PANDARIADDI 42:9 - WUKE SUSI WATTI'U AL᷊AL᷊USASSA

⁹ Ana see i tou naanaungnga wal᷊iawane su ola'i mangitou. Wuṛṛu nabbisarate i tou, “I yamiu indi matataṛṛaso'o; i yamiu nirumanta manniata suapa al᷊allomen banuan kami.”

PANDARIADDI 42:9 Referans Kwoze

SASABANGNGA 32:35

Ana see Mawu nandantan asasusa su manga taumata udde ana waugu i mangitou namata'i Harun na'ola'a paal᷊uanna sapi wul᷊awanna udde.

IBRANI 11:31

Ana waugu mangngimanna lai, ne i Rahab, wawine masandaga udde, tawe niapate suadio'a ringannu manga taumata apan lullawangnga Ruata; ana waugu i tou nanal᷊oho ringannu masaṛṛionto'a manga mallal᷊ingen taumatan Israel.

LUKAS 20:20

Nariaddi i mangitou maddea'a tempone mapia. I mangitou nangonggolu roitta su taumata iapaatanno lihiddu taumata matul᷊ida, wuṛṛu nandolokku manga taumata udde mapaasal᷊a Mawu Yesus ringannu manga aiwal᷊o, tadea'u i mangitou wotongnge manantilli Tou su apulu wuṛṛu taṛṛinon gubernure.

1 SAMUEL 26:4

Ana see i tou nandolokku matataṛṛaso'o, ne i tou naasingkatte ringannu atonna manungku i Saul isudde lai.

MAL᷊AṚṚUUNGNGA 1:24

i mangitou nassomban sangkatou esakka apan nirumanta wuassu soa udde. Unnu mangitou si tou, “Amungkangngu i'o mantul᷊ungngi yami, tadea'u i yami maasutta sulal᷊ummu soa indi, i yami sarun ma'ola'a si yamiu ringannu mapia.”

YOSUA 6:23

Ne ruan katou matataṛṛaso'o udde inaite, wuṛṛu nangapiddi Rahab wuṛṛu hagurangnge, see lai tuṛṛa-tuṛṛange wuṛṛu ṛuangannu amonanne apan baine. Anambon amonanni Rahab udde wuṛṛu manga allange niapidda su liudde su tampa apan mal᷊annaba marani paddasanannu Israel.

YOSUA 2:1

Wua'udde wuassu paddasananna su Sitim, i Yosua nanddolokku ruan katou matataṛṛaso'o watukku Kanaan. Itarua nirolokka iapaparikissa wanua Kanaan ringannu ma'imbuni, nangillembo lai su soan Yerikho. Ne inaite itarua watukku soa, wuṛṛu nanaṛṛabbi su wal᷊en sangkatou wawine masandaga, aranne i Rahab.

REENGANNA 13:2

“Wuassuapan ṛuangannu Israel pandolokku sangkatou wuassu wallatu manga piaṛṛangnge iapa taṛṛa so'o leta'u Kanaan apan sarun Ta'u ionggola su taumatan Israel.”

PANDARIADDI 42:34

Napawe i yamiu mabelengnga uaapiddu tuarin kamiu ṛembonne, i ya'u sarun maasingkatta manungku i yamiu wal᷊ine matataṛṛaso'o, ewe'e taumata matul᷊idda. Ne tuṛṛangngu apan tinaṛṛangangku udde sarun ta'u iwelengnga si yamiu wuṛṛu i yamiu wotongnge matana'a su wanua indi wuṛṛu walate apulu mabbal᷊u'a.’ ”

PANDARIADDI 42:16

Sangkatou su wallati yamiu mangal᷊appa si tou. Ingana'a waine taṛṛanganna maddatingngu manga wisaranu udde atonna. Amungkangu tawe, ringannu arannu ratu i yamiu indi matataṛṛaso'on seetta!”

2 SAMUEL 10:3

Napawe i mangitou na'omate su Amon, manga piaṛṛa'u wanua udde nabbisara si Ratu Hanun, “Arie i Tuangnga maṛṛingidda manungku i Daud nandolokku daroloṛṛanna udde ana waugu i tou maapulu mangaddatta iamangngi Tuangnga! I tou nandolokku manga taumata udde inawarendi naola'a matataṛṛaso'o iapaparikissa soa indi, tadea'u i mangitou wotongnge maapangaṛṛo soa indi.”

PANDARIADDI 37:11

Manga iaangngi Yusuf piate naungnga lal᷊eo si tou, arawe iamangnge sidutu maṛṛingiddu wal᷊iawa udde.