PANDARIADDI 26:3 - WUKE SUSI WATTI'U AL᷊AL᷊USASSA

³ I Ya'u sarun mallu'adda wuṛṛu mangal᷊amatta si'o. Ahewallu wageangngu leta'a indi sarun Ta'u ionggolla si'o wuṛṛu su papapulunnu. I Ya'u sarun manipussu paaire apan buatte Ta'u nionggolla si Abraham iamangngu.

PANDARIADDI 26:3 Referans Kwoze

PANDARIADDI 28:15

Paanaunge, i Ya'u sarun mantul᷊ungnga wuṛṛu mallu'adda si'o, su al᷊awo'u tampa amatannu, wuṛṛu i'o sarun Ta'u iapidda mabelengnga watukku wanua indi. I Ya'u tawe manantangngu maddatingngu sarangkanambone Ta'u niola'a su alawo'u apa apan pina'ire-U si'o.”

DARALO 105:9

Paaire udde niolang-Nge si Abraham, wuṛṛu wua'udde si Ishak;

PANDARIADDI 20:1

I Abraham nangingkatta wuassu Mamre watukku wageangngu timukku leta'u Kanaan, wuṛṛu namanuate su wallatu Kades wuṛṛu Syur. Manga pira tempo wua'udde, su tempo i tou uatana'a su Gerar,

PANDARIADDI 17:8

I Ya'u sarun mangonggolla si'o wuṛṛu su papapulunnu, leta'a indi, apan orassa indi wawanuannu ere sangkatou taumata raho. Ahewallu leta'u Kanaan sarun maola'a pussa'an papapulunnu saran mal᷊annu-l᷊annu wuṛṛu i Ya'u sarun maola'a Ruata mangitou.”

PANDARIADDI 15:18

Su tempo udde lai Mawu na'ola'a pa'aire ringanni Abram. Mawu nabbisara, “I Ya'u maddiandi sarun mangonggolla su papapulunnu ahewallu leta'a indi, manattakka wuassu passarannu wanua Mesir maddatingngu sal᷊ukku Efrat,

PANDARIADDI 13:17

Orassa indi, pal᷊intara'e ahewallu leta'a indi, ana waugu ya'u mangonggollu udde si'o.”

PANDARIADDI 13:15

i ya'u sarun mangonggolla si'o wuṛṛu su papulunnu ahewallu leta'a apan a'ellehannu udde tadea'u maola'a pussaanu saran mal᷊annu-l᷊annu.

PANDARIADDI 12:7

Mawu naipasilon batangan-Ne si Abram wuṛṛu nabbisara si tou, “Ete indi wanua apan Ta'u ionggolla su papapulunnu.” Ana see i Abram napararisikku sambau mezbah hunan Mawu apan buatte naipabilon batangan-Ne si tou.

IBRANI 11:9

Ringannu mangngimanna, i Abraham natana'a ere sangkatou raho su leta'a apan suete pina'iren Ruata si tou udde. I Abraham uatana'a isudde su rasanna. Aroddi lai Ishak wuṛṛu i Yakub, apan nanengkamma paaire apan nassul᷊ungnga wuassu Ruata.

FILIPI 4:9

Ola'e apa apan a'urumanna wuṛṛu asengkamani yamiu wuassi ya'u: mawae wuassu manga wisara ara'e lai wuassu manga inolaangku. Ruata punnu paddarame, sarun mangal᷊amatta si yamiu.

YESAYA 43:5

Imbaṛṛangnga mata'utta, ana waugu i Ya'u ual᷊u'adda si'o. Wuassu waṛṛatta wuṛṛu wuassu ra'i Ta'u irolokka ana'a pulunnu iaparanta ma'ammulla.

YESAYA 43:2

Napawe i'o mamare ua'e, i Ya'u sarun uaṛundinganna si'o, i'o tawe mawontolla sulal᷊ummu manga asasusanu. Napawe umamatta su putungnga, i'o tawe mal᷊oso, manga wawono'a mawakkatta tawe maasilaka si'o.

DARALO 32:8

Wisaran Mawu, “I ya'u sarun mamantingidu lal᷊anna apan amatannu, i'o sarun Ta'u ehetanna wuṛṛu Ta'u tantiroanna.

PANDARIADDI 39:21

Arawe Mawu nantul᷊ungngi Yusuf wuṛṛu sidutu marangngu si tou, na'oman sara tembonannu tutupanna marangngu si tou.

PANDARIADDI 39:2

Mawu nantul᷊ungngi Yusuf na'oman sara i tou sidutu ma'auntunga sulal᷊ummu al᷊awo'u manarane. I tou uatana'a su wal᷊en mawune, taumatan Mesir udde.

PANDARIADDI 26:14

Taumatan Filistin naungnge lal᷊eo si tou ana waugu i tou uatahuanna manambo allangnga, ammul᷊annu domba wuṛṛu sapi.

PANDARIADDI 26:12

I Ishak nangasi'u wualanna wuṛṛu nabbaille su wanua udde, wuṛṛu tonna udde i tou naasomba hessine maṛṛasutta anambone wuassu wualanna apan niasingnge, ana waugu Mawu nangal᷊amata si tou.

IBRANI 6:17

Ruata ma'apulu manualaga su manga taumata apan manengkamma paaire-Ne, manungku i Tou tawe mamal᷊u ṛiin-Ne. Ana waugu udde i Tou nanamba sasalu su pa'aire-Ne udde.

