PANDARIADDI 22:12 - WUKE SUSI WATTI'U AL᷊AL᷊USASSA

¹² “Imbaṛṛangnga mamate ana'a udde ara'e olaannu ereapa i tou,” unnu Mawu sulal᷊ummu mala'ekata udde. “Orassa indi i Ya'u masingkatta manungku i'o maadatta wuṛṛu matuṛṛutta si Ya'u, ana waugu i'o tawe nanol᷊a'a manantillu anangngu tinggassa udde si Ya'u.”

PANDARIADDI 22:12 Referans Kwoze

YAKOBUS 2:18

Asinungka piaddu mabbisara, “Pia taumata uatundeeta su pangangimanne wuṛṛu pia lai uatundeeta su pallal᷊agune.” I ya'u sarun sumimbaka, “Ta'ea'o sia'u ereapa taumata pia pangangimanna ringannu tawe pallal᷊agu wuṛṛu i ya'u sarun mapaa'al᷊iatta'u pallal᷊agu manungku i ya'u pia pangangimanna.”

1 SAMUEL 15:22

Arawe i Samuel nabbisara, “Suapane apan lembon ipaapulu Mawu, atatuṛṛutta ara'e sasamba? Atatuṛṛutta su Mawu mappianne wuassu mangonggollu sasamba. Mararingikka mappianne wuassu tawan domba.

ROMA 8:32

Anang-Nge sassane tawe niakkan-Ne, ewe'e tinantilli Tou hunane si ite sarangkanambone, ṛatade i Tou tawe mangonggolu al᷊awo'u hausanna waine si ite?

1 KORINTUS 10:13

Al᷊awo'u wawono'a apan niasombanganni yamiu, eteudde wawono'a apan masokkate niapendamannu taumata. Arawe Ruata sidutu uaaggasa paaire-Ne. I tou maddiri mamalanu wono'anna nangillembo wuassu pangangimanni yamiu. Su tempo i yamiu nia'omannu wawono'a, i Tou sarun mamantingiddu lal᷊anna si yamiu tadea'u maola'a matohassa wuṛṛu i yamiu wotongnge maataṛṛangnga.

MATIUS 19:29

Wuṛṛu manga taumata apan suete nanantangngu wal᷊ene, ara'e tuṛṛangnge esakka ara'e wawine, ara'e inangnga iamangnga, ara'e manga al᷊aṛṛanangnge ara'e wawail᷊anne ana waugu i Ya'u, taumata udde sarun manengkamma apia paaṛṛasutta su wageangnge. Wuṛṛu i tou sarun manengkamma lai wiakka tutune ma'oman sara mal᷊annu-l᷊annu.

MANNANASE 12:13

Napewe sarangkanambone buatte ta'u niṛṛingidda, eteindi aunne apan ta'u niasombanganna. Ata'utten Duata wuṛṛu tuṛṛutte al᷊awo'u parenta-Ne. ana waugu tumba'u udde taumata niriaddi-Ne.

PANDARIADDI 26:5

I Ya'u sarun mangal᷊amatta si yamiu, ana waugu i Abraham buatte naddaringikka si Ya'u wuṛṛu uapadul᷊i al᷊awo'u tita wuṛṛu parenta-U.”

PANDARIADDI 22:2

Unnu Ruata, “Roote watukku leta'u Moria su sambau ringanni Ishak, anangngu tinggassa udde, apan lembon arangnguannu. Isudde, su sambau wowone apan Ta'u ita'e si'o, onggol᷊a'e si ya'u anangu maola'a sambau sasamba itattambunna.”

YOHANES 3:16

Ana waugu Ruata aroddi arangngune su taumatan runia indi, na'oman sara i Tou nanantillu Anang-Nge tinggassa, tadea'u suapan taumata apan mangngimanna si Tou tawe mate, ewe'e maasomba wiakka tutune wuṛṛu saran mal᷊annu-l᷊annu.

DARALO 147:11

Mawu mal᷊uassa su taumata apan ma'imanna, su taumata apan sidutu mangngantimma darangngu-Ne.

DARALO 25:12

Taumata mangngaṛṛa'a taumata mangngimanna lal᷊anna apan ṛinone amatanni mangitou.

ROMA 5:8

Arawe Ruata napaal᷊iatta'u darangngu-Ne si ite su tempo Mawu Yesus nate ana waugu i ite, su tempo i ite ta'e sulal᷊ummu rosa.

2 KORINTUS 8:12

Amungkangngu i yamiu maapulu mangonggola, ne Ruata sarun manengkamma aonggolu udde pinangiananne wuassu apa apan pia si yamiu, wal᷊ine pinangiananne wuassu apa apan tawe si yamiu.

WATTI'U MANGA RASUL 9:31

Ne jamaatta su ahewallu Yudea, Galilea, wuṛṛu Samaria nadamete. Ringannu pammamanaran Ghaṛṛahon Ruata, wuṛṛu matta'uttu Mawu, manga jamaatta udde lembo natohassa wuṛṛu a'atambanna anambone.

AMSAL 1:7

Tadea'u maasomba asingkatta tutune, paarorone ṛinone taumata uatahuanna aaddatta wuṛṛu matta'uttu Mawu. Taumata longonna tawe mangaregan apande wuṛṛu maddiri aṛṛaanna.

DARALO 25:14

Mawu uddewe hawen taumata apan mangngimanna, I Tou namasingkattu panduman-Ne si mangitou.

