PANDARIADDI 30:20 - WUKE SUSI WATTI'U AL᷊AL᷊USASSA

²⁰ Wisarane, “Ruata buatte nangonggolla si ya'u lal᷊antakke apan maṛṛamaga atonna. Orassa indi awingku sarun mangarega'ute, ana waugu i ya'u buatte nanungkangngu siri annumma ana'a esakka,” ana waugu udde anangnge nissagon tou i Zebulon.

PANDARIADDI 30:20 Referans Kwoze

MATIUS 4:13

I Tou nanantangke Nazaret, see natana'e su Kapernaum su winggin Ranon Galilea su wageangngu leta'u Zebulon wuṛṛu Naftali.

PANDARIADDI 49:13

I Zebulon sarun mamanua su winggin tahal᷊oangnga; manga apalla sarun mabbal᷊ango su appanne; naddatinggu Sidon passarannu wageangnge.

PANDARIADDI 35:23

Manga ana'i Lea eteudde i Ruben (ana'i Yakub pahulu), i Simeon, i Lewi, i Yehuda, i Isakhar wuṛṛu i Zebulon.

DARALO 68:27

“Paddalote Ruata su pattangngannu ammul᷊annu al᷊aṛṛanang-Nge, paddalote Mawu, ei anambon papapulunni Yakub!”

MAL᷊AṚṚUUNGNGA 5:14

I mangitou niumamatta wuassu Efraim watukku wawal᷊anne, uatantalongnga tantaran Benyamin apan uawarissa su saruanni mangitou. Wuassu Makhir nirumantate manga tembonannu tantara, ara'e panglima wuṛṛu wuassu Zebulon nabbuatte manga piaṛa'u tantara, ara'e perwira.

MAL᷊AṚṚUUNGNGA 4:10

Ne i Barak nangapiddu ruanganni Zebulon wuṛṛu Naftali watukku Kedes. Ingana'a uatantalongnga si Barak wuṛṛu si Debora su tempo udde 10.000 su atoune.

PANDARIADDI 46:14

I Zebulon; manga anangnge: i Sered, i Elon wuṛṛu i Yahleel.

PANDARIADDI 30:15

I Lea sinumimbakka, “Taambe lai nawusa i'o nanganu awingku? Orassa indi ewe'e i'o lai ma'annamma manganu undamma apan niasangkal᷊annu ana'u.” Unni Rahel, “Amungkangngu i'o ma'apulu mangonggollu sasuanna undammu anangngu udde si ya'u, i'o wotongnge matiilla ringanni Yakub ṛabbi indi.”

PANDARIADDI 29:34

I Lea piate illoṛṛo apia ana see nanungkangngu sangkatou ana'a esakka. Wisarane, “Orassa indi awingku lembon marani'ute ana waugu i ya'u buatte nanungkangngu siri tallu ana'a esakka.” Ana see anangnge udde nissagoten tou i Lewi.

PANDARIADDI 30:19

I Lea piate illoṛṛo apia wuṛṛu nangunsiwen anangnge aiannumme.

PANDARIADDI 30:21

Wua'udde i Lea nanungkangngu sangkatou ana'a wawine aranne i Dina.

PANDARIADDI 34:12

Wal᷊oa'e lal᷊antakke apa apan ipaapulun kamiu, wuṛṛu tantuna'e wul᷊awannu awingnge. I ya'u sarun mangonggola al᷊awo'u apan doronganni yamiu, addonganne i yamiu mamala'u maawingngu maṛṛuala udde.”

SASABANGNGA 22:17

Arawe amungkangngu iamangnge maddiri mamalan esakka udde ma'awingngu anangnge, esakka udde ṛinone mamaekku roitta su iamangnge udde maola'a wul᷊awannu awingnga su ana'a apan ta'e maṛṛuala.

1 SAMUEL 18:25

ana see i Saul nandolokki mangitou niapawal᷊o si Daud, arendi, “Apan pappandumanni tuangnga maola'a wansan awingnga tumba'u 100 su waune pentakku pisi tawun taumatan Filistin, maola'a sambau wawal᷊issa su seetti tuangnga.” (Indi hol᷊agi Saul ipamate si Daud tadea'u isondo su taumatan Filistin.)

TAHIUL᷊E 27:13

Su tempo mabbisaran wawontoga, ṛuanganni Ruben, i Gad, i Asyer, i Zebulon, i Dan wuṛṛu i Naftali ṛinone rumarisikka su puiddu Wowon Ebal.