PANDARIADDI 3:15 - WUKE SUSI WATTI'U AL᷊AL᷊USASSA

¹⁵ I'o wuṛṛu wawine udde sarun matatiakka, papapulunne wuṛṛu papapulunnu sidutu uasaseetta. Papapulunne sarun maṛṛimunsa'a puanu, wuṛṛu i'o sarun mangi'i paalli mangitou.”

PANDARIADDI 3:15 Referans Kwoze

ROMA 16:20

Ruata apan nangonggolu paddarame su taumata, mal᷊ihakke mandolokku Setanna massuṛṛubawa su taṛṛinonu wuṛṛu maṛṛimunsa'a si tou. Antimanna manga tuṛṛangnga sidutu aal᷊amatanni Yesus Kristus Mawun kite!

1 YOHANES 3:8

Arawe taumata apan matatana'a ma'ola'a rosa, ete i tou uddewe ana'u Setanna, ana waugu Setanna marosa ro'en al᷊amonane. Ana waugu udde Ana'u Ruata nirumanta, eteudde makkimunsa'a manaran Setanna.

SONDAPPA 12:17

Naga mangke nasa'u atonna su wawine udde, na'oman sara i tou inaite namangalo walahanna waine wuassu wawine udde, eteudde anambon taumata apan tuttuṛṛuta manga parentan Ruata, wuṛṛu nattiala su ola'u Mawu Yesus wuṛṛu taṛṛino-Ne.

YESAYA 7:14

Orassa indi, Mawu sassane sarun mangonggollu tatiala si yamiu: Sangkatou maṛṛuala apan pia illoṛṛo sarun manungkangngu sangkatou ana'a esakka apan aranne isaggo Imanuel.

GALATIA 4:4

Arawe napawe su temponete, Ruata mandolokku Anang-Nge su Runia. Anang-Nge udde niasungkanga wuassu sangkatou wawine wuṛṛu mabbiakka su al᷊ungngu parentan titan agama.

YOHANES 8:44

Ete Setanna iamangngu, wuṛṛu i yamiu tuttuṛṛutta apulun iamangngu. Ro'en panataṛṛanne Setanna udde taṛṛa pate. I tou taambe saran paassa manamba'a apapia, ana waugu tawe apapia si tou. Amungkangngu i tou mangawusu, udde naṛṛino ana waugu ete aroddi pallal᷊agune. I tou taṛṛa awusu wuṛṛu punnu al᷊awo'u awusu.

MATIUS 1:23

“Sangkatou maṛṛuala sarun mangilloṛṛo wuṛṛu mangunsiwen sangkatou ana'a esakka. Ana'a udde sarun isaggo aranne Imanuel.” (Imanuel eteudde wisaran Ibrani atappasanne, “Ruata su sampunna ringanni ite”.)

MATIUS 13:38

Wailla eteudde runia indi. Wualanna apan mapia, eteudde manga taumata apan nasutta al᷊aṛṛana'u Ruata. Ahuranganna akke, eteudde manga taumata uasamba'a Setanna.

1 YOHANES 3:10

Ete indi papaṛṛalane wuassu alaṛṛana'u Ruata wuṛṛu al᷊aṛṛana'u Setanna: suapan taumata apan tawe tumuṛṛutta apulun Duata, ara'e tawe mandangngu tuṛṛange, i tou wal᷊ine ana'u Ruata.

LUKAS 10:19

Asingkatewe! I yamiu suete inonggol᷊annu taṛṛino tadea'u i yamiu wotongnge maṛṛinda atoanna wuṛṛu kalajengking lapiddu mamadi al᷊awo'u auatannu seetta, ringannu tawe saran sambau wotongnge manilaka si yamiu.

DARALO 132:11

Mawu buatte nassalu si Daud; i Tou tawe massinaaddu paaire-Ne. Wisara-Ne, “Sangkatou anangngu sarun Ta'u itenega ratu iapaparenta mallol᷊ossa si'o.

