PANDARIADDI 19:31 - WUKE SUSI WATTI'U AL᷊AL᷊USASSA

³¹ Ana'a wawine pahul᷊une nabbisara tuarine, “I Papa timmadete, wuṛṛu su ahewallu wanua soa indi tate esakka apan botongnge mattatamban kaddua tadea'u yadua maasomba ana'a.

PANDARIADDI 19:31 Referans Kwoze

TAHIUL᷊E 25:5

“Amungkangngu manga taumata sangkatuṛṛanganna uatana'a su sambau, ana see sangkatou suwallati mangitou nate wuṛṛu tawe ana'a esakka, ne inawal᷊uanne udde tawe wotongnge ma'awingngu taumata waine su liuddu tuṛṛangngu awingnge. Tuṛṛangngu taumata nate udde ṛinone ma'awingngu wawine udde.

YESAYA 4:1

Sutempo udde siri pitu wawine sarun mangaggassa sangkatou esakka wuṛṛu mabbisara, “Wala'awe i yami manga'u si'o sangkatou awingnga, tadea'u i yami tawe mamasanna asasili ana waugu tawe na'awingnga. Anna wuṛṛu laubba udde singkatten kami sassane.”

PANDARIADDI 16:4

I Abram natiille ringanni Hagar, ana see wawine udde piate illoṛṛo. Arawe napawe i Hagar naasingkatta manungku i tou piate illoṛṛo, i tou nabbal᷊i mawunga wuṛṛu mangngadio'a si Sarai.

PANDARIADDI 16:2

“Mawu tawe mamala'u manungkangngu ana'a. Ana waugu udde, mappianne yo matiilla ringannu allangku indi. Asinungka i tou wotongnge malippassu ana'u.” I Abram niumiren darorongngi Sarai.

PANDARIADDI 6:4

Su tempo udde, wuṛṛu lai nal᷊iudda wua'udde pia taumata wawalla su runia. I mangitou papapulunnu manga maṛṛualan taumata apan naawingngu al᷊aṛṛana'u Ruata. Manga taumata wawalla eteudde manga baṛṛanin seetta wahewalla wuṛṛu manga taumata tinumelengnga su tempon al᷊amona.

PANDARIADDