PANDARIADDI 27:38 - WUKE SUSI WATTI'U AL᷊AL᷊USASSA

³⁸ I Esau tawe illol᷊one sussal᷊ande iamangnge, “Apa i papa tumba'u uatahuanna sambau al᷊amatta? Al᷊amate lai ya'u, Papa!” Ana see i tou mannatakke lulluai apia.

PANDARIADDI 27:38 Referans Kwoze

IBRANI 12:17

I yamiu masingkata manungku wua'udde i Esau ma'apulu maasomba al᷊amatta udde wuassu iamangnge, arawe i tou nito'e. Ana waugu salaiwe ringannu lal᷊uai tou maddea'a lal᷊anne ipangapia passasal᷊ane, arawe allo ipaddea'a udde nasuete.

PANDARIADDI 27:34

Napawe i Esau naaringikka udde, i tou nilumuai ringannu ma'ikkata wuṛṛu napenen asasusa, ana see wisarane, “Al᷊amate lai ya'u, Papa!”

YESAYA 65:14

Mangke atonna, i mangitou sarun lumala'u al᷊al᷊uassa, arawe i yamiu lumuai ringannu sussangitta.

PANDARIADDI 49:28

Eteudde mapul᷊o dua ṛuangannu Israel, wuṛṛu manga wisara apan niwisaran iamangngi mangitou napawe nangonggolu tabbean patatal᷊ei si mangitou sambau-sambau.

PANDARIADDI 27:36

I Esau nabbisara, “Indi aruane i tou namahia si ya'u. Naṛṛinote aranne i Yakub. I tou buatte nanganu hakka'u ana'a pahul᷊u, wuṛṛu orassa indi i tou nanganu lai al᷊amatta ionggola si ya'u. Apa i papa tawe al᷊amatta waine ionggola si ya'u?”

1 SAMUEL 11:4

Etearoddi manga daroloṛṛanna udde na'omate su Gibea, sutampa atatanaanni Saul. Sutempo i mangitou namasingkattu watti'a udde, tumanange nilumuaite ana waugu sussassilla.