PANDARIADDI 2:7 - WUKE SUSI WATTI'U AL᷊AL᷊USASSA

⁷ Wua'udde Ruata nanganu leta'a sangkompenga, niola'a nabbal᷊i sangkatou taumata, ana see napaasabangu singangu apan mangngonggollu wiakka sulal᷊ummu loṛṛangu ngirunne; ne nabbiakke taumata udde.

PANDARIADDI 2:7 Referans Kwoze

1 KORINTUS 15:45

Sulal᷊ummu Wuke Susi uawoṛṛetta arendi, “Taumata paarorone eteudde Adam, naola'a riadianna apan wiakka,” arawe Adam panginsueanne eteudde Ghaṛṛaho apan mangngonggolu wiakka.

AYUB 33:4

Ghaṛṛahon Duata buatte nandiaddi si ya'u wuṛṛu nangonggollu wiakka si ya'u.

MANNANASE 12:7

Waddangngi ite sarun mawelengnga apia, mabbal᷊i awu su runia. Sasangngon pabbiaṛṛanni ite sarun mabbelengnga ringannu Ruata. Ete i Tou apan nangonggolla naola'a al᷊amatta.

YESAYA 64:8

Arawe I'o, oh Mawu, uddewe Iamangngi yami, i yami leta'a madde'etta, wuṛṛu I'o na'ola'a saṛṛene; i yami sarangkanambone uddewe lanna'u lima-Nu.

WATTI'U MANGA RASUL 17:25

I Tou lai tawe madorongnga tul᷊unganna su taumata, ana waugu ete i Tou apan mangngonggolu wiakka wuṛṛu sasangngo wuṛṛu manga al᷊awo'a su taumata.

1 KORINTUS 15:47

Adam paarorone niola'a wuassu leta'a, arawe Adam aruane nirumanta wuassu surga.

PANDARIADDI 3:19

I'o sarun mammanara ringannu masaha-sahadda wuṛṛu ringannu liaha i'o mammanara leta'a indi tadea'u pia gessine, maddatingngu i'o mabbelengnga su leta'a, ana waugu ete wuassu leta'a i'o niola'a. I'o niola'a wuassu leta'a, wuṛṛu sarun mabelengnga apia su leta'a.”

AYUB 27:3

i ya'u nassal᷊u: Tantal᷊anna Ruata ta'e mangngonggollu sasangngo si ya'u, tantal᷊anna niawa ta'e sulal᷊ummu waddangku,

ZAKARIA 12:1

Eteindi tanatan Mawu su ola'u Israel. Mawu apan namataddu langitta, nandiaddi runia nangonggollu wiakka su taumata nabbisara,

DARALO 103:14

Ana waugu Mawu masingkatta i ite niola'a wuassuapa, i Tou maanaungnga i ite indi tumba'u awu.

DARALO 100:3

Paanaungete manungku Mawu uddewe Ruata. I Tou nandiaddi si ite wuṛṛu i ite tatahuanan-Ne; i ite al᷊aṛanang-Nge, walahanna apan papadul᷊ianan-Ne.

ROMA 9:20

Arawe, tuṛṛangnga! Tuṛṛangnga tumba'u sangkatou taumata. Wuṛṛu tuṛṛangnga tawe waṛṛani sumimbakka Ruata! Wotongngewe tampan bunga maiwal᷊o, isai taumata na'ola'a si tou, “Anio i'o na'ola'a si ya'u arendi?”

YESAYA 2:22

Nariaddi, ariete pangantimma su taumata apan mattate, ana waugu i tou tawe aregane.

PANDARIADDI 3:23

Ne Ruata nallimbuakka taumata wuassu waillu Eden wuṛṛu nirolokka itarua mattinsahadda su leta'a apan naola'a inasapputanni mangitou.

IBRANI 12:9

I ite pia iamangnga su runia. I Tou mangngaṛṛa'a si ite, wuṛṛu i ite mangngaddatta si tou. Ne, nangillembo su saruannu Iamangngi ite su surga, natantuna i ite lembon matuṛṛuta si Tou tadea'u i ite wiakka.

REENGANNA 16:22

Arawe i Musa wuṛṛu i Harun niumal᷊intudda nassubba wuṛṛu nabbisara, “Oh Ruata, tumba'u I'o apan mangngonggolu sasangngo su al᷊awo'a apan biakka. Amungkangngu tumba'u sangkatou apan narosa, apa I'o masa'u lai su anambon ṛuanganna?”

AMSAL 20:27

Lal᷊ummu naungngu taumata udde asasemakka wuassu Mawu apan mannemakka ahewallu naungnga.

AYUB 33:6

Su Ruata, i'o wuṛṛu i ya'u tawe paṛṛalane wuassu leta'a abbi iaddua niolang-Nge.

2 KORINTUS 5:1

Ana waugu i yami masingkata manungku amungkangngu wal᷊e – eteudde wadangnga – apan atatanaanni ite su runia indi ihohakka, Ruata sarun manaddia wal᷊en kite su surga, apan niola'u Ruata sassane wuṛṛu tawe mahohakka sarangkal᷊o'engnge.

2 KORINTUS 4:7

Arawe darotongngu surga apan maṛṛamaga udde iaapiddi yami su wadangngi yami apan tawe aregane indi apan niola'a wuassu leta'a. Ringannu aroddi nilumiatta'e manungku awawantugu taṛṛino udde su Ruata wal᷊ine si yami.

YOHANES 20:22

See i Tou napaasabangngu singangu-Ne si mangitou wuṛṛu nabbisara, “Sengkampe Ghaṛṛahon Ruata.

AYUB 4:19

Nangillembote lai riadianna sussangngo wuassu leta'a riadianna awu apan wotongnge passu'anna itaddilla ere wa'u'a!

REENGANNA 27:16

“Oh, Ruata, apan mangngonggolu wiakka su anambon apan biakka, i ya'u sumal᷊ande, ta'ea'e sangkatou apan botongnge mamiaṛṛa'u walahanna indi;

MANNANASE 3:7

tempo manggesa'a wuṛṛu tempo manabbi'a, tempo mal᷊annabba wuṛṛu tempo mabbisara.

1 TIMOTIUS 2:13

Ana waugu paarorone nariaddi eteudde Adam wua'udde Hawa.

PANDARIADDI 2:6

Arawe ua'e u'al᷊iwombonga wuassu wantan leta'a wuṛṛu wowon dunia masabbute.

LAL᷊ALLU 4:20

I mangitou nanametta ratu nipilen Mawu, taumata apan iaasakki yami apan mangngonggollu wiakka wuṛṛu mallal᷊indumma wuassu seetta.

YEHEZKIEL 37:5

“I Ya'u Mawu Apan Atanggaṛṛanne maniuppu singangu sulal᷊ummu waddangnge tadea'u i mangitou mabbiakka apia.

PANDARIADDI 1:27

Ete aroddi Ruata nandiadi taumata, wuṛṛu niolang-Nge i mangitou naal᷊ihidda watangan-Ne sassane. Mawu nandiaddi si tarua esakka wuṛṛu wawine.

YEHEZKIEL 37:6

Ta'u iaddo lantikka wuṛṛu ṛemessa si'o wuṛṛu i yamiu Ta'u wa'isannu pisi. I yamiu Ta'u onggol᷊annu singangu ma'oman sara mabbiakka. Ne i yamiu masingkatte manungku ete i Ya'u Mawu.”