PANDARIADDI 34:7 - WUKE SUSI WATTI'U AL᷊AL᷊USASSA

⁷ Naṛṛindo'a su tempo udde manga ana'i Yakub napul᷊e wuassu wadda'a. Naaringikka watti'a udde, i mangitou niṛṛumindu'a wuṛṛu lembon massa'u. Ana waugu ringannu nandal᷊eo ana'i Yakub udde, i Sikhem buatte nalobbossa anambon taumatan Israel.

PANDARIADDI 34:7 Referans Kwoze

MAL᷊AṚṚUUNGNGA 20:6

Ne i ya'u nangapiddu winal᷊unanne ana see ta'u niponggo'a, wua'udde nionggola su mapul᷊o dua ruanganna sulal᷊ummu walahanni ite sambau-sambau passangkabuwu. Olangnge udde ta'u niola'a ana waugu manga taumatan Gibea udde buatte na'ola'a sambau al᷊al᷊eo wuṛṛu ma'asili taumatan Israel.

YOSUA 7:15

Ana see taumata apan nita'e wuṛṛu nasemakke uaraddo manga saranapa apan isassingadda udde ṛinone insueanna tutunganna su sambau ringannu laloṛṛon bal᷊ene wuṛṛu al᷊awo'u saranapa apan tatahuananne; ana waugu ete i tou apan nilumawanna pa'aire wuṛṛu na'ola'a al᷊al᷊eo wahewalla su pattangannu taumatan Israel.”

TAHIUL᷊E 22:21

ne wawine udde ṛinone iapidda watukku ngaran wal᷊en hagurangnge. Su tampa udde manga esakka wuassu soa udde ṛinone manuntungngu watu si tou ma'oman sara mate. Wawine udde buatte na'ola'a inolaanna apan ma'asili walahanni ite ana waugu natatamba taambe na'awingnga su tempo i tou ta'e uatana'a ringannu iamangnge. Ringannu makkumanni tou i yamiu mangnginsue al᷊al᷊eo udde.

IBRANI 13:4

Anambon taumata ṛinone mamasilon addatta su pa'a'awingnga, ana waugu udde ṛinone sangkawinganna warararingikka sangkatou ringannu waine. Taumata apan lal᷊eo wuṛṛu taumata masandaga sarun parikisannu Ruata.

PANDARIADDI 20:9

Wua'udde i Abimelekh namago si Abraham wuṛṛu naiwal᷊o, “Apa apan buatte niolangngu su saruanni yami? Apa sal᷊a'u su saruannu, na'oman sara i'o nandantan asasilaka si ya'u wuṛṛu su araratuangku? Tawe suṛṛinone inolaannu aroddi su saruangku.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

YAKOBUS 3:10

Wuassu moṛṛongnga apan sambau sumabanga manga wisara aadiangkamanna wuṛṛu lai wisara a'ane. Ṛinone tawe aroddi!

EFESUS 5:3

Ete i yamiu udde al᷊aṛṛana'u Ruata. Ana waugu udde, manga inolaanna sussandaga wuṛṛu ipaaddirin Mawu, ara'e awawal᷊iu tawe ṛinone olaanna su wallatti yamiu. Arie ma'oman sara taumata waine pia sasimbakka ipabbisara manungku i yamiu ma'ola'a inolaanna ereudde lai.

1 KORINTUS 10:8

I ite tawe wotongnge ma'ola'a manga inolaanna sussandaga udde ere buatte niola'u sangkawageanganna wuassi mangitou. Ana waugu ruan pul᷊o tallu su ṛiwune taumata wuassi mangitou nate sulal᷊ummu allo massallo ana waugu ma'inolaanna ere udde.

1 KORINTUS 6:18

Pangindaute manga inolaanna sussandaga. Ana waugu anambon dosa waine apan niola'u taumata, nariaddi su liuddu wadangngu taumata udde. Arawe taumata apan sussandaga, udde mangal᷊ene ma'ola'a rosa lai su wadangnge sassane.

AMSAL 7:7

Ana see i ya'u naasilo manambo umbasanna apan ta'e dario'a; arawe pia sangkatou apan tatutuṛṛangku woddo suwallatti mangitou.

DARALO 93:5

Mawu, tita-Nu tawe panguddusanne, Wal᷊en-Nu susi su al᷊o'engngu allo.

2 SAMUEL 13:21

I Ratu Daud naaringikka ola'u arariadianna udde, ne i tou mangke nasa'u.

TAHIUL᷊E 23:17

Sangkatou taumatan Israel, mawae esaka ara'e wawine, tawe wotongnge maola'a masandaga su manga tampan pasasubbanna.

IMAMATTA 4:27

Amungkangngu pia wuassu sangkatou tumana'u soa na'ola'a rosa ana waugu tawe nipattatudda nilumawangnga sambau su wallatu parentan Mawu,

IMAMATTA 4:13

Amungkangngu na'ola'a rosa anambon balagu Israel, ana ringannu tawe nipattatudda nilumawangnga sambau titan Mawu,

PANDARIADDI 46:7

anambon ana'a pulunne esakka wuṛṛu wawine.

1 TIMOTIUS 5:13

See lai i mangitou mangke manggolo'a allo uawal᷊el᷊enganna sussutta su wal᷊en taumata. Wuṛṛu aral᷊eoanne lai eteudde i mangitou mandal᷊eo arannu taumata waine wuṛṛu sussutta su hatton taumata waine see uahahatton manga inolaanna apan tawe ṛinone ipagahatto.

KOLOSE 3:5

Ana waugu udde, tantanga'e paa'apulun dunia apan maawinasa ririnu, ere sandaga, manga inolaanna apan tawe matataṛṛino, apulu naungnga, tawe masabare, apulu apan lal᷊eo, wuṛṛu awawal᷊iu (ana waugu awawal᷊iu udde nassul᷊ungngu massubba paal᷊uanna).

PANDARIADDI 34:6

I Hemor, iamangngi Sikhem, nirumanta ringanni Yakub inai ma'a'atokki tou.

PANDARIADDI 34:8

Unni Hemor si Yakub, “Ana'u i Sikhem, pia apulu su ana'u Tuṛṛangnga; i ya'u sumal᷊ande tadea'u Tuṛṛangnga mamalan ana'u ma'awingngi tou.

TAHIUL᷊E 22:20

Arawe unnu wisara aansilla udde atonna wuṛṛu tawe tatialane manungku awingnge udde ta'e perawanna su tempo na'awingnga,

YEREMIA 29:23

Etearoddi ola'u wiakki mangitou ana waugu buatte na'ola'a manga rosa wahewalla su Israel: i mangitou sussandaga, wuṛṛu nappaattu arannu Mawu ipabbatti'u manga inolaanna awusu. Udde napapaṛṛalan apulu Mawu. I tou masingkattu apa apan a'olaanni mangitou, wuṛṛu i tou sassane nabal᷊i tialane lumawangnga si mangitou. Mawu buatte nabbisara.”