PANDARIADDI 21:31 - WUKE SUSI WATTI'U AL᷊AL᷊USASSA

³¹ Ete aroddi tampa udde nisagote Bersyeba, ana waugu ete su tampa udde itarua nassalu.

PANDARIADDI 21:31 Referans Kwoze

PANDARIADDI 26:33

Ana see paṛṛihi udde nissagon Ishak “Sasalu”. Uddewe al᷊amonane soa udde na'oman sara nissago Bersyeba.

PANDARIADDI 21:14

Tiṛṛabbine marua allo atanna, i Abraham nangonggolu anna wuṛṛu pato'an kua'e si Hagar maola'a wal᷊unna su amatanna. I tou nangaddon ana'a udde su liuddi i Hagar, wuṛṛu nandolokku wawine udde inai. Ana see inaite i Hagar wuṛṛu namal᷊intadden wadda'u Bersyeba.

2 SAMUEL 17:11

Ana waugu udde tatantiro'u arendi: Ammul᷊a'e anambon taumatan Israel su ahewallu wanua, na'oman sara anambone naal᷊ihidda anne su apannu tahal᷊oangnga. Ana see i Tuangnga sassane apan mamiaṛṛa'i mangitou inai mapapangalo.

MAL᷊AṚṚUUNGNGA 20:1

Ne nirumantate walahannu Israel sarangkanambone wuassu Dan su samba'an sawannakka naddatingngu Bersyeba su timukka, wuṛṛu Gilead su ra'i, su ipangitu'a wawago udde. I mangitou na'ammula wuṛṛu naaukka su Mizpa su saruannu Mawu.

PANDARIADDI 26:23

Wua'udde i Ishak niumamatte wuṛṛu na'omate su Bersyeba.

PANDARIADDI 21:32

Napawe itarua buatte nakkiinnu paaire su Bersyeba, i Abimelekh wuṛṛu i Pikhol nabelengke su wanuan taumatan Filistin.

PANDARIADDI 26:31

Tiṛṛabine marua allo maṛṛanggapa, sangkatou-sangkatou masi pa'irete apan nitohassu sasalu. Ana see i Ishak nabbisaraten sal᷊amatte umamatta si mangitou wuṛṛu nattal᷊eite i mangitou sanggaweanna.

PANDARIADDI 46:1

I Yakub nandiahite al᷊awo'u pussaane ana see inaite. Na'oma su Bersyeba i tou nangonggolu sasamba su Ruata apan sassubanni Ishak iamangnge.

1 MARARATU 19:3

I Elia nata'utta, ana see tinumal᷊angnga tadea'u tawe pateanna. I tou inaite ringannu mangangimbene watukku Bersyeba su Yehuda. Poiaroddi i tou nanantangngu mangangimbene udde,

AMOS 5:5

Imbaṛṛangnga inai watukku Bersyeba mattaṛṛamawu. Arie maddea'a si Ya'u su Betel, ana waugu Betel sarun mawuli. Arie lai inai watukku Gilgal, ana waugu taumana'u soa udde sarun ṛuwoanna watukku pamamuanganna.”

2 SAMUEL 24:7

Wua' isudde i mangitou inaite watukku timukka su Tirus soa apan pia tanda'a watune udde. Ana see i mangitou inaite watukku anambon soan taumatan Hewi wuṛṛu taumatan Kanaan, wuṛṛu panginsueanne su Bersyeba, su samba'an timukku wageangngu Yehuda.