SONDAPPA 20:10

See Setanna apan nangawusu si mangitou udde, tinuntunga sulal᷊ummu tahal᷊oangngu putungnga wuṛṛu belerangnga. Ete isudde tampane winatangnga wuṛṛu nabi awusu udde niramme paarorone. I mangitou sarun sansaranna allo ṛabbi saran mal᷊annu-l᷊annu.

KOLOSE 2:15

Su alu arussa udde Kristus na'ola'a al᷊awo'u ghaṛṛaho apan uaparenta wuṛṛu uataṛṛino naola'a tawe atatohanne. I mangitou naola'a wawialannu awadaalla su tempo Kristus nangapiddi mangitou ere taumatan ṛuumanna sulal᷊ummu amamattu awawantu-Ge.

WATTI'U MANGA RASUL 13:10

wuṛṛu nabbisara, “Ei taṛṛa awusu, ana'u al᷊al᷊eo! I'o seettu al᷊awo'u apapia. Anio i'o tawe mangillol᷊o mandal᷊eo pandumannu Ruata, ipanal᷊amatta taumata?

SONDAPPA 2:10

Arie matta'uttu asasusa apan tate mal᷊annu lai apendamanni yamiu. Paanaunge, Setanna sarun mantaṛṛon sangkawageanganna wuassi yamiu sulal᷊ummu tuttupanna, ana waugu ipamono'a si yamiu. I yamiu sarun matataṛṛanga mapul᷊o allo al᷊annune. Ṛinone i yamiu matuṛṛuta si Ya'u ma'oman sara mate, ne i Ya'u sarun mangonggola si yamiu wiakka tutune wuṛṛu saran mal᷊annu-l᷊annu apan maola'a sambau lal᷊antaku naauntunga.

YESAYA 53:12

Ringannu naungnga mal᷊uassa i tou nanantillu wiakke wuṛṛu nasutta su reengannu taumata lal᷊eo. I tou namasanna rosa taumata nambo wuṛṛu niumal᷊iomana tadea'u i mangitou ampunganna. Ne i tou Ta'u nionggol᷊annu taumata manambo maola'a hadiane, wuṛṛu i tou naasomba wageangnge suadio'a ringannu manga taumata apan matul᷊idda.”

MIKHA 5:3

Napawe piaṛṛa'a udde rumanta, i Tou sarun mamarenta uman-Ne ringannu atatohassa wuṛṛu taṛṛino wuassu Mawu Ruata-Ne sassane. Umman-Ne sarun mabbiakka ringannu matammudda, ana waugu anambon taumata su ahewallu runia sarun manga'u awawantu-Ge,

YEREMIA 31:22

Maddatingngu tingngera i'o tawe homago'a, ei walahanna apan mal᷊awangnga si Ya'u? I Ya'u buatte nandiaddi manga apa apan wakku su runia, sambau apan maaṛindu'a – ma'atiangnga ere wawine uariaga esakka.”

1 YOHANES 5:5

Isai wotongnge maaroappa runia? Tumba'u taumata apan mangngimanna manungku Yesus udde Ana'u Ruata.

IBRANI 2:18

Wuṛṛu ana waugu i Tou sassane suete natataṛṛanga wuṛṛu niwono'anna, i Tou naapattul᷊ungu manga taumata apan niaṛṛiaannu wawono'a, ana waugu i Tou sassane suete niwono'anna wuṛṛu natataṛṛanga.

EFESUS 4:8

Sulal᷊ummu Wuke Susi uawoṛṛetta, “Su tempo i Tou niumawitta su tampa apan atanggaṛṛanne, I Tou uaapiddu manambo taumatan ṛuumanna; wuṛṛu i Tou nangonggolu manga aonggola su taumata.”

SONDAPPA 13:7

I tou niwala lai lullawanna walahannu Ruata lapiddu mandugi si mangitou. Wuṛṛu taṛṛino su al᷊awo'u walahanna, araratuanna, wahasa, wuṛṛu walahanna nionggolla si tou.

