PANDARIADDI 35:12 - WUKE SUSI WATTI'U AL᷊AL᷊USASSA

¹² Wanua apan buatte Ta'u nionggola si Abraham wuṛṛu si Ishak, sarun Ta'u ionggola si'o wuṛṛu su papapulunnu.”

PANDARIADDI 35:12 Referans Kwoze

PANDARIADDI 12:7

Mawu naipasilon batangan-Ne si Abram wuṛṛu nabbisara si tou, “Ete indi wanua apan Ta'u ionggolla su papapulunnu.” Ana see i Abram napararisikku sambau mezbah hunan Mawu apan buatte naipabilon batangan-Ne si tou.

PANDARIADDI 28:13

Wuṛṛu Mawu uarisikka su sandiṛṛanne apiddu nabbisara, “Ete i Ya'u Mawu, Ruata apan raddaloanni Abraham wuṛṛu i Ishak. I Ya'u sarun mangonggolla si'o wuṛṛu su papapulunnu leta'a apan lal᷊allowangannu indi.

PANDARIADDI 48:4

I tou buatte nabbisara si ya'u, “I Ya'u sarun mangonggolla si'o manambo ana'a pulunna, tadea'u papapulunnu maola'a manambo balahanna; i Ya'u sarun mangonggolu wanua indi su papapulunnu maola'a pussa'a mangitou saran mal᷊annu-l᷊annu.”

SASABANGNGA 3:8

Ana waugu udde i Ya'u sumossokke mamallossi mangitou wuassu liman taumata Mesir wuṛṛu mangapiddi mangitou sumabangnga wuassu wanua udde mattuddan sambau wanua apan mal᷊alangnga. Letangnge ala wuṛṛu masuwukka, wuṛṛu orassa indi wawanuannu balahannu Kanaan, balahannu i Het, i Amori, i Feris, i Hewi wuṛṛu i Yebus.

PANDARIADDI 15:18

Su tempo udde lai Mawu na'ola'a pa'aire ringanni Abram. Mawu nabbisara, “I Ya'u maddiandi sarun mangonggolla su papapulunnu ahewallu leta'a indi, manattakka wuassu passarannu wanua Mesir maddatingngu sal᷊ukku Efrat,

PANDARIADDI 50:24

Wisarane su manga tuṛṛangnge, “Papate'u maranite, arawe Ruata sarun sidutu mammadul᷊i si yamiu wuṛṛu mamiaṛṛa'i yamiu sumabangnga wuassu wanua indi, watukku wanua apan buatte pina'ire-Ne ringannu sasalu si Abraham, i Ishak wuṛṛu si Yakub.”

SASABANGNGA 32:13

Naungete manga allangngu i Abraham, i Ishak wuṛṛu i Yakub. Naungete manungku I'o lai na'ire ringannu sasalu tadea'u mangonggolu papapulunna anambone ere anumpitanna su langitta, wuṛṛu lai manungku ahewallu leta'a apan pina'ire-Nu udde sarun maola'a pussa'a papapulunni mangitou saran mal᷊annu-l᷊annu.”

IMAMATTA 26:42

I Ya'u sarun mannaungnga pa'aire-U si Yakub, si Ishak wuṛṛu si Abraham. I Ya'u sarun mallimbakku pa'aire-U tadea'u mangonggolu leta'a udde su walahang-Ku.

1 TAWARIKH 16:17

ana see nitohassa ringanni Yakub maola'a pa'aire tawe panguddusanne su walahannu Israel.

SASABANGNGA 2:24

Ruata naaringikka si mangitou, wuṛṛu i Tou naanaungnga paaire-Ne si Abraham, si Ishak wuṛṛu si Yakub.