SASABANGNGA 20:20

I Musa sinumimbakka, “Arie pa'ata'utta. Ruata dirumanta tumba'u manal᷊u'atta si yamiu tadea'u i yamiu sidutu matuṛṛutta, wuṛṛu tawe ma'ola'a rosa.”

MATIUS 16:24

Wua'udde Mawu Yesus nabbisara su mallal᷊aṛṛenggen-Ne, “Taumata apan mallal᷊aṛṛenggenna si Ya'u, ṛinone tawe mannaungnga manarane, mamasanna arussane, wuṛṛu sidutu uatantalongnga si Ya'u.

YEREMIA 19:5

I mangitou napararisikku mezbah si Baal tadea'u pangonggol᷊annu manga ana'i mangitou maola'a sasamba itattambunna, sumbal᷊i Ya'u tawe saran paassa nandolokki mangitou ma'ola'a inolaanna udde, ewe'e lai tawe saran paassa olangnge ereudde lumapputta sulal᷊ummu ṛingirang-Ku.

AYUB 28:28

Ruata nabbisara su taumata, “Tadea'u maasomba asingkatta, ṛinone i yamiu mangaddatta Ruata. Tadea'u wotongnge maasunna, i yamiu ṛinone mangindaun al᷊al᷊eo.”

NEHEMIA 5:15

Manga gubernure dorone wuassia'u, buatte naola'a winabbawan tumanangnge na'oman sara i mangitou maddorongnga 40 roitta sal᷊a'a massallo hunan anna wuṛṛu anggore. Ewe'e lai manga mamanaran mangitou mangngallangnga tumanangnge. Arawe i ya'u maddiri ma'ola'a aroddi ana waugu i ya'u matta'uttu Ruata.

PANDARIADDI 20:11

I Abraham sinumimbakka, “I ya'u naṛṛingidda, isindi tawe taumata matta'uttu Mawu Ruata, na'oman sara i ya'u pateannu taumata apan maapulun awingku.

IBRANI 12:28

Ana waugu udde, ṛinone i ite ma'adiangkamanna su Ruata, ana waugu i ite nanengkamma wuassi Tou sambau araratuanna apan tawe umio'a. Ṛinone i ite ma'adiangkamanna wuṛṛu mattaṛṛamawu Ruata ringannu addata wuṛṛu atata'utta, tumuṛṛuttu pallal᷊agu apan ipa'apulu-Ne sassane.

MATIUS 5:16

Aroddi lai asasemakku ṛinone lai lumansiangnga su saruannu taumata, tadea'u i mangitou maasilo al᷊awo'u pallal᷊agunu apan mapia, wua'udde padalote Ruata su surga.”

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

YEREMIA 32:40

I Ya'u sarun ma'ola'a paaire apan tawe pattaal᷊anne ringanni mangitou. I Ya'u tawe mangillol᷊o ma'ola'a apapia si mangitou. I Ya'u sarun ma'ola'a si mangitou matta'utta wuṛṛu maaddatta si Ya'u ringannu ahewallu naungnga tadea'u i mangitou tawe mangindau-U.

DARALO 111:10

Isai-sai apan maapulu maola'a pande ṛinone mangaddata Mawu. I Tou mangonggolu asingkatta su anambon taumata apan matuṛṛutta. Daralo su Mawu su al᷊o'engngu tempo!

DARALO 2:11

Pattaṛṛamawute Mawu ringannu maadunna,

DARALO 1:6

Ana waugu taumata matuṛṛutta aehetanna wuṛṛu lal᷊u'arannu Mawu, arawe taumata lal᷊eo mattuddan papate.

AYUB 5:19

Amungkangngu asasilaka rumantate, sidutu i'o maasomba asasal᷊amatta.

IBRANI 11:19

Abraham nangimanna manungku Ruata wotongnge mapaawiakki Ishak apia wuassu papate – nariaddi, wotongnge iwisara, manungku Abraham suete nanengkamma si Ishak apia wuassu papate.

PANDARIADDI 42:18

Su allo atallune i Yusuf nabbisara si mangitou, “I ya'u taumata apan matta'utta wuṛṛu matuṛṛutta Ruata. I yamiu sarun ta'u ipallossa ringannu sambau pa'aire.

SONDAPPA 19:5

See niaringiṛṛana wuassu adderan araratuanna udde tingikku wisara apan mabbisara, “Paddalote Ruata, ei manga allangngu Ruata, wuṛṛu anambon taumata – timmade dario'a – apan massubba Ruata!”

PANDARIADDI 22:13

Ana see i Abraham na'ellega uapal᷊iwutta si tou wuṛṛu naasilo sambau domba esakka apan tatandunge naaitta su aputta. I Abraham nanganu domba udde ana see niola'a sasamba su Mawu pinanal᷊i anangnge.

PANDARIADDI 22:16

“Mawu nabbisara: i Ya'u massalu ringannu arang-Ku sassane, ana waugu i'o buatte na'ola'a inolaanna indi wuṛṛu tawe nanol᷊a'a manantillu anangngu tinggassa udde si Ya'u,

AYUB 1:1

Su leta'u Us uatana'e sangkatou esakka aranne i Ayub. I tou massubba Ruata wuṛṛu satia si Tou. I tou taumata apan pallal᷊aghune mapia wuṛṛu tawe ma'ola'a al᷊al᷊eo sarangkadio'a.