PANDARIADDI 35:22 - WUKE SUSI WATTI'U AL᷊AL᷊USASSA

²² Tantal᷊anna i mangitou uatana'a su tampa udde i Ruben natiilla ringanni Bilha, awingngu iamangnge su liudde. Olangnge udde niasingkatanni Yakub, wuṛṛu i tou nasa'u atonna. I Yakub uatahuanna siri mapul᷊o dua ana'a esakka.

PANDARIADDI 35:22 Referans Kwoze

1 TAWARIKH 5:1

I Ruben eteudde ana'i Yakub pahul᷊une. Arawe ana waugu i Ruben buatte nandal᷊eo arannu sangkatou awingngu iamangnge waine, ne pussa'ane sangkatou ana'a pahul᷊u niul᷊eanna wuṛṛu nionggola si Yusuf. Salaiwe aroddi atohassanne wuassu wallattu papapulunni Yakub wal᷊inewe ruanganni Yusuf ewe'e ruanganni Yehuda. Ewe'e lai dorone naola'a ratu su ahewallu Israel eteudde wuassu ruanganni Yehuda udde.

IMAMATTA 18:8

Imbaṛṛangnga mallobbosa iamangngu ringannu matatamba sangkatou suwallatu awingnge waine.

1 KORINTUS 5:1

I ya'u atonna buatte naaringikka alae manungku su wallatti yamiu pia pallal᷊agu sussandaga apan nipangillembo; Piaddu su wallatti yamiu apan sinumandaga ringannu uatangnge. Manga taumata apan wagga ma'illal᷊a Mawu lai maddiri ma'ola'a pallal᷊agu udde!

2 SAMUEL 20:3

Napawe i Daud na'omate su wal᷊en araratuanne su Yerusalem, siri mapul᷊o nia'i apan nitantangnge iapariaga wal᷊en araratuanna, niapatana'i tou su wal᷊en apan lal᷊u'arannu mandariaga. Hausanni mangitou mangke nisuungnganna, arawe tawe saran paassa i Daud natiilla ringanni mangitou. Nariaddi i mangitou udde niṛṛambatta wuṛṛu i mangitou mabbiakka ere wawine wal᷊u ma'oman sara mate.

SONDAPPA 21:14

Darandungu soa udde niapararisikka su wowo mapul᷊o dua watu rapappake. Su manga watu rapappake udde uawoṛṛetta manga arannu sire mapul᷊o dua rasullu Ana'u Domba udde.

WATTI'U MANGA RASUL 7:8

Napawe suete nabbisara aroddi pa'aire udde pinattohassu Ruata ringannu sunatta. Ne napawe i Ishak, ana'i Abraham niasungkangnga, Abraham nassunatte si tou napawe uukke ual᷊ute allo. Wua'udde i Ishak nassunatta lai al᷊aṛṛanangnge, eteudde i Yakub. Wuṛṛu i Yakub nassunatta lai sire mapul᷊o dua al᷊aṛṛanangnge, eteudde apan naola'a iamangngu al᷊amonan walahannu Yahudi.

PANDARIADDI 35:18

Arawe i Rahel maraniten mate, wuṛṛu su tempo i tou manginsuete sasangngone, ana'a udde nissagon tou i Ben-Oni arawe nissagon iamangnge i Benyamin.

SASABANGNGA 2:1

Su tempo udde sangkatou esakka wuassu ṛuanganni Lewi, na'awingngu sangkatou wawine wuassu ṛuanganna udde lai.

REENGANNA 10:14

Paarorone nangingkatta tantara apan uasirungnga su wanneṛṛan ammul᷊anni Yehuda, wuntuanna ringannu wuntuanna: i Nahason, ana'i Aminadab uapiaṛṛa'u warisannu ṛuanganni Yehuda,

TAHIUL᷊E 27:12

“Napawe i yamiu buatte tinumumbe Sal᷊ukku Yordan, ṛuanganni i Simeon, i Lewi, i Yehuda, i Isakhar, i Yusuf wuṛṛu i Benyamin ṛinone rumarisikka su puiddu Wowon Gerizim su tempo mangal᷊amatta walahanna indi.

TAHIUL᷊E 27:20

‘Niawontohante taumata apan mangadio'a hagurangnge ana waugu nassawa suwallatu sangkatou awingngu iamangnge.’ ‘Amin!’

MAL᷊AṚṚUUNGNGA 5:14

I mangitou niumamatta wuassu Efraim watukku wawal᷊anne, uatantalongnga tantaran Benyamin apan uawarissa su saruanni mangitou. Wuassu Makhir nirumantate manga tembonannu tantara, ara'e panglima wuṛṛu wuassu Zebulon nabbuatte manga piaṛa'u tantara, ara'e perwira.

1 SAMUEL 2:22

I Eli timmadete atonna. I tou sidutu ma aringikka aalae su ola'u pallal᷊aghu al᷊aṛṛanangnge su saruannu taumatan Israel. I Eli lai masingkatta manungku al᷊aṛṛanangnge udde mattiilla ringannu manga wawine apan mammanara su ngaran Dasanna Darantan Mawu.

2 SAMUEL 13:21

I Ratu Daud naaringikka ola'u arariadianna udde, ne i tou mangke nasa'u.