PANDARIADDI 28:5 - WUKE SUSI WATTI'U AL᷊AL᷊USASSA

⁵ Etearoddi i Ishak namallossi Yakub inai watukku Mesopotamia, ringanni Laban, ana'i Betuel taumatan Aram udde. I Laban eteudde iaangngi Ribka inangngi Yakub wuṛṛu i Esau.

PANDARIADDI 28:5 Referans Kwoze

PANDARIADDI 25:20

I Ishak uuke appatu pul᷊o su tonnane su tempo i tou naawingngi Ribka, tuarin Laban, ana'i Betuel, sangkatou taumatan Aram wuassu Mesopotamia.

PANDARIADDI 27:43

Ne ola'e apa apan iwabbisara'u indi. Roote paal᷊ihakka inai ringannu iaangku Laban su Haran,

PANDARIADDI 29:12

Wisarane si Rahel, “I Ya'u ana'i Ribka, tuṛṛangngi yamangngu.” Ana see i Rahel tinumal᷊angke napul᷊e watukku wal᷊ene mabbati'u olangnge udde su iamangnge.

HOSEA 12:12

salaiwe aroddi ta'e piaddu massubba paal᷊uanna su Gilead, wuṛṛu mangongollu sasamba sapi su wowon mezbah su Gilgal. Arawe i mangitou apan massubba paal᷊uanna udde sarun mate, wuṛṛu manga mezbah su Gilgal udde sarun maola'a ombon batu su manga wawail᷊anna.”

PANDARIADDI 22:23

apan sal᷊immurine nariaddi iamangngi Ribka.

PANDARIADDI 24:54

Wua'udde allangngi Abraham wuṛṛu manga taumatane niumante wuṛṛu na'inumma, ana see nanaṛṛabite isudde. Napawe i mangitou napu'ote tiṛṛabine, allangnga udde nabbisara, “Walaawe i ya'u mapul᷊e ringannu mawu'u.”

PANDARIADDI 28:2

Roote watukku Mesopotamia, ringannu amonanni Betuel, iupungngu, wuṛṛu paawingken sangkatou su wallatu ana'u tuṛṛangku Laban.

PANDARIADDI 29:1

I Yakub nanassukku amatanne wuṛṛu inaite watukku wanua su samba'an ra'i Kanaan.

PANDARIADDI 31:24

Ṛabbi Ruata nirumanta ringanni Laban sulal᷊ummu wal᷊iawane, wuṛṛu nabbisara, “Naunge, imbaṛṛanga i'o mamansagi Yakub salaiwe tumba'u ringannu wisara sangkapadi!”

PANDARIADDI 35:27

Ana see i Yakub na'omate ringanni Ishak iamangnge, su tampa atatanaanne su Mamre maranin Hebron. (Dorone i Abraham iupungnge, uataana'a lai poiaroddi).

TAHIUL᷊E 26:5

Wua'udde su saruannu Mawu Ruatanu, i'o ṛinone mabbisara manga wisara indi: ‘Oh Mawu, iupungngu al᷊amona'u sangkatou taumatan Aram apan lullalele. I tou nangapiddu amonanne watukku Mesir natana'a poiaroddi ere tumatal᷊angnga. Su tempo inai poiaroddi reenganni mangitou tumba'u addio'a, arawe i mangitou naola'a walahanna apan bahewalla wuṛṛu matohassa.

YEHEZKIEL 27:16

Manga mabbawal᷊u'a wuassu wanuan Siria namalli manga saranapa wal᷊u'annu wuṛṛu auntungannu manambo atonna. I mangitou mammaekka ringannu permata wuassu watu zamrud, mal᷊aṛṛenessa maṛṛamu ungu, mal᷊aṛṛenessa pia sujine, linen al᷊ussa, permata wuassu watu koral wuṛṛu watu maṛṛamu delima.