PANDARIADDI 34:31 - WUKE SUSI WATTI'U AL᷊AL᷊USASSA

³¹ Arawe i mangitou sinumimbakka, “I yami tawe mapaawalan tuaring kami niola'a naal᷊ihidda wawine masandaga.”

PANDARIADDI 34:31 Referans Kwoze

AMSAL 6:34

Ana waugu, ringannu inolaanne udde awingngu wawine udde maola'a mallu'adda, ma'oman sara asasa'une mangke aatambanna. Wuṛṛu napawe i tou mabbal᷊issa asasa'un naungnge, i tou tate apendamma u'akkanna.

PANDARIADDI 34:13

Ana waugu i Sikhem buatte nandal᷊eo awawantugu tuari mangitou i Dina, manga ana'i Yakub nangawusu si Sikhem wuṛṛu si Hemor iamangnge.

PANDARIADDI 49:7

Niawontohante asasa'u mangitou, ana waugu ete pia lembone. Niawontohante asasa'u mangitou ana waugu tumaniten maṛṛagissa. I ya'u sarun mapaatal᷊ei mangitou su ahewallu Israel. I ya'u sarun manal᷊iawukki mangitou su wallatu anambon balahanna.

PANDARIADDI 34:30

I Yakub nabbisara si Simeon wuṛṛu si Lewi, “Iradua napaasusa'u. Orassa indi taumatan Kanaan wuṛṛu taumatan Feris wuṛṛu anambon tumana'u wanua indi sarun mandantingku. Manga taumatan kite matul᷊u; amungkangu manga tumana'u wanua udde maammula mandoappa wuṛṛu mamangalo si ya'u, anambon amonanni ite pateanna.”

PANDARIADDI 35:1

Su allo sambau Ruata nabbisara si Yakub, “Ete i Ya'u Ruata apan naipasilon batangan-Ne si'o su tempo i'o tinumal᷊angngu iaangngu i Esau. Inaite paal᷊ihakka watukku Betel. Atana'e isudde wuṛṛu pararisiṛṛa'e samba'u mezbah huna'u.”

PANDARIADDI 34:27

Napawe pamamate udde nal᷊iudda, manga ana'i Yakub waine nangaṛṛo soa udde maola'a wawal᷊issa ana waugu tuari mangitou buatte nilal᷊eo awawantuge.