PANDARIADDI 32:10 - WUKE SUSI WATTI'U AL᷊AL᷊USASSA

¹⁰ I ya'u tawe su ṛinone manengkamma al᷊awo'u darangngu wuṛṛu apan buatte niapal᷊iatta'u Mawu si ya'u. Su tempo i ya'u niumamatta tinumumbe Sal᷊ukku Yordan, i ya'u tawe uaapiddu apa-apa tumbau ta'inna. Orassa i ya'u nirumantate apia ringannu ruang kawageanganna indi.

PANDARIADDI 32:10 Referans Kwoze

DARALO 18:35

I Tou nangaṛṛa'a si ya'u mapapangalo, na'oman sara i ya'u wotonge mangannata al᷊ati'anna apan atohasanne.

PANDARIADDI 24:27

Wisarane, “Paddalote Mawu, Ruata mawu'u Abraham. Mawu sidutu matul᷊idda wuṛṛu mapia su mawu'u Abraham. I tou nangehetta si ya'u watukku manga tuṛṛangnge.”

2 SAMUEL 7:18

Ana see i Ratu Daud sinumutate sulal᷊ummu Rasannu Mawu. I tou niuma'ianna wuṛṛu niumal᷊iomanna, “Oh Mawu Apan Atanggaṛṛanne, i ya'u wuṛṛu amonangku tawe sulal᷊anne manengkamma al᷊awo'u apapia apan niapasilo-Nu si ya'u su al᷊annune indi.

1 PETRUS 5:5

Aroddi lai tuṛṛangnga, manga umbasanna maṛṛuala. Paatuṛṛuta su manga timmade. Tuṛṛanga sarangkanambone ṛinone tawe mamarabunga wuṛṛu uaa'imbe sangkatou ringannu sangkatou ringannu awawawon naungnga. Ana waugu sulal᷊ummu Wuke Susi uawoṛṛetta arendi, “Ruata mannompola taumata mawunga, arawe mandangngu taumata naungnge mawawo.”

2 KORINTUS 12:11

Atonna i ya'u buatte nattanno ere taumata woddo – arawe ete i yamiu na'ola'a si ya'u aroddi. Ṛinone ete i yamiu maddalo si ya'u. Ana waugu salaiwe i ya'u tawe aregane saran kadio'a, i ya'u mangke ere “manga rasul” apan wahewalla udde!

LUKAS 17:10

Aroddi lai yamiu. Amungkangngu i yamiu suete tinumuṛṛutta anambon manara nirolokka si'o, wal᷊oa'e, ‘I yami tumba'u mangangimbe wiasa; i yami tumba'u ma'ola'a manarang kami.’ ”

LUKAS 5:8

Napawe i Simon naasilo olangnge udde, i tou inumal᷊intuda su saruannu Mawu Yesus, see nabbisara, “Tantanga'e i ya'u, Mawu! ana waugu i ya'u taumata marosa!”

MIKHA 7:20

Su uman-Nu, papapulunni Abraham wuṛṛu Yakub, I'o sarun mapal᷊iatta'u darangngu-Nu wuṛṛu aakkan-Nu apan tawe pattaal᷊anne udde ere buatte nipa're-Nu su al᷊amonan kami tiwatta.

YESAYA 63:7

I Ya'u indete mabbatti'u darangngu Mawu wuṛṛu maddalo si Tou ana waugu al᷊awo'u inolaan-Ne. Ringannu nilumambalanna i Tou nangal᷊amatta uman-U, ana waugu i Tou marangngu wuṛṛu darangngu-Ne tawe panguddusanne.

YESAYA 6:5

Wua'udde i ya'u nabbisara, “Nasilakate! Tate antimma lai si ya'u, ana waugu moṛṛongku kotore ana waugu rosa, wuṛṛu i ya'u uatana'e su pattangngannu walahanna ereudde lai. Sallaiwe aroddi, ringannu mata'u sassane i ya'u buatte naasilo Ratu, Mawu Apan Lembontaṛṛino!”

AMSAL 4:18

Dal᷊annu taumata lal᷊eo marandumma ere randummu ṛabbi. I mangitou natara wuṛṛu nanawo awagananna. Arawe lal᷊anna apan aamatannu taumata mapia mangke ere matannallo sussabbangnga; mallannu massemakka, sara panginsueanne mabbal᷊i masema-semakka.

