PANDARIADDI 29:32 - WUKE SUSI WATTI'U AL᷊AL᷊USASSA

³² I Lea piate illoṛṛo ana see nanungkangu sangkatou ana'a esakka. Wisarane, “Mawu buatte na'ellega asasusa'u, wuṛṛu orassa indi awingku sarung mandangngu si ya'u.” Ana see ana'a udde nissagote i Ruben.

PANDARIADDI 29:32 Referans Kwoze

TAHIUL᷊E 26:7

Ana see yami sinumal᷊ande maiontolla Si'o, Mawu, Ruatan iupungngu al᷊amonan kami. I'o naddaringikka sasal᷊anden kami wuṛṛu na'ellega asasahadda, wuṛṛu asasusa see asasansaran kami.

SASABANGNGA 4:31

Ne i mangitou nangimante, wuṛṛu napawe i mangitou naaringikka manungku Mawu buatte na'ellega walahannu Israel wuṛṛu na'ellega al᷊awo'u asasusa mangitou, i mangitou niumal᷊intudda nassubba.

SASABANGNGA 3:7

Ana see Mawu nabbisara, “I Ya'u naasilo al᷊aṛṛana'u uatataṛṛangnga su Mesir, wuṛṛu naaringikke i mangitou u'ui mai'ipallossa wuassu manga taumata apan mangngallangnga si mangitou. I Ya'u mangke masingkattu anambon asasusa mangitou.

LUKAS 1:25

I tou nabbisara, “Panginsueanne Mawu nantul᷊ungku wuṛṛu namappassa asasili'u.”

DARALO 106:44

Arawe Mawu naddaringikka aintul᷊in mangitou, i Tou na'ellega asasusan mangitou.

DARALO 25:18

Ellehewe sansara wuṛṛu asasusa'u, wuṛṛu ampungewe anambon rosa'u.

2 SAMUEL 16:12

Asinungka Mawu sarun ma'ellega asasusa'u indi wuṛṛu mangal᷊amatta si ya'u maola'a hahantine wuassu tatal᷊a udde.”

1 SAMUEL 1:20

Wawine udde piate illoṛṛo wuṛṛu nanungkangu sangkatou ana'a esakka. Ana udde nisaggo Samuel, wisarane, “Buatte ta'u niroronganna su Mawu.”

1 SAMUEL 1:11

Wua'udde i Hana nabbisara pa'aire, wisarane, “Mawu Apan Lembontaṛṛino, tannoi'o allangngu indi! Ellehete asasusan allangngu. Naungete allangngu wuṛṛu arie maabul᷊in allangngu! Amungkangu I'o mangonggolu sangkatou ana'a esakka, allangngu maddiandi i tou sarun ionggolla Si'o su al᷊o'engngu pabbiaṛṛanne. Allangngu maddiandi lai manungku utangnge sarun tawe pol᷊oanna.”

PANDARIADDI 42:27

Su tampa i mangitou nanaṛṛabbi, sangkatou wuassi mangitou namu'a karongngu gandumma wuṛṛu mapaannu keledai. I tou naasangkalla roitta su wowon gandumma udde.

PANDARIADDI 42:22

I Ruben nabbisara, “Wal᷊inewe dorone i ya'u buatte nabbisara si yamiu tadea'u ana'a udde arie lal᷊eoanna. Arawe i yamiu madiri maddaringikka. Ne orassa indi papatene niwal᷊issanna si ite.”

PANDARIADDI 31:42

Unnu wisara i ya'u tawe lal᷊u'arannu Ruatan al᷊amona'u, eteudde Ruata apan sassubanni Abraham wuṛṛu i Ishak, ne i Papa buatte napaasal᷊iu'u ringannu tawe ul᷊ene. Arawe Ruata buatte na'ellega asasusa'u wuṛṛu manara apan buatte ta'u niola'a, wuṛṛu masaṛṛabi i Tou buatte nakkawessa.”

1 TAWARIKH 5:1

I Ruben eteudde ana'i Yakub pahul᷊une. Arawe ana waugu i Ruben buatte nandal᷊eo arannu sangkatou awingngu iamangnge waine, ne pussa'ane sangkatou ana'a pahul᷊u niul᷊eanna wuṛṛu nionggola si Yusuf. Salaiwe aroddi atohassanne wuassu wallattu papapulunni Yakub wal᷊inewe ruanganni Yusuf ewe'e ruanganni Yehuda. Ewe'e lai dorone naola'a ratu su ahewallu Israel eteudde wuassu ruanganni Yehuda udde.

PANDARIADDI 16:11

Tate mal᷊annu lai i'o sarun mangunsiwen ana'a esakka; saggoa'e i tou i Ismael, ana waugu Mawu buatte nadaringikka lal᷊uainu.

PANDARIADDI 37:29

Napawe nabelengnga su paṛṛihi udde wuṛṛu tawe naasilo si Yusuf isudde, i tou nanggesa'a laungnge ana waugu massusa.

PANDARIADDI 35:22

Tantal᷊anna i mangitou uatana'a su tampa udde i Ruben natiilla ringanni Bilha, awingngu iamangnge su liudde. Olangnge udde niasingkatanni Yakub, wuṛṛu i tou nasa'u atonna. I Yakub uatahuanna siri mapul᷊o dua ana'a esakka.

PANDARIADDI 29:31

Napawe Mawu naasilo manungku i Lea tawe aroddi arangnguanna ere i Rahel, Mawu namalan i Lea manungkangu ana'a, arawe i Rahel sidutu tawe maasomba ana'a.

REENGANNA 1:5

Ete indi arannu manga taumata apan nipele wuassu ṛuanganna iapasumbala si Musa wuṛṛu si Harun wuṛṛu apan maola'a piaṛṛa'u ṛuanganna sambau-sambau eteudde: Ṛuanganna Piaṛangnge I Ruben i Elizur ana'i Syedeur I Simeon i Selumiel ana'i Zurisyadai I Yehuda i Nahason ana'i Aminadab I Isakhar i Netaneel ana'i Zuar I Zebulon i Eliab ana'i Helon I Efraim i Elisama ana'i Amihud I Manasye i Gamaliel ana'i Pedazur I Benyamin i Abidan ana'i Gideoni I Dan i Ahiezer ana'i Amisyadai I Asyer i Pagiel ana'i Okhran I Gad i Elyasaf ana'i Rehuel I Naftali i Ahira ana'i Enan

PANDARIADDI 35:23

Manga ana'i Lea eteudde i Ruben (ana'i Yakub pahulu), i Simeon, i Lewi, i Yehuda, i Isakhar wuṛṛu i Zebulon.

TAHIUL᷊E 27:13

Su tempo mabbisaran wawontoga, ṛuanganni Ruben, i Gad, i Asyer, i Zebulon, i Dan wuṛṛu i Naftali ṛinone rumarisikka su puiddu Wowon Ebal.