PANDARIADDI 31:50 - WUKE SUSI WATTI'U AL᷊AL᷊USASSA

⁵⁰ I Laban nabbisara apia, “Amungkangu i'o ma'ola'a al᷊al᷊eo su al᷊aṛṛana'u, ara'e ma'awingngu manga wawine waine, salaiwe taweddu maasingkatta, paanaunge Ruata uariaga si ite.

PANDARIADDI 31:50 Referans Kwoze

YEREMIA 42:5

I mangitou nabbisara si ya'u, “I yami sumal᷊ande si Papa umal᷊iomanna su Mawu Ruatang kite, ana waugu i yami tumuṛṛutte si Tou, tadea'u wiakki yami maola'a mapia. Nariaddi, mapia ara'e lal᷊eo tanata Mawu udde, i yami sarun tumuṛṛutta. Wala'e Mawu maola'a matatialane apan matul᷊idda wuṛṛu satia si yami, amungkangngu i yami tawe tumuṛṛutta anambon parenta nionggollu Mawu si yami wuassi Papa.”

YEREMIA 29:23

Etearoddi ola'u wiakki mangitou ana waugu buatte na'ola'a manga rosa wahewalla su Israel: i mangitou sussandaga, wuṛṛu nappaattu arannu Mawu ipabbatti'u manga inolaanna awusu. Udde napapaṛṛalan apulu Mawu. I tou masingkattu apa apan a'olaanni mangitou, wuṛṛu i tou sassane nabal᷊i tialane lumawangnga si mangitou. Mawu buatte nabbisara.”

MIKHA 1:2

Paddaringikke, ei manga walahanna! Panutukke, ei tumanangnge su ahewallu runia! Mawu Apan Atanggaṛṛanne rumanta maola'a tialane lumawangnga si yamiu sarangkanambone! Paddaringikke i Tou mabbisara Wuassu Wal᷊en-Ne apan susi su surga.

MAL᷊AṚṚUUNGNGA 11:10

I mangitou sinumimbakka, “Yami maapulu. Mawu matatialane.”

1 TESALONIKA 2:5

I yamiu sassane masingkata manungku tawe saran paassa i yami nassal᷊o'a ara'e nangawusu si yamiu ipamunin pandumma apan lal᷊eo udde. Ruata mattatialane!

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

MALEAKHI 2:14

I yamiu ma'iwal᷊o i Tou maddirite manengkamma sasamba udde. Ana waugu Mawu masingkatta i yamiu tate satia su wawine apan buatte niawingngi yamiu sutempo i'o ta'e umbasanna. Wawine udde hawe sulal᷊ummu pabbiaṛṛannu, arawe i yamiu buatte nallobbossa si tou, salaiwe su saruannu Ruata i yamiu buatte naddiandi tadea'u sidutu satia si tou.

1 SAMUEL 12:5

Ana see i Samuel nabbisarate, “Su allo indi Mawu wuṛṛu ratu apan nipile-Ne maola'a tatiala manungku ya'u tawe sal᷊a'u sarangkadio'a.” “Ore, atonna, Mawu maola'a matatialang kite,” sasimbakki mangitou.

IMAMATTA 18:18

Imbaṛṛangnga ma'awingngu tuṛṛangngu sawanu tantal᷊anna sawanu sassane ta'e wiakka.

PANDARIADDI 31:51

Eteindi manga watu apan ta'u niombo, wuṛṛu indi watu pananaunganna.

AYUB 16:19

I ya'u masingkatta manungku Mananambaa'u poi su surga; I Tou nangonggollu tatiala manungku i ya'u tawe dosa.