PANDARIADDI 24:1 - WUKE SUSI WATTI'U AL᷊AL᷊USASSA

¹ I Abraham timmadete atonna, wuṛṛu i tou nial᷊amatannu Mawu sulal᷊ummu al᷊awo'u manara.

PANDARIADDI 24:1 Referans Kwoze

GALATIA 3:9

Araham mangngimanna, ne i tou nial᷊amatanna. Aroddi lai anambon taumata apan mangngimanna sarun al᷊amatanna suadio'a ringanni Abraham.

MATIUS 6:33

Nariaddi paddea'e dorone tadea'u Ruata mamarenta sulal᷊ummu wiakku wuṛṛu tuṛṛutte apulu-Ne. Ne al᷊awo'u darotongnga waine lai sarun ionggolu Ruata si yamiu.

AMSAL 10:22

Ana waugu tumba'u al᷊amattu Mawu taumata nabbal᷊i ala; mammanara maṛṛimadda tawe maatamba darotongnga.

PANDARIADDI 13:2

I Abram alate atonna, i tou uatahuanna domba, ambingnga, sapi, see lai sal᷊a'a wuṛṛu wul᷊awanna.

PANDARIADDI 18:11

Su tempo udde i Abraham wuṛṛu i Sara timmadete atonna, wuṛṛu i Sara nattite radda'u wawine.

EFESUS 1:3

Dalo su Ruata, Iamangngu Mawun kite Yesus Kristus! I Tou nangal᷊amatta si ite ringannu al᷊awo'u al᷊amattu Ruata sulal᷊ummu surga, ana waugu i ite uaaukka ringanni Kristus.

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

1 TIMOTIUS 4:8

Mannarammu wadangnga tumba'u addio'a hunane, arawe mannarammu pangangimanna mahuna su al᷊awo'u inolaanna, ana waugu pia paaire su ipabbiakka tempo indi wuṛṛu tempo addantane.

YESAYA 51:2

Naungete iupungngu al᷊amonanu i Abraham wuṛṛu i Sara apan nanungkangngi yamiu; sutempo i Ya'u namaggo si Abraham, i tou tawe ana'a; wua'udde i Ya'u nangal᷊amatta si tou wuṛṛu Ta'u nionggol᷊annu pallaṛṛite apan manambo.

LUKAS 1:7

Itarua tawe ana'a ana waugu i Elisabet tinna wuṛṛu itarua timmaddete.

1 MARARATU 1:1

I Ratu Daud timmaddete atonna. Salaiwe i tou aoosannu nasa maappalla, i tou mangke sidutu aamansungeanna.

PANDARIADDI 49:25

Ruatan iamangngu nantul᷊ungngu; Apan Lembon Taṛṛino nangal᷊amatta si'o ringannu uranna wuassu langitta wuṛṛu ua'e wuassu wantan leta'a. Ringannu ana'a wuṛṛu sapi,

PANDARIADDI 25:20

I Ishak uuke appatu pul᷊o su tonnane su tempo i tou naawingngi Ribka, tuarin Laban, ana'i Betuel, sangkatou taumatan Aram wuassu Mesopotamia.

PANDARIADDI 24:35

Mawu lembon nangal᷊amatta mawu'u udde wuṛṛu na'ola'a si tou ala manasai. Mawu buatte nangonggollu manambo domba, ambinga, sapi, unta, keledai, wuṛṛu lai sal᷊a'a, wul᷊awanna, see allangnga esakka wuṛṛu wawine.

PANDARIADDI 21:5

I Abraham uukke maṛṛasutta su tonnane su tempo i Ishak nisungkangnga.

PANDARIADDI 26:12

I Ishak nangasi'u wualanna wuṛṛu nabbaille su wanua udde, wuṛṛu tonna udde i tou naasomba hessine maṛṛasutta anambone wuassu wualanna apan niasingnge, ana waugu Mawu nangal᷊amata si tou.