PANDARIADDI 40:15 - WUKE SUSI WATTI'U AL᷊AL᷊USASSA

¹⁵ Ana waugu, paarorone i ya'u niaṛṛo wuassu wanuan taumatan Ibrani wuṛṛu isindi lai, su Mesir indi, tawe saran paassa i ya'u na'ola'a al᷊al᷊eo na'oman sara i ya'u nitaṛṛo sulal᷊ummu tutupanna.”

PANDARIADDI 40:15 Referans Kwoze

PANDARIADDI 39:20

Wuṛṛu i tou nandolokka tadea'u i Yusuf sametanna wuṛṛu itaṛṛo sulal᷊ummu tutupanna, su tampa tataṛṛoannu manga taumata tataṛṛangannu ratu uataṛṛo.

1 TIMOTIUS 1:10

su manga taumata masandagga, esakka uaapulun esakka, maṛṛarampasa, taṛṛa wahia, matatiala awusu, wuṛṛu suapan taumata apan ma'ola'a inolaanna lullawangnga al᷊aṛṛa'a apan naṛṛino.

YOHANES 15:25

Arawe aroddite ṛinone, tadea'u matipusse apa apan uawoṛṛetta sulal᷊ummu Wukem Tita mangitou, eteudde: ‘I mangitou maddanting-Ku tawe pinangiananne.’

YOHANES 10:32

Arawe Mawu Yesus nabbisara si mangitou, “I yamiu suete naasilo si Ya'u ma'ola'a manambo manara apan mapia, apan niapamanaran Iamangku si Ya'u. Wuassu anambo manara udde, suapane apan naa'al᷊udda si yamiu na'oman sara i yamiu mammareta si Ya'u?”

DANIEL 6:22

Ana see niaringiṛṛante tingikki Daniel apan sinumimbakka, “Wiakke Tuangku saran mal᷊annu-l᷊annu!

1 SAMUEL 24:11

Orassa indi i Tuangnga naapendamma sassane manungku sulal᷊ummu loṛṛangnga tanginna, Mawu buatte nanantilli Tuangnga su allangngu. Allangngu buatte nisal᷊o'u sangkatou tadea'u iapapate si Tuangnga, arawe allangngu maddiri. Allangngu sinumimbakka manungku allangngu maddiri mallessa naungngu ratu apan nipilen Mawu.

TAHIUL᷊E 24:7

Taumata apan nanametta taumata sambalahanne ana see i tou niola'a allangnga ara'e niwal᷊u'a, ṛinone i tou iṛṛuumanna pateanna. Ringanni aroddi yamiu mangnginsue al᷊al᷊eo.

SASABANGNGA 21:16

Isai apan natal᷊angngu sangkatou taumata, ṛinone iṛṛuumanna pateanna, tanne taumata udde buatte niwal᷊ungnge ara'e ta'e su wal᷊ene.

PANDARIADDI 41:12

Sangkatou umbasanna taumatan Ibrani poiaroddi lai ringanni yami. I tou mangangimbe tembonannu mandariagan araratuanna udde. Iambua nabbatti'u wal᷊iawa si tou, ana see i tou nanal᷊a'an atappasannu wal᷊iawa udde.

PANDARIADDI 14:13

Arawe sangkatou apan naatal᷊angnga nangalaen arariadianna udde si Abram, taumatan Ibrani udde. I Abram uatana'a maranin manga punnu alu pia taṛṛinone tampa patataṛṛamawuanna tatahuananni Mamre, taumatan Amori. I Mamre wuṛṛu manga tuṛṛangnge, eteudde i Eskol wuṛṛu i Aner eteudde manga hawen i Abram.

PANDARIADDI 40:16

Napawe mangangimben doti udde naasingkatta manungku atappasannu wal᷊iawan mangangimben ua'e mapia, ne i tou lai nabbisara si Yusuf, “I ya'u lai nabbal᷊iawa, i ya'u uarandangu tatallu ul᷊a'u roti su pua'u.

DARALO 105:18

Leddane niṛṛapussu mantungnga, ullekkane niwul᷊eleannu ṛate atta'a.

DARALO 109:2

Ana waugu i ya'u nipangaloannu taumata lal᷊eo wuṛṛu taṛṛa l᷊inga apan mannal᷊iawukku manga watti'a awusu su ola'u watangangku.