PANDARIADDI 29:31 - WUKE SUSI WATTI'U AL᷊AL᷊USASSA

³¹ Napawe Mawu naasilo manungku i Lea tawe aroddi arangnguanna ere i Rahel, Mawu namalan i Lea manungkangu ana'a, arawe i Rahel sidutu tawe maasomba ana'a.

PANDARIADDI 29:31 Referans Kwoze

MATIUS 10:37

Taumata apan marangngu iamangnge ara'e inangnge manampal᷊iu wuassia-U tawe maola'a mallal᷊aṛṛenggeng-Ku. Aroddi lai taumata apan marangngu anangnge esakka ara'e wawine manampal᷊iu wuassia-U.

1 SAMUEL 2:21

I Hana nial᷊amatannu Ruata, na'oman sara nanungkangu lai sangkatou ana'a esakka wuṛṛu ruan katou ana'a wawine. Ne i Samuel aatambanna ahewalle tantal᷊anna i tou mangngimbe Ruata.

DARALO 127:3

Manga ana'a uddewe aonggollu Ruata, mangke atonna i mangitou uddewe al᷊amatta.

1 SAMUEL 1:5

Arawe i Hana tumba'u nionggol᷊annu kadio'a ana waugu Mawu tawe nangonggolu ana'a si tou. Salaiwe aroddi i Elkana sidutu marangngu si Hana.

TAHIUL᷊E 21:15

“Unnu wisara pia sangkatou awingnge darua, wuṛṛu iratua pia anangnge esakka, arawe ana'a apan niasungkanga paarorone wal᷊ine ana'a wuassu awingnga arangnguanne.

SASABANGNGA 3:7

Ana see Mawu nabbisara, “I Ya'u naasilo al᷊aṛṛana'u uatataṛṛangnga su Mesir, wuṛṛu naaringikke i mangitou u'ui mai'ipallossa wuassu manga taumata apan mangngallangnga si mangitou. I Ya'u mangke masingkattu anambon asasusa mangitou.

PANDARIADDI 29:30

I Yakub natatambaten i Rahel, wuṛṛu i tou lembon marangngu si Rahel wuassi Lea. Wua'udde i tou nammanarate pitu tonna apia.

YOHANES 12:25

Taumata apan mandangngu wiakke sarun awul᷊iannu wiakke. Arawe taumata apan maddantinnu wiakke su runia indi, sarun maapadul᷊i wiakka tutune wuṛṛu saran mal᷊annu-l᷊annu.

LUKAS 14:26

“Amungkangngu taumata rumanta ringang-Ku, arawe lembo mandangngu inangnge, iamangnge, awingnge, al᷊aṛṛanangnge, manga tuṛṛangnge, lembonete ririne sassane, i tou tawe maola'a mallal᷊aṛṛenggeng-Ku.

LUKAS 1:7

Itarua tawe ana'a ana waugu i Elisabet tinna wuṛṛu itarua timmaddete.

PANDARIADDI 30:22

Ana see Ruata nanaungke si Rahel; Ruata naddaringikka aal᷊iomanne wuṛṛu namalan tou manungkangngu ana'a.

PANDARIADDI 27:41

Ne i Esau nasaseeten i Yakub ana waugu iamangnge buatte nangonggollu al᷊amanne su tuarine udde. Su ṛingidde, “Tate mal᷊annu lai i papa mate wuṛṛu napawe nal᷊iudde orassa lullal᷊o, i Yakub sarun ta'u pateanna!”

PANDARIADDI 25:21

Ana waugu i Ribka tawe naasomba ana'a, i Ishak niumal᷊iomannu awingnge su Mawu. Wuṛṛu Mawu naddaringikka aal᷊iomanni Ishak, na'oman sara i Ribka piate illoṛṛo.

MALEAKHI 1:3

ewe'e Esau Ta'u mirantinna. Wageangngu lete'a pia bul᷊udde tatahuananni Esau buatte Ta'u nihohakka, wuṛṛu letangnge Ta'u nitantilla su manga winatangnga mal᷊aṛṛaga su wadda'a lol᷊okka.”

MATIUS 6:24

“Tawe saran sangkatou taumata maamanara su ruang katou mawu. Ana waugu i tou sarun lembo marangngu sangkatou wuassu sangkatou apan baine. Ara'e i tou lembo matuṛṛutta su mawune apan sambau wuassu mawune apan baine. Aroddi lai matataṛṛino si yamiu. I yamiu tawe maappammanara manara su Ruata wuṛṛu su darotongnga lai.

1 SAMUEL 1:27

Ete ana'a indi apan ta'u niroronganna su Mawu. Aal᷊iomangku buatte niraringiṛṛan-Ne,

1 SAMUEL 1:20

Wawine udde piate illoṛṛo wuṛṛu nanungkangu sangkatou ana'a esakka. Ana udde nisaggo Samuel, wisarane, “Buatte ta'u niroronganna su Mawu.”

PANDARIADDI 16:1

I Sarai, awingngi Abram, taambe lai naasomba ana'a. Arawe i tou pia sangkatou allangnga wuassu Mesir, sangkatou maṛṛuala aranne i Hagar.

WATTI'U MANGA RASUL 7:8

Napawe suete nabbisara aroddi pa'aire udde pinattohassu Ruata ringannu sunatta. Ne napawe i Ishak, ana'i Abraham niasungkangnga, Abraham nassunatte si tou napawe uukke ual᷊ute allo. Wua'udde i Ishak nassunatta lai al᷊aṛṛanangnge, eteudde i Yakub. Wuṛṛu i Yakub nassunatta lai sire mapul᷊o dua al᷊aṛṛanangnge, eteudde apan naola'a iamangngu al᷊amonan walahannu Yahudi.

PANDARIADDI 29:32

I Lea piate illoṛṛo ana see nanungkangu sangkatou ana'a esakka. Wisarane, “Mawu buatte na'ellega asasusa'u, wuṛṛu orassa indi awingku sarung mandangngu si ya'u.” Ana see ana'a udde nissagote i Ruben.

PANDARIADDI 35:23

Manga ana'i Lea eteudde i Ruben (ana'i Yakub pahulu), i Simeon, i Lewi, i Yehuda, i Isakhar wuṛṛu i Zebulon.

RUT 4:13

Ne i Boas nappuluten Rut maola'a awingnge. Mawu nangal᷊amatta si Rut na'oman sara i tou piate illoṛṛo ana see nanungkangken ana'a esakka.

PANDARIADDI 11:30

Udde i Sarai tinna.