PANDARIADDI 30:33 - WUKE SUSI WATTI'U AL᷊AL᷊USASSA

³³ Su allo apan addantane ringannu mal᷊uassa i Papa maasingkattu inolaangku apan matul᷊idda. Napawe i Papa rumanta, wuṛṛu maasilo pia ambinga apan tawe boṛṛentengge ara'e tal᷊iṛṛawanna, ara'e domba tawe ma'itumma, i Papa sarun maasingkatta manungku winatangnga udde buatte ta'u tina'o.”

PANDARIADDI 30:33 Referans Kwoze

YESAYA 59:12

Tumanite manambo al᷊al᷊eong kami su saruan-Nu; manga rosang kami mapaasal᷊ang kami. I yami atonna-tonna naatutukka al᷊al᷊eong kami, wuṛṛu naasingkatta manga rosan kami.

DARALO 37:6

I Tou sarun mapal᷊iatta'u tatuṛṛunnu ere asasemakka, wuṛṛu pallal᷊agunu ere allo.

2 SAMUEL 22:21

Mawu nabbal᷊issa inolaangku apan mapia; i Tou nangal᷊amatta si ya'u ana waugu i ya'u tawe sal᷊ane.

1 SAMUEL 26:23

Mawu sarun mangal᷊amatta suapan taumata apan satia wuṛṛu matul᷊idda. Ana waugu salaiwe su allo indi Mawu nanantilli Tuangku su allangngu, arawe allangngu maddiri ma'ola'a al᷊al᷊eo su saruanni Tuangnga, ratu nipilen Mawu.

SASABANGNGA 13:14

Amungkangngu su allo sal᷊immurine anangngu maiwal᷊o apa atappasanne sarangkanambone udde, i yamiu ṛinone sumimbakka arendi, ‘Ringannu taṛṛino apan bahewalla Mawu nangapiddi ite sinumabbangnga wuassu wanua Mesir, su tampa i ite niallangnga.

PANDARIADDI 31:37

Orassa indi napawe buatte namarikissa al᷊awo'u saranapa'u, apa'i Papa naasangkalla darotongngi Papa? Paasabanga'e saranapa udde wuṛṛu addoa'e isindi, tadea'u manga taumata'u wuṛṛu manga taumatan i Papa wotongnge maasilo wuṛṛu makkawessa isai su wallati ite apan naṛṛino.

PANDARIADDI 30:32

Walaawe i ya'u orassa indi umamatta su pattangngannu ammul᷊annu ambinga wuṛṛu domban i Papa, wuṛṛu manganu sambau ana'u domba suapan domba ma'itumma, wuṛṛu lai suapan ambinga woṛṛenganna. Tumba'u udde lal᷊antakke apan ipaapulu'u.

PANDARIADDI 30:34

I Laban sinumimbakka, “Aroddite! I ite sarun ma'ola'a apa apan radorongannu udde!”