PANDARIADDI 35:5 - WUKE SUSI WATTI'U AL᷊AL᷊USASSA

⁵ Su tempo i Yakub wuṛṛu ammul᷊annu amonanne inaite, Ruata nandantan atata'utta su tumana'u manga soa maranine, na'oman sara i mangitou tawe nangenggenna si Yakub wuṛṛu ammul᷊annu amonanne.

PANDARIADDI 35:5 Referans Kwoze

SASABANGNGA 23:27

Manga walahanna apan rantanni yamiu sarun Ta'u olaanna matta'utta su saruang-Ku; i mangitou sarun Ta'u olaanna maal᷊iba'ukka; seennu sarangkanambone sarun mabelengnga wuṛṛu tumal᷊angnga.

2 TAWARIKH 17:10

Mawu na'ola'a anambon araratuanna maranin Yehuda matta'utta mapapangalo mando'appa si Ratu Yosafat.

DARALO 14:5

Taumata lal᷊eo sarun lembon matta'utta, ana waugu Ruata uasirungnga taumata apan matuṛṛutta si Tou.

YOSUA 5:1

Anambon ratun Amori su samba'an baṛṛatu Sal᷊ukku Yordan, wuṛṛu anambon ratun Kanaan su winggin Tahal᷊oangngu Tangngane naaringikka manungku Sal᷊ukku Yordan niapaamara Mawu al᷊annune ṛuangannu Israel tuttumbe sal᷊ukka udde. Ne i mangitou nata'utta wuṛṛu nangilladda waugu taumatan Israel.

TAHIUL᷊E 11:25

Su ahewallu wanua udde Mawu Ruatanu sarun ma'ola'a tadea'u manga taumata udde matta'utta su saruannu ere buatte nipa'ire-Ne, na'oman sara tawe saran sangkatou apan botongnge manal᷊are si yamiu.

SASABANGNGA 34:24

Napawe i Ya'u buatte nallimbuakka manga balahanna wuassu saruannu wuṛṛu Ta'u hewal᷊anna letangngu, tawe saran sangkatou apan waṛṛani mangaṛṛo wanuanu su tempo i yamiu inai mallaghun Andeangngu Roti Tawe Ragine, Andeangngu Pangangitingnga wuṛṛu Andeangngu Rasannu Rongnga.

1 SAMUEL 14:15

Arariadianna udde naata'utta taumatan Filistin su paddasananna wuṛṛu su manga wadda'a. Anambon tumana'u Filistin ringannu manga tampa pandariaganna wuṛṛu manga ammul᷊annu taṛṛa aṛṛo mangke nata'utta; ewe'e lai runia niumio'a, wuṛṛu nariaddite aal᷊iba'ukka apan masaddatta.

1 SAMUEL 11:7

Ringannu lembon nasa'u nanganu darua sapi ana see niṛṛata wuṛṛu nitattaddi tou nabbal᷊i manambo abbuwune. Wua'udde manga abbuwune udde niwuatta su ahewallu leta'u Israel ringannu parenta arendi, “Isai maddiri inai mapapangalo tumantalongnga si Saul wuṛṛu si Samuel, manga sapine sarun abbuwuanna arendi lai!” Walahannu Israel nata'utta su sarangakanambone apan a'olaannu Mawu, ne anambon taumata, tawe lallingnge, uasaddiate inai mapapangalo suadio'a.

PANDARIADDI 34:30

I Yakub nabbisara si Simeon wuṛṛu si Lewi, “Iradua napaasusa'u. Orassa indi taumatan Kanaan wuṛṛu taumatan Feris wuṛṛu anambon tumana'u wanua indi sarun mandantingku. Manga taumatan kite matul᷊u; amungkangu manga tumana'u wanua udde maammula mandoappa wuṛṛu mamangalo si ya'u, anambon amonanni ite pateanna.”

PANDARIADDI 35:4

Ana see i mangitou manantillu anambon paal᷊uannu monganna si Yakub apan sasahipunanni mangitou wuṛṛu lai ngante-ngante mangitou. Anambon saranapa udde nial᷊in i Yakub su al᷊ungngu alu wahewalla maranin soan i Sikhem.

TAHIUL᷊E 2:25

Manattakka allo udde i Ya'u sarun ma'ola'a si yamiu ia'ata'uttu manga walahanna su al᷊awo'u tampa. Suapan taumata sarun mangiladdu atata'utta napawe maaringikka su ola'i yamiu.’ ”

DARALO 105:14

Arawe Mawu tawe namalan mangitou allanganni sai-sai; ana waugu i mangitou, manga ratu niapanaung-Nge.

2 TAWARIKH 14:13

Asa wuṛṛu tantarane nangenggenna si mangitou araune naddatingngu Gerar. Su samba'a tantaran Sudan manambo atonna nate na'oman sara tantaran mangitou nallomete ana waugu niawaddon Mawu wuṛṛu tantaran Yehuda nangaṛṛo lai manambo manga darotongngi mangitou. Wua'udde tantaran Yehuda naṛṛimunsa'e manga soa apan uaal᷊indongannu Gerar, ana waugu Mawu na'ola'a tumanangnge nabbal᷊i matta'utta. Tantaran Yehuda nangaṛṛo anambon soa udde wuṛṛu naasomba manambo atonna saranapa.