IBRANI 5:7

Su tempo Mawu Yesus mabbiakka su runia indi, i Tou u'al᷊iomanna wuṛṛu sussal᷊ande ringannu u'ui wuṛṛu lulluai su Ruata, apan botongnge manal᷊amatta si Tou wuassu papate. Wuṛṛu ana waugu i Tou matuṛṛuta Ruata ringannu napeneng addatta, ne i Tou niraringiṛṛana.

LUKAS 22:53

Miallo-miallo i Ya'u su sambau ringanni yamiu su Wal᷊e Mawu, arawe i yamiu tawe manametta si Ya'u. Arawe indite tempone i yamiu manametta, su tempo taṛṛinon ararandumma mappaamattu manarane.”

MATIUS 23:33

I yamiu lal᷊eo wuṛṛu papapulunnu taumata lal᷊eo! Ereapa i yamiu wotongnge manal᷊amatta wadangngi yamiu wuassu ṛuumanna su naraka?

MATIUS 12:34

I yamiu taumata lal᷊eo, ereapa wotongnge i yamiu maasaggon al᷊awo'u inolaanna apan mapia amungkangngu i yamiu lal᷊eo? Apa apan niwisara moṛṛongnga udde sinumabangnga wuassu lal᷊ummu naungnga!

MATIUS 3:7

Manambo lai taumatan Farisi wuṛṛu Saduki nirumanta ringanni Yohanes maisaṛṛani. Arawe su tempo i tou naasilo si mangitou nirumanta, i tou nabbisara si mangitou, “I yamiu taumata lal᷊eo! Isai suete nabbal᷊o manungku i yamiu mal᷊iudda wuassu ṛuumannu Ruata apan sarun rumanta?

ROMA 3:13

Tonggol᷊anni mangitou naal᷊ihida ere lal᷊abinganna apan wawu'anna. Manga awusu wuṛṛu wahia mangngelekka wuassu lila mangitou, wuṛṛu wiwikki mangitou mapaasabangngu aal᷊uandaga, ere wisan atoanna.

LUKAS 1:76

I'o, ei Ana'u, sarun isago nabi Ruata Lembon Atanggaṛṛanne. I'o apan nirolokka malliu ṛoro Mawu wuṛṛu mamu'a lal᷊an-Ne,

MARKUS 16:18

Amungkangngu i mangitou mangagassa atoanna ara'e ma'inumma pasangkada, i mangitou tawe masilaka. Amungkangngu i mangitou mangandangngu lima su manga taumata marada'a, manga taumata udde sarun mapia.”

MATIUS 1:25

Arawe tantal᷊anna Maria taambe nangunsiwen ana'a udde, Yusuf taambe naammulli Maria. Wuṛṛu napawe ana'a udde nasungkangke, i Yusuf nanaggoten ana'a udde Yesus.

PANDARIADDI 49:17

I'o naal᷊ihidda atoanna su wiwikku lal᷊anna, atoanna mawisa su winggin dal᷊anna addio'a apan nangi'i paallu awal᷊o na'oman sara nawareta sumasa'ene.

DANIEL 9:26

Su panginsueannu tempo udde piaṛṛa'a nipilen Duata udde sarun pateanna, sumbal᷊i i tou tawe sal᷊ane. Ne nirumantate tantaran sangkatou ratu apan matohassa, ana see nakkimunsa'e soa Yerusalem see lai Wal᷊en Mawu. Panguddusannu tempo udde sarun rumanta manawangnga apan mangapiddu pangalo wuṛṛu araṛṛimunsa'a, ere buatte nitantunnu Ruata.

AMOS 9:3

Amungkangngu i mangitou ma'imbuni su puiddu Wowon Karmel, i Ya'u sarun maddea'a wuṛṛu manametta si mangitou. Amungkangngu i mangitou ma'imbuni su ṛanassu tahal᷊oangnga, i Ya'u sarun mamarenta nagan tahal᷊oangnga iapapul᷊iasa si mangitou.

LUKAS 24:27

Wua'udde Mawu Yesus nanal᷊aate si mangitou apa apan uawoṛṛetta sulal᷊ummu Wuke Susi su ola'u wadang-Nge, manattakka wuassu wuke Musa wuṛṛu wuke manga nabi.