Biblia Todo Logo
Bib sou entènèt

- Piblisite -




PANDARIADDI 31:11 - WUKE SUSI WATTI'U AL᷊AL᷊USASSA

11 Wuṛṛu Ruata ringannu lihiddu mala'ekatta nabbisara si ya'u sulal᷊ummu wal᷊iawa udde, wisarane, ‘I Yakub!’ I ya'u sinumimbakka, ‘Ore’.

Gade chapit la Kopi




PANDARIADDI 31:11
21 Referans Kwoze  

Amungkangngu i yamiu umal᷊iomanna, i Ya'u sarun maddaringikka. Amungkangngu i yamiu ma'ilal᷊are si Ya'u, i Ya'u sarun sumimbakka. Ariete pangallangnga sansul᷊ungngu, addoa'e pasaseetta wuṛṛu aal᷊uandaga.


Ete i Ya'u Ruata apan buatte naipasilon batangan-Ne si'o su Betel. Poiaroddi i'o buatte nangonggolu sasamba sambau watu pananaunganna, ringannu nallal᷊innu lanan zaitun su wowone. Poiaroddi lai i'o nassalu. Orassa indi pandiahite wuṛṛu pabelengke watukku wanua niasungkangannu.’ ”


arawe i Eli namago si tou, wisarane, “I Samuel, Samuel, ana'u.” I Samuel sinumimbakka, “I ya'u, Papa.”


Su atallune Mawu namago apia si Samuel, ana see i Samuel napu'ote wuṛṛu inaite ringanni Eli lapiddu nabbisara, “Pia apa Papa? Anio i Papa mammago?” Su orassa udde i Eli naatutukke manungku mammago ana'a uddewe Mawu.


Wua'udde Mawu namago apia si Samuel, arawe i Samuel wagga manungku namago si tou udde ewe'e Mawu, ana waugu taambe saran paassa Mawu naggahatton Samuel. Ana waugu udde i tou napu'ote, ana see na'ellega si Eli wuṛṛu naiwal᷊o, “Papa, pia apa? Anio i Papa namago?” I Eli sinumimbakka, “I ya'u tawe namago si'o, ana'u; pabbelengke atiille apia.”


Mawu namago si Samuel, ana see i Samuel sinumimbakka, “I ya'u, Papa!”


Mawu naasilo si Musa nangundanin tampa udde, ne i Tou niumui wuassu pattangngannu ahuranganna udde, “I Musa! I Musa!” “I ya'u isindi,” sasimbakki Musa.


Ana see i Yakub nabbisara sitarua, “I ya'u ma'ellega manungku iamangngu tate masaṛṛionto'a si ya'u ere dorone; arawe Mawu Ruata apan raddaloannu iamangku ual᷊u'adda si ya'u.


Manga pira tempo wua'udde Ruata na'annamma tatuṛṛutti Abraham. Ruata namaggo, “I Abraham!” Ana see i Abraham sinumimbakka, “I ya'u, Mawu.”


Mawu nabbisara sulal᷊ummu naungnga, “I Ya'u tawe mangadapingnga si Abraham apa apan sarun Ta'u olaanna.


Mawu naipasilon batangan-Ne si Abraham marani manga aaluanna pia taṛṛinone tampan patataṛṛamawuanna su Mamre. Su allo udde paddissa mapal᷊atta, wuṛṛu i Abraham tantal᷊anna ua'ianna su ngaran rasanne.


Su tempo i Pilatus tantal᷊anna ua'ianna su wal᷊em pamarikisanna, awingnge nananata si tou ereindi, “Arie i'o lumal᷊o'a su hatton taumata apan tawe sal᷊ane udde, ana waugu ete i Tou, i ya'u niwal᷊iawannu wal᷊iawa apan maata'utta allo indi.”


Arawe mala'ekattu Mawu niumui si tou wuassu langitta, “Abraham, Abraham!” Sasimbakki Abraham, “I ya'u, Mawu!”


Paassa lai wuassu langitta mala'ekattu Mawu niumui si Abraham,


Wuṛṛu su tempo manga winatangnga udde uawawatianna, i ya'u nabbal᷊iawa naasilo anambon ambinga esakka apan tantal᷊anna uawawatianna, pia boṛṛentenge, pia titingnge wuṛṛu tal᷊iṛṛawanna.


Ṛabbi Ruata nirumanta ringanni Laban sulal᷊ummu wal᷊iawane, wuṛṛu nabbisara, “Naunge, imbaṛṛanga i'o mamansagi Yakub salaiwe tumba'u ringannu wisara sangkapadi!”


Su ṛabbi sambau i Yusuf nabbal᷊iawa, wuṛṛu napawe i tou nabbati'u wal᷊iawane udde su manga iaangnge, i mangitou lembon massa'u si tou.


Sulal᷊ummu sambau aellega su tempo ṛabbi, Ruata nabbisara si tou, “I Yakub, i Yakub!” “I ya'u, Mawu,” sasimbakke.


wuṛṛu Mawu nabbisara, “Paddaringikke manga wisara-U indi! Amungkangngu suwallati yamiu pia sangkatou nabi, i Ya'u mapal᷊iatta'u watangang-Ku si tou sulal᷊ummu manga aellega, wuṛṛu maggahatton tou sulal᷊ummu wal᷊iawa.


Swiv nou:

Piblisite


Piblisite