PANDARIADDI 42:21 - WUKE SUSI WATTI'U AL᷊AL᷊USASSA

²¹ Ana see i mangitou uahahattote sangkatou ringannu sangkatou, “Ne, orassa indi i ite niṛṛuumanna ana waugu pasasal᷊a su tuarin kite dorone; i tou ma'iontolla arawe i ite ma'ielembaga, salaiwe i ite maasilo manungku i tou uatataṛṛangnga asasusa. Ana waugu udde i ite orassa indi naapendampe asasusa indi.”

PANDARIADDI 42:21 Referans Kwoze

HOSEA 5:15

Uma-U sarun Ta'u itantangnga ma'oman sara i mangitou natimute uatataṛṛangnga ana waugu manga rosane, wua'udde rumanta maddea'a si Ya'u. Asinungka sulal᷊ummu asasusane, i mangitou sarun mattinsahadda maddea'a si Ya'u.”

1 YOHANES 1:9

Arawe amungkangu i ite manga'u al᷊awo'u rosan kite su Ruata, i Tou sarun manipussa paaire-Ne wuṛṛu ma'ola'a atatul᷊idda. I Tou sarun mangampunga manga rosan kite wuṛṛu mangukkasa si ite wuassu al᷊awo'u al᷊al᷊eon kite.

YAKOBUS 2:13

Ana waugu Ruata tawe mapaal᷊iatta'u darangngu-Ne su taumata apan tawe maaillal᷊a darangngu. Arawe darangngu mattohasanna wuassu ṛuumanna!

WATTI'U MANGA RASUL 19:18

Manga taumata apan nangngimante Mawu Yesus, nirumanta mangnga'u su tangngan awadaalla manga inolaanni mangitou su tempo nangkal᷊iu.

LUKAS 16:28

Pia sire lima tuṛṛangku isudde. Doloṛṛa'e Lazarus mapaanaungnga si mangitou, tadea'u arie i mangitou lai manawo su tampan sansara indi.’

MARKUS 9:48

Poiaroddi putungnga tawe mappadumma wuṛṛu ul᷊ida tawe mate.

MATIUS 7:2

Ana waugu su ereapa i yamiu maṛṛuungngu taumata waine, aroddi lai Ruata sarun maṛṛuungngi yamiu. Wuṛṛu uuṛṛanna apan ipanguukki yamiu su taumata waine sarun ipanguukku Ruata lai si yamiu.

YEREMIA 2:19

Al᷊al᷊eonu sassane apan makkuumannu, i'o nasusa ana waugu nanol᷊a-U, Ruatanu. Orassa indi pamendampe aroddi apettane wuṛṛu aṛṛagene amungkangngu i Ya'u tal᷊i'urannu wuṛṛu tawe addatannu. I Ya'u, Mawu Ruatanu buatte nabbisara; Ete i Ya'u Mawu Ruata Apan Atanggaṛṛanne wuṛṛu Lembontaṛṛino.”

YEREMIA 2:17

I'o sassane apan namonse sarangkanambone apan nariaddi su watangannu, ana sutempo i'o Ta'u ni'ehetta su amatanna, i'o tinumal᷊iudda si Ya'u, Mawu Ruatanu.

AMSAL 28:17

Sangkatou taṛṛa pate sarun uapendamma sidutu a'enggenanna maddatingngu papatene; tawe saran sangkatou apan wotongnge manaṛṛangnga si tou.

AMSAL 21:13

Isai maddiri maddaringikka sasal᷊iomannu taumata apan awussa tawe daringiṛṛanna amungkangngu i tou sassane maiontolla.

1 MARARATU 17:18

Ana see unnu wawine wal᷊u udde si Elia, “Allangngu Ruata, anio Iamangnga na'ola'a olangnge indi su saruangku? Apa Iamangnga rumanta tadea'u Ruata manaungnga rosa'u, na'oman sara ana'u rinone mate?”

2 SAMUEL 12:13

Ana see i Daud nabbisara si Natan, “I ya'u buatte na'ola;'a rosa su saruannu Mawu.” I Natan sinumimbakka, “Mawu buatte nangampungnga pasasal᷊an Tuangnga; nariaddi i Tuangnga tawe mate.

MAL᷊AṚṚUUNGNGA 1:7

Unni Adoni-Bezek, “Dorone pitum pul᷊o su atoune ratun seetta ta'u nipototta inangngu lima wuṛṛu leddane, ana see i mangitou ta'u niwala niumanna manga anna lambene apan tinumaṛoto wuassu medda'u. Orassa indi Ruata na'ola'a si ya'u ere lai ya'u na'ola'a si mangitou.” Wua'udde i Adoni-Bezek niapidda watukku Yerusalem, ne i tou natete poiaroddi.

REENGANNA 32:23

Arawe paanaunge, amungkangngu i yamiu tawe nanipussapa'airenu, i yamiu na'ola'a rosa su saruannu Mawu wuṛṛu sarun iṛṛuumanna ana waugu rosanu udde.

PANDARIADDI 41:9

Wua'udde mangangimben ua'e namasingkatta ratu, “Allo indi allangngu ṛinone manga'u pasasal᷊an allangngu.

YEREMIA 4:18

Yehuda, ete i'o sassane apan nandantan asasilaka udde su watangannu. Ola'u pabbiaṛṛannu wuṛṛu manga inolaannu naawawa anambon asasusa udde mangngusu'a naungngu.

PANDARIADDI 45:3

I Yusuf nabbisara su manga tuṛṛangnge, “I ya'u indi Yusuf. I Papa ta'e wiakka?” Naasilo udde manga tuṛṛangnge mangke nata'utta atonna na'oman sara tawe naasimbakka.

PANDARIADDI 50:15

Napawe iamangngi mangitou natete, manga iaangngi Yusuf nabbisara, “Ereapate amungkangngu i Yusuf mangune wuṛṛu ma'apulu mabbal᷊issa al᷊al᷊eong kite dorone?”

PANDARIADDI 44:16

“Yami taweddu ipabbisara, Tuangku?” sasimbakki Yehuda. “Ereapa yami wotongnge mapaasal᷊a wuṛṛu mapaaṛṛinon batanganni yami? Mawu Ruata buatte napal᷊iatta'u pasasal᷊an kami. Orassa indi yami sarangkanambone allangngi Tuangnga, wal᷊ine tumba'u i tou apan niasombanganna piala udde.”