MIKHA 7:20

Su uman-Nu, papapulunni Abraham wuṛṛu Yakub, I'o sarun mapal᷊iatta'u darangngu-Nu wuṛṛu aakkan-Nu apan tawe pattaal᷊anne udde ere buatte nipa're-Nu su al᷊amonan kami tiwatta.

DARALO 39:12

Taumata ana waugu pasasal᷊ane; niṛṛuuman-Nu wuṛṛu pappuul᷊an-Nu naal᷊ihidda wiangnga niṛṛimunsa-Ngu apa apan maarega si tou. Atonna, taumata naal᷊ihidda sasabbangu singangu.

PANDARIADDI 25:11

Napawe i Abraham natete, Ruata nangal᷊amatta si Ishak, ana'i Abraham. Su tempo udde i Ishak uatana'a maranin paṛṛihi apan isassago “I Tou Apan Mallu'adda si ya'u”.

PANDARIADDI 26:24

Su ṛabbi udde Mawu naipasilon batangan-Ne si tou wuṛṛu nabbisara, “Ete i Ya'u Mawu Ruatan iamangngu Abraham. Arie pa'ata'utta; i Ya'u sarun mallu'adda si'o. I Ya'u sarun mangal᷊amatta si'o wuṛṛu mangonggollu papapulunna apan manambo si'o ana waugu pa'aire-U si Abraham allang-Ku.”

PANDARIADDI 28:13

Wuṛṛu Mawu uarisikka su sandiṛṛanne apiddu nabbisara, “Ete i Ya'u Mawu, Ruata apan raddaloanni Abraham wuṛṛu i Ishak. I Ya'u sarun mangonggolla si'o wuṛṛu su papapulunnu leta'a apan lal᷊allowangannu indi.

PANDARIADDI 31:3

Ana see Mawu nabbisara si Yakub, “Pabelengke watukku wanuan iamangngu wuṛṛu ringannu manga tuṛṛangngu. I Ya'u sarun mallu'adda si'o.”

PANDARIADDI 35:12

Wanua apan buatte Ta'u nionggola si Abraham wuṛṛu si Ishak, sarun Ta'u ionggola si'o wuṛṛu su papapulunnu.”

PANDARIADDI 48:21

Ana see i Yakub nabbisarate si Yusuf, “Erete lai aellehannu, papate'u maranite, arawe Ruata sarun mantul᷊ungngi yamiu wuṛṛu mangapiddi yamiu mabelengnga watukku wanuan al᷊amonanu.

PANDARIADDI 50:24

Wisarane su manga tuṛṛangnge, “Papate'u maranite, arawe Ruata sarun sidutu mammadul᷊i si yamiu wuṛṛu mamiaṛṛa'i yamiu sumabangnga wuassu wanua indi, watukku wanua apan buatte pina'ire-Ne ringannu sasalu si Abraham, i Ishak wuṛṛu si Yakub.”

SASABANGNGA 6:4

I Ya'u naaringikke sasal᷊iomannu taumatan Israel apan niallangngu walahannu Mesir, ana see i Ya'u naaringikka pa'aire-U udde.

SASABANGNGA 6:8

Anambon tanata Mawu indi nipasingkatti Musa su walahannu Israel, arawe i mangitou maddiri maddaringikka si Musa, ana waugu pattaṛṛuallanganna apan maṛṛagissa udde naaola'a si mangitou niawul᷊iaten antimma.

TAHIUL᷊E 1:8

I Ya'u, Mawu, buatte naddiandin ahewallu leta'a udde su al᷊amonanu i Abraham, i Ishak wuṛṛu i Yakub see lai papapulunni mangitou. Nariaddi roote pamanua su leta'a udde.’ ”

TAHIUL᷊E 34:4

Ana see Mawu nabbisara si Musa, “Eteudde leta'a apan Ta'u pina'ire si Abraham, si Ishak wuṛṛu si Yakub apan tinantilla su papapulunni mangitou. I Ya'u namasilo si'o, Musa, arawe tawe mamalanu inai poiaroddi.”

1 TAWARIKH 16:16

Pa'aire udde niolang-Nge ringanni Abraham, wua'udde ringanni Ishak,

PANDARIADDI 17:19

Arawe Ruata nabbisara, “Tawe, i Sara awingngu sarun manungkangngu ana'a esakka wuṛṛu aranne sarun isagonu i Ishak. I Ya'u sidutu uaagassa paaire-U su ana'a udde wuṛṛu ringannu papapulunne saran mal᷊annu-l᷊annu. Pa'aire udde tawe pangudusanne.

SASABANGNGA 2:24

Ruata naaringikka si mangitou, wuṛṛu i Tou naanaungnga paaire-Ne si Abraham, si Ishak wuṛṛu si Yakub.

SASABANGNGA 3:12

Ruata sinumimbakka, “I Ya'u sarun mantul᷊ungngu. Wuṛṛu napawe balahannu udde buatte niapiddu sinumabangnga wuassu Mesir, i yamiu sarun mattaṛṛamawu si Ya'u su wowone indi. Eteudde tatialane manungku i Ya'u nandolokku.”

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

REENGANNA 23:19

Ruata tawe ere taumata apan hampa sumassilla wuṛṛu apulune mangngawusu. Amungkangngu Ruata maddiandi i Tou sarun mangatonna! Napawe i Tou mabbisara, udde sarun matipussa!

DARALO 105:8

I Tou sidutu uanaungnga paaire-Ne, paaire-Ne iapaamatta saran mal᷊annu-l᷊annu.