PANDARIADDI 30:2 - WUKE SUSI WATTI'U AL᷊AL᷊USASSA

² I Yakub nasa'u si Rahel wuṛṛu nabbisara, “I ya'u indi wal᷊ine Ruata. Ete i Tou apan na'ola'a si'o tawe maasomba ana'a.”

PANDARIADDI 30:2 Referans Kwoze

PANDARIADDI 16:2

“Mawu tawe mamala'u manungkangngu ana'a. Ana waugu udde, mappianne yo matiilla ringannu allangku indi. Asinungka i tou wotongnge malippassu ana'u.” I Abram niumiren darorongngi Sarai.

DARALO 127:3

Manga ana'a uddewe aonggollu Ruata, mangke atonna i mangitou uddewe al᷊amatta.

2 MARARATU 5:7

Napawe ratun Israel naawasan suratta udde, i tou nanggesa'a launge ana waugu sussinggawanga, lapiddu nabbisara, “Nasilakate, anio ratun Siria udde madoronga i ya'u mangundamma taumata indi? I ya'u wal᷊ine Ruata apan uatahuanna taṛṛino mapawiakka ara'e mamate taumata! Asinungka ratun Siria udde tumba'u maddea'a ngal᷊e si ya'u!”

1 SAMUEL 1:5

Arawe i Hana tumba'u nionggol᷊annu kadio'a ana waugu Mawu tawe nangonggolu ana'a si tou. Salaiwe aroddi i Elkana sidutu marangngu si Hana.

PANDARIADDI 50:19

Arawe i Yusuf nabbisara si mangitou, “Arie pa'ata'utta; ana waugu i ya'u tawe mapaṛṛuumanna naal᷊ihidda Ruata.

EFESUS 4:26

Amungkangu i yamiu masa'u, arie mamalan asasa'unu udde maarosa si yamiu. Arie masa'u su al᷊o'engngu allo,

MARKUS 3:5

Ringannu nasa'u Mawu Yesus na'ellega taumata apan uapal᷊iwutta si Tou, arawe i Tou nasusa lai, ana waugu i mangitou tumanite maattikka puane. See i Tou nabbisara taumata udde, “Ul᷊uṛṛa'e limanu.” Taumata udde nangul᷊ukken limane see limane udde napiate.

MATIUS 5:22

Arawe orassa indi Ya'u mabbisara si yamiu, isai-sai masa'u su taumata waine, sarun parikisanna; wuṛṛu isai-sai mallela taumata waine sarun parikisanna su saruannu Mallaṛṛuungngu Agama. Wuṛṛu isai-sai mabbisara taumata waine, ‘Tingngangnga,’ sarun iramme sulal᷊ummu putungngu naraka.

DARALO 113:9

I Tou nangonggolu manga ana'a su awingnga apan tinna, na'ola'a si tou inangnga apan lulluassa wuṛṛu aaddatanna su wal᷊ene. Paddalote Mawu!

SASABANGNGA 32:19

Napawe i Musa maraniten paddasananna udde, i tou naasilo sapi wul᷊awanna wuṛṛu manga taumata tantal᷊anna massal᷊aingnga, ne i tou nasa'ute. Isudde lai, su wawal᷊annu wowone udde, i Musa namantingngu watu apan niapiddi tou na'oman sara naṛṛimunsa'a.

PANDARIADDI 31:36

Ne i Yakub nasa'ute, “Al᷊al᷊eo apate apan buatte ta'u niola'a?” aiwal᷊one ringannu hati mapakkada. “Apa pasasal᷊a'u na'oman sara i Papa nangenggenna si ya'u?

PANDARIADDI 29:31

Napawe Mawu naasilo manungku i Lea tawe aroddi arangnguanna ere i Rahel, Mawu namalan i Lea manungkangu ana'a, arawe i Rahel sidutu tawe maasomba ana'a.

PANDARIADDI 25:21

Ana waugu i Ribka tawe naasomba ana'a, i Ishak niumal᷊iomannu awingnge su Mawu. Wuṛṛu Mawu naddaringikka aal᷊iomanni Ishak, na'oman sara i Ribka piate illoṛṛo.

LUKAS 1:42

see nangintul᷊i, “Ete i'o apan lembo nial᷊amatanna su wallattu anambon bawine! Inal᷊amatante ana'a apan sarun iasungkangu udde!