PANDARIADDI 42:19 - WUKE SUSI WATTI'U AL᷊AL᷊USASSA

¹⁹ Tadea'u maasingkatta manungku i yamiu indi taumata mapia, sangkatou wuassu wallati yamiu sarun taṛṛanganna sulal᷊ummu tutupanna; ingana'a waine wotongngete mapul᷊e wuṛṛu mangapiddu gandumma apan niwallianni yamiu su amonannu apan tantal᷊anna uatataṛṛangnga lunussa.

PANDARIADDI 42:19 Referans Kwoze

YEREMIA 37:15

I mangitou mandona atonna si ya'u, wuṛṛu namarenta tadea'u i ya'u puul᷊anna wuṛṛu itaṛṛo su wal᷊en Yonatan, ruddutul᷊issu araratuanna. Wal᷊en udde buatte niola'a tattupanna.

YESAYA 42:22

Arawe walahanna udde nasuete pinangaṛṛoanna; i mangitou tinaṛṛanganna su manga wabbo'a sulal᷊ummu leta'a, wuṛṛu nitaṛṛo sulal᷊ummu manga tuttupanna. I mangitou naola'a sol᷊ene wuassu pangangaṛṛo udde, wuṛṛu taweddu nirumanta mangontolla.

YESAYA 42:7

Tadea'u ipamu'a matan taumata wuta, wuṛṛu ipamallossu taumata wuassu ararandummu tuttupanna.

PANDARIADDI 45:23

I tou lai napaapidda su iamangnge mapul᷊o keledai apan lal᷊uranannu manga saranapa apianne wuassu Mesir, wuṛṛu mapul᷊o keledai lai lal᷊uranannu gandumma, roti wuṛṛu anna waine apan annananna su amatanna watukku Mesir.

PANDARIADDI 42:26

Wua'udde manga iaangngi Yusuf nalluranna su keledai mangitou gandumma apan buatte niwallianna udde, ana see inaite nanantangngu tampa udde.

PANDARIADDI 41:56

Napawe tempon ṛutumma udde mangke a'atambanna wuṛṛu a'apendamante su ahewallu wanua, i Yusuf namu'ate al᷊awo'u wal᷊ingkaka wuṛṛu nabbal᷊u'u gandumma su taumatan Mesir.

PANDARIADDI 40:3

ana see itarua niapaasutta sulal᷊ummu tutupanna su wal᷊en tembonannu mandariaga wal᷊en araratuanna udde, su tampa i Yusuf tataṛṛanganna.

PANDARIADDI 42:11

Yami indi sangkatuṛṛangnga, Tuangku. Yami indi taumata mapia, wal᷊ine matataṛṛaso'o.”

PANDARIADDI 42:18

Su allo atallune i Yusuf nabbisara si mangitou, “I ya'u taumata apan matta'utta wuṛṛu matuṛṛutta Ruata. I yamiu sarun ta'u ipallossa ringannu sambau pa'aire.

PANDARIADDI 42:20

Wua'udde i yamiu ṛinone mangapiddu tuarinu iapa ṛembonne udde ringangku. Udde tialane manungku wisaranu udde atonna, wuṛṛu i yamiu tawe ta'u iṛṛuumanna pateanna.” I mangitou niumiren ṛaṛṛawesu gubernure udde.

PANDARIADDI 42:33

Gubernure udde nabbisara, ‘I ya'u maapulu mattiala si yamiu tadea'u maasingkatta tanne i yamiu taumata matul᷊idda. Sangkatou wuassi yamiu ṛinone matana'a, ingana'a waine wotongngete mapul᷊e mangapiddu gandumma su amonannu apan tantal᷊anna uatataṛṛangnga lunussa.