PANDARIADDI 31:40 - WUKE SUSI WATTI'U AL᷊AL᷊USASSA

⁴⁰ Masokka i ya'u apadisanna su tempo allatune wuṛṛu amansungeanna su tempo alloarane. Wuṛṛu masokka lai ya'u tawe amatiil᷊anna.

PANDARIADDI 31:40 Referans Kwoze

IBRANI 13:7

Imbaṛṛanga maabul᷊i manga piaṛṛangu apan namasingkatu tanatan Ruata si yamiu. Paaellehe ereapa i mangitou mabbiakka wuṛṛu ereapa i mangitou mate, wuṛṛu tannoite pangangimanni mangitou.

LUKAS 2:8

Su ṛabbi udde pia manga mallal᷊u'adda apan tantal᷊anna mandiaga manga dombane su wadda'u nannal᷊o su leta'a udde.

HOSEA 12:12

salaiwe aroddi ta'e piaddu massubba paal᷊uanna su Gilead, wuṛṛu mangongollu sasamba sapi su wowon mezbah su Gilgal. Arawe i mangitou apan massubba paal᷊uanna udde sarun mate, wuṛṛu manga mezbah su Gilgal udde sarun maola'a ombon batu su manga wawail᷊anna.”

SASABANGNGA 3:1

Su tempo udde i Musa mallu'adda manga domba wuṛṛu manga ambingngi Yitro, la'iananne, imam su leta'u Midian. Su tempo i tou tantal᷊anna mangngul᷊uga winatangnga udde watukku samba'an badda'a lol᷊okka, i tou na'omate su Wowon Sinai, wowone apan susi.

PANDARIADDI 31:39

Iapa nate niaṛṛatu winatangnga mal᷊aṛṛaga tawe saran paassa ta'u niapidda ringanni Papa, arawe i ya'u sassane namaekka. Iapa nita'o su tempo allo ara'e ṛabbi sidutu tattuntu'anni Papa tadea'u i ya'u mamaekka.

PANDARIADDI 31:41

Etearoddi ya'u su tempo mammanara ringanni Papa al᷊annune naṛṛattubba ruan pul᷊o su tonnane. Mapul᷊o appata su tonnane al᷊annune i ya'u mammanara tadea'u maasomba ruan katou ana'i Papa udde wuṛṛu annumu tonna lai tadea'u maasomba ammul᷊annu ambinga domba udde. Wuṛṛu al᷊annune udde lai i Papa namal᷊u lal᷊antakke nihaingnga paapul᷊o wuassu lal᷊antakke paarorone.

TAHIUL᷊E 8:15

Mawu namiaṛṛa'i yamiu sinumabbi wadda'a apan mal᷊alangnga wuṛṛu ma'ata'utta, manambo atoanna mawisa, wuṛṛu kalajengking. Su leta'a apan mamara tawe ua'ene, i Tou na'ola'a ua'e mangngelekka wuassu watu, tadea'u i yamiu wotongnge ma'inumma walate apulun naungngu.

HAGAI 1:11

I Ya'u buatte nandantan paddissa su leta'a wuṛṛu manga wuidda, su manga wawail᷊annu gandumma wuṛṛu manga wawail᷊annu anggore see su manga wawail᷊annu zaitun, wuṛṛu su manga sasuanna su leta'a indi, ewe'e lai su taumata wuṛṛu winatangnga see al᷊awo'u pinitanna apan a'olaanni yamiu.”

AMSAL 31:18

I tou masingkatta manungku sarangkanambone apan niolangnge, maauntungnga; i tou mammanara ma'oman sara ṛabbi mal᷊al᷊umma.