PANDARIADDI 35:27 - WUKE SUSI WATTI'U AL᷊AL᷊USASSA

²⁷ Ana see i Yakub na'omate ringanni Ishak iamangnge, su tampa atatanaanne su Mamre maranin Hebron. (Dorone i Abraham iupungnge, uataana'a lai poiaroddi).

PANDARIADDI 35:27 Referans Kwoze

PANDARIADDI 13:18

Wua'udde i Abram nangingkattu rasanne ana see namanuate maranin manga punnu aaluanna pia taṛṛinone tampa patataṛṛamawuanna su Mamre maranin Hebron, wuṛṛu isudde i tou napararisikku mezbah su Mawu.

PANDARIADDI 23:19

Wua'udde i Abraham nallabingken Sara awingnge sulal᷊ummu liangngu Makhpela su leta'u Kanaan.

PANDARIADDI 18:1

Mawu naipasilon batangan-Ne si Abraham marani manga aaluanna pia taṛṛinone tampan patataṛṛamawuanna su Mamre. Su allo udde paddissa mapal᷊atta, wuṛṛu i Abraham tantal᷊anna ua'ianna su ngaran rasanne.

YOSUA 15:13

Nassul᷊ungngu parentan Mawu si Yosua, sambageanganna wuassu leta'u Yehuda ionggola si Kaleb ana'i Yefune wuassu ṛuanganni Yehuda. I tou niwalungannu Hebron, eteudde soa tatahuananni Arba, iamangngi Enak.

PANDARIADDI 23:2

i tou nate su Hebron su leta'u Kanaan. I Abraham nasusa wuṛṛu lullal᷊on awingnge udde.

2 SAMUEL 5:5

Su Hebron i tou namarenta Yehuda al᷊annune pitu tonna mattangnga, wuṛṛu su Yerusalem i tou uaparenta ahewallu Israel wuṛṛu Yehuda al᷊annune tatallu pul᷊o tallu su tonnane.

2 SAMUEL 5:3

I Daud na'ola'a paaire ringannu manga piaṛṛa'u Israel udde, ana see i mangitou nanenegi Daud naola'a ratu Israel.

2 SAMUEL 5:1

Wua'udde anambon piaṛṛa'u manga ruanganni Israel nirumantate ringanni Daud su Hebron wuṛṛu nabbisara si tou, “Yami indi tuṛṛangngi Tuangnga.

2 SAMUEL 2:11

wuṛṛu i Daud namarenta Hebron su Yehuda pitu tonna mattangnga al᷊annune.

2 SAMUEL 2:3

Aroddi lai tantarane ringannu amonanni mangitou sambau-sambau uatantalongnga si Daud, ana see i mangitou udde namanuate su Hebron, wuṛṛu su manga leta'a maranine.

2 SAMUEL 2:1

Wua'udde i Daud naiwal᷊ote Mawu, “Mawu maapulu i ya'u inai manahuanna sambau soa su Yehuda?” “Ore,” sasimbakku Mawu. “Soa suapane?” Daud naiwal᷊o. “Hebron,” sasimbakku Mawu.

PANDARIADDI 28:5

Etearoddi i Ishak namallossi Yakub inai watukku Mesopotamia, ringanni Laban, ana'i Betuel taumatan Aram udde. I Laban eteudde iaangngi Ribka inangngi Yakub wuṛṛu i Esau.

PANDARIADDI 14:13

Arawe sangkatou apan naatal᷊angnga nangalaen arariadianna udde si Abram, taumatan Ibrani udde. I Abram uatana'a maranin manga punnu alu pia taṛṛinone tampa patataṛṛamawuanna tatahuananni Mamre, taumatan Amori. I Mamre wuṛṛu manga tuṛṛangnge, eteudde i Eskol wuṛṛu i Aner eteudde manga hawen i Abram.

PANDARIADDI 37:14

Iamangnge nabbisara, “Ellehete ereapa olangnge manga iaangngu wuṛṛu ammul᷊annu ambinga domba, ana see pabbelengke pabbal᷊o si ya'u.” Ne i tou namallosen i Yusuf inaite nanantangngu Wawal᷊annu Hebron. Tawe nal᷊annu i Yusuf na'omate su Sikhem.

PANDARIADDI 17:8

I Ya'u sarun mangonggolla si'o wuṛṛu su papapulunnu, leta'a indi, apan orassa indi wawanuannu ere sangkatou taumata raho. Ahewallu leta'u Kanaan sarun maola'a pussa'an papapulunnu saran mal᷊annu-l᷊annu wuṛṛu i Ya'u sarun maola'a Ruata mangitou.”

PANDARIADDI 49:29

Wua'udde i Yakub nananata manga anangnge, “Tate mal᷊annu lai ya'u sarun mapul᷊e ere al᷊amona'u. I ya'u labbinga'a su sandiṛṛanni mangitou sulal᷊ummu liangnga su Makhpela, su samba'an da'i Mamre su leta'u Kanaan. I Abraham buatte namalli liangnga wuṛṛu wawail᷊anna maranine wuassi Efron taumatan Het maola'a pallabinganna.