PANDARIADDI 21:2 - WUKE SUSI WATTI'U AL᷊AL᷊USASSA

² Su tempo apan buatte tinantunnu Ruata, napawe i Abraham timmadete, i Sara piate illoṛṛo ana see mangunsiwen sangkatou ana'a esakka.

PANDARIADDI 21:2 Referans Kwoze

IBRANI 11:11

Ana waugu mangngimanna, ne Abraham wotongnge naasomba walahanna wuassi Sara, salaiwe i Abraham tumaniten timmade, wuṛṛu Sara lai sassane tinna. I Abraham mangngimanna manungku Ruata sarun mapaatipussu pa'aire-Ne.

GALATIA 4:22

Isudde uawoṛṛetta manungku Abraham pia duan katou ana'a: Inangngu ana'a sangkatou udde sangkatou allangnga, wuṛṛu inangngu ana'a waine udde sangkatou wal᷊ine allangnga.

WATTI'U MANGA RASUL 7:8

Napawe suete nabbisara aroddi pa'aire udde pinattohassu Ruata ringannu sunatta. Ne napawe i Ishak, ana'i Abraham niasungkangnga, Abraham nassunatte si tou napawe uukke ual᷊ute allo. Wua'udde i Ishak nassunatta lai al᷊aṛṛanangnge, eteudde i Yakub. Wuṛṛu i Yakub nassunatta lai sire mapul᷊o dua al᷊aṛṛanangnge, eteudde apan naola'a iamangngu al᷊amonan walahannu Yahudi.

LUKAS 1:36

Naunge; i Elisabet, tuṛṛangngu udde piate illoṛṛo annummu wul᷊anna, al᷊annune salaiwe i tou timmaddete wuṛṛu taumata mabal᷊o manungku i tou tinna.

PANDARIADDI 18:14

Apa piadu sambau apan maatiangnga su Mawu? Ere buatte niwisara'u tanginna, sio wul᷊anna lai ya'u sarun mabelengnga isindi. Wuṛṛu su tempo udde i Sara sarun manungkangngu ana'a esakka.”

PANDARIADDI 18:10

Sangkatou su wallati mangitou nabbisara, “Ete sio wul᷊anna lai ya'u sarun mabelengnga isindi. Wuṛṛu su tempo udde i Sara awingngu sarun maasomba ana'a esakka.” Su tempo udde i Sara tantal᷊anna uararingikka su ngaran rasanna, su liuddu raho udde.

PANDARIADDI 17:19

Arawe Ruata nabbisara, “Tawe, i Sara awingngu sarun manungkangngu ana'a esakka wuṛṛu aranne sarun isagonu i Ishak. I Ya'u sidutu uaagassa paaire-U su ana'a udde wuṛṛu ringannu papapulunne saran mal᷊annu-l᷊annu. Pa'aire udde tawe pangudusanne.

PANDARIADDI 17:21

Arawe pa'aire-U ia'ukka ringanni Ishak, anangngu apan sarun isungkangngi Sara, tonna su hati iraṛṛangngo tempone ere indi.”

ROMA 9:9

Ana waugu paairen Duata ereindi, “Su tempo apan buatte tinantunna, i Ya'u sarun mabelengnga, wuṛṛu Sara sarun maasomba sangkatou ana'a esakka.”

YOSUA 24:3

Ana see i Ya'u mangal᷊appa si Abraham, iamangngu al᷊amonanu udde, wuassu wanua su samba'an Efrat udde, wuṛṛu nandolokki tou namal᷊intaddu ahewallu wanua Kanaan. I Ya'u nangonggolu manambo papapulunna si tou. Paarorone i Ishak Ta'u nionggola si tou,