DARALO 85:10

Atonna, i Tou uariahite manal᷊amatta taumata apan ma'imanna, Ruata apan mawantuga sarun mamanua su wanuan kite.

DARALO 84:7

Tantal᷊anna i mangitou u'amatta su wawal᷊annu Baka, tampa udde niwal᷊un mangitou nabbal᷊i al᷊imatan kua'e, uranna paarorone nangonggolu al᷊amatta.

DARALO 61:7

Antimanna ratu mal᷊o'engnga uukke, tadea'u i tou mabbiakka sara maṛawa mappulunna.

DARALO 16:2

I ya'u mabbisara, “Tumba'u I'o Mawu'u, lal᷊umanna'u, taweddu naasampal᷊iu Si'o!”

DARALO 8:5

apate taumata udde na'oman sara I'o mannaungnga si tou, isai i tou, na'oman sara I'o mappadul᷊i si tou?

AYUB 17:9

Taumata mapia wuṛṛu tawe sal᷊ane, mangke mangngimanna ola'u wiakka apan ipaapulun Duata.

AYUB 8:7

Paa'alanu apan nawul᷊i udde tawe aregane isumandingngu sarangkanambone apan asombangannu.

TAHIUL᷊E 8:18

Naunge manungku tumba'u Mawu Ruatanu apan mangonggolu paa'ala udde si yamiu. Olangnge udde niola'i Tou ana waugu na'oman sara allo indi i Tou ta'e uaagassa su pa'aire apan niolangnge-Nge ringannu iupungngu al᷊amonanu.

PANDARIADDI 32:7

Naaringikka udde i Yakub tumanite nata'utta wuṛṛu mappawangnga. Ana see manga taumata apan su sampunna ringanni tou nitahia nabbal᷊i ruang kawageanganna, aroddi lai domba, ambinga, sapi wuṛṛu untane.

PANDARIADDI 32:5

Orassa indi ya'u uatahuante sapi, keledai, domba, ambinga wuṛṛu manga allangnga. I ya'u mapaapidu watti'a si tuangku, ringannu antimma i tuangku sarun mal᷊uassa.’ ”

PANDARIADDI 30:43

Ringannu aroddi Yakub nabbal᷊i ala marasai. I tou uatahuanna manambo ammul᷊annu ambinga domba, unta, keledai wuṛṛu manga allangnga.

PANDARIADDI 28:15

Paanaunge, i Ya'u sarun mantul᷊ungnga wuṛṛu mallu'adda si'o, su al᷊awo'u tampa amatannu, wuṛṛu i'o sarun Ta'u iapidda mabelengnga watukku wanua indi. I Ya'u tawe manantangngu maddatingngu sarangkanambone Ta'u niola'a su alawo'u apa apan pina'ire-U si'o.”

PANDARIADDI 18:27

I Abraham nabbisara apia, “Ampungewe awawaṛṛani'u manassukku hatto'u indi, Mawu. I ya'u indi tumba'u taumata, tawe su tampane mangapiddu sambau hatto.

2 SAMUEL 17:24

I Daud na'omate su soa Mahanaim sutempo i Absalom tinumumbe Sal᷊ukku Yordan, tatantalongannu taumatan Israel. (

PANDARIADDI 24:12

Ana see allangnga udde niumal᷊iomanna, “Mawu, Ruata mawu'u Abraham, tul᷊ungaawe, tadea'u i ya'u maaola'a manara'u su allo indi; akkanaawe mawu'u Abraham.

PANDARIADDI 28:13

Wuṛṛu Mawu uarisikka su sandiṛṛanne apiddu nabbisara, “Ete i Ya'u Mawu, Ruata apan raddaloanni Abraham wuṛṛu i Ishak. I Ya'u sarun mangonggolla si'o wuṛṛu su papapulunnu leta'a apan lal᷊allowangannu indi.

PANDARIADDI 31:3

Ana see Mawu nabbisara si Yakub, “Pabelengke watukku wanuan iamangngu wuṛṛu ringannu manga tuṛṛangngu. I Ya'u sarun mallu'adda si'o.”