PANDARIADDI 42:15 - WUKE SUSI WATTI'U AL᷊AL᷊USASSA

¹⁵ I ya'u maapulu maannammi si yamiu: I ya'u massalu ringannu arannu ratu manungku i yamiu tawe maatantangngu wanua indi amungkangu iapa tuarinu ṛembone udde tawe rumanta inawarendi.

PANDARIADDI 42:15 Referans Kwoze

1 SAMUEL 17:55

Napawe i Saul naasilo si Daud inai mando'appa si Goliat, i tou naiwal᷊ote si Abner tembonannu tantarane, “Abner, ana'i sai i tou?” “Allangngu wagga, Tuangnga, ” sasimbakki Abner.

YAKOBUS 5:12

Apan apianne eteudde: Arie massalu, mawae ringannu arannu langitta, ara'e arannu runia, ara'e ringannu manga apa lai. Wal᷊oa'e “Ore” amungkangu pandumannu ore, wuṛṛu “Tawe” amungkangu pandumannu tawe; tadea'u i yamiu tawe maasomba ṛuumannu Ruata.

YEREMIA 5:7

Mawu nabbisara, “Anio i Ya'u ṛinone mangampungnga manga rosan uma-U? I mangitou buatte nanantang-Ku wuṛṛu massubba wal᷊ine Ruata. I Ya'u mangngonggollu anna si mangitou ma'oman sara i mangitou mal᷊aidda, arawe i mangitou sinumandaga, wuṛṛu masokka mattembo wawine masandaga.

YEREMIA 5:2

I yamiu mabbisara manungku i yamiu massubba Mawu, wutte'e pandumanni yamiu wal᷊ine aroddi.

1 SAMUEL 20:3

I Daud sinumimbakka, “Iamangngu masingkatta atonna manungku i'o marangngu si ya'u. Nariaddi i tou sarun tawe mamasingkattu olangnge udde si'o tadea'u i'o tawe masusa. Salaiwe ereapa, ringannu arannu Mawu apan biakka, mangke atonna wia'u indi naal᷊ihidda tallukka su pentakku tatandu'a!”

1 SAMUEL 1:26

I Hana nabbisara si Eli, “Madorongnga ampungnga, Papa. I Papa ta'e ma'anaungnga si ya'u? I ya'u indi wawine apan su paassa niasiloanni Papa uarisikka isindi, tantal᷊anna u'al᷊iomanna su Mawu.

TAHIUL᷊E 6:13

Pangaddate Mawu Ruatanu, wuṛṛu tumba'u pattaṛṛamawu si Tou, wuṛṛu amungkangngu i yamiu massalu, passalute tumba'u sulal᷊ummu aran-Ne.

PANDARIADDI 43:3

Ana see i Yehuda nabbisara si tou, “Gubernure Mesir buatte napaanaungnga manungku tawe wotongnge sumaruanna si tou amungkangu yami tawe nangapiddu tuarin kami udde.

PANDARIADDI 42:34

Napawe i yamiu mabelengnga uaapiddu tuarin kamiu ṛembonne, i ya'u sarun maasingkatta manungku i yamiu wal᷊ine matataṛṛaso'o, ewe'e taumata matul᷊idda. Ne tuṛṛangngu apan tinaṛṛangangku udde sarun ta'u iwelengnga si yamiu wuṛṛu i yamiu wotongnge matana'a su wanua indi wuṛṛu walate apulu mabbal᷊u'a.’ ”

PANDARIADDI 42:30

“Gubernuren Mesir mabbisara ringannu maṛṛagissa si yami wuṛṛu mangngansilla si yami mattataṛṛaso'o wanuane.

PANDARIADDI 42:20

Wua'udde i yamiu ṛinone mangapiddu tuarinu iapa ṛembonne udde ringangku. Udde tialane manungku wisaranu udde atonna, wuṛṛu i yamiu tawe ta'u iṛṛuumanna pateanna.” I mangitou niumiren ṛaṛṛawesu gubernure udde.

PANDARIADDI 42:16

Sangkatou su wallati yamiu mangal᷊appa si tou. Ingana'a waine taṛṛanganna maddatingngu manga wisaranu udde atonna. Amungkangu tawe, ringannu arannu ratu i yamiu indi matataṛṛaso'on seetta!”

PANDARIADDI 42:12

I Yusuf nabbisara si mangitou, “Awusu! I yamiu nirumanta inawarendi manniata suapa al᷊allomen banua indi.”

PANDARIADDI 42:7

Napawe i Yusuf naasilo manga iaangnge, i tou naaillal᷊a si mangitou, arawe i tou mammahia tawe naaillal᷊a. Ringannu maṛṛagissa i tou naiwal᷊o si mangitou, “I yamiu taumata wuassuapa?” “Yami taumatan Kanaan. Yami nirumanta mamalli anna,” sasimbakki mangitou.

PANDARIADDI 42:14

“Mangke atonna ere su wisara'u,” sasimbakki Yusuf, “i yamiu indi matataṛṛaso'o.

PANDARIADDI 43:5

Arawe amungkangngu iamangnga tawe mamalan Benyamin tumantalongnga, yami maddiri inai, ana waugu gubernure udde buatte nabbisara manungku yami tawe wotongnge sumaruanna amungkangu tuarin kami tawe tinumantalongnga.”