛu i Tomas isudde lai. Anambo ngara uaṛṛuudda. Arawe Mawu Yesus nirumanta wuṛṛu nirumarisikka su pattangnganni mangitou, see nabbisara, “Sal᷊amatta wuṛṛu paddarame si yamiu.”

YOHANES 14:27

Al᷊al᷊uassa Ta'u itantangnga si yamiu. Al᷊al᷊ua-U sassane apan Ta'u nionggolla si yamiu. Ta'u nionggolla udde wal᷊ine ere nionggolu runia indi si yamiu. Arie passinggawangnga, arie pa'ata'utta.

YOHANES 20:21

See Mawu Yesus nabbisara si mangitou paassa lai, “Sal᷊amatta wuṛṛu paddarame si yamiu. Ere lai Iamangnga nandolo-U aroddi lai Ya'u mandolokki yamiu.”

YOHANES 20:19

Su allo Misa udde lai, su tempo ṛabbite, manga mallal᷊aṛṛenggennu Mawu Yesus uaammulla su sambau wal᷊e apan ngarane uaṛṛuudda, ana waugu i mangitou matta'uttu manga tembonannu Yahudi. Inaṛṛombanganne Mawu Yesus nirumanta wuṛṛu dirumarisikka su pattangnganni mangitou wuṛṛu nabbisara, “Sal᷊amatta wuṛṛu paddarame si yamiu.”

LUKAS 24:36

Tantal᷊anna i mangitou ta'e uahahatto, inaṛṛombanganne Mawu Yesus sassane nirumarisikka su pattangnganni mangitou wuṛṛu nabbisara, “Paddarame si yamiu!”

LUKAS 10:5

Amungkangngu i yamiu sumutta su sambau wal᷊e, wisara'a paarorone, ‘Doronganna al᷊al᷊uassa sulal᷊ummu wal᷊e indi.’

PANDARIADDI 42:28

“Roi'u niapaawelengnga,” auine su manga tuṛṛangnge. “Pa'ellega, indi sulal᷊ummu karongku!” Naungngi mangitou nabbal᷊i nata'utta, wuṛṛu ringannu matta'utta i mangitou ua'aiwal᷊ote, “Apate niola'u Ruata si ite?”

EZRA 4:17

Ratu nangirimmu sasimbakke indi, “Iwuna'a si Gubernure Rehum wuṛṛu Simsai mamamoṛṛettu propinsi, see manga hawen mangitou apan uatana'a Samaria wuṛṛu su manga soa waine su propinsi Efrat Waṛṛatta. Tabbea.

1 TAWARIKH 12:18

Sangkatou suwallatti mangitou, eteudde i Amasai, apan sal᷊immurine nabbal᷊i piaṛṛa'u ammul᷊anna apan isassago “Tridasawira,” nitaṛṛinoannu Ghaṛṛahon Duata ana see nabbisara, “I Daud, ana'i Isai! Yami massumbala si'o! Antimanna i'o wuṛṛu i mangitou apan massumbala si'o mangke maauntungnga. Ruata uasamba'a si'o!” Ne i Daud nanal᷊oho si mangitou wuṛṛu nanenegi mangitou nabbal᷊i tembonannu tantara sulal᷊ummu tantaran pangalone.

1 SAMUEL 25:6

niaparanta ringanni Nabal niapawal᷊on tabean Daud si tou, “Wuṛṛu amonannu see lai anambon darotongngu.

MAL᷊AṚṚUUNGNGA 19:20

Ana see timmadde udde nabbisara, “Arie passinggawanga, i ya'u mantul᷊ungnga. Ariete panaṛabbi su rallaka mal᷊alanga indi.”

MAL᷊AṚṚUUNGNGA 6:23

Arawe Mawu nabbisara si tou, “Paatammuda! Arie pa'ata'utta. I'o tawe mate.”

PANDARIADDI 43:14

Antimanna Mawu Ruata Apan Lembontaṛṛino ma'ola'a gubernure udde umakkanni yamiu, na'oman sara i tou mapaawelengngi Benyamin wuṛṛu i Simeon si yamiu. Su ola'u i ya'u indi, amungkangngu i ya'u ṛinone awul᷊ianten manga ana'u, apa sarun iwisara.”

PANDARIADDI 42:36

Ana see iamangngi mangitou nabbisarate, “Ete i yamiu naaola'a si ya'u niawul᷊iannu ana'u. I Yusuf tate baddi'a lai; i Simeon tate baddi'a lai; wuṛṛu orassa indi yamiu lai mangapiddi Benyamin. Wal᷊ine hampa asasusa'u!”

1 TAWARIKH 12:19

Sutempo i Daud suadio'a ringannu taumatan Filistin namangalo si Ratu Saul, sambageanganna wuassu tantaran Manasye nilumewessa nanamba'a si Daud. I Daud tawe pandumma massumbala manga taumatan Filistin udde. Manga piaṛṛa'u Filistin nandolokki tou niapapul᷊e watukku Ziklag ana waugu i mangitou matta'utta i tou sarun inai manamba'a si Saul wuṛṛu mabbaha si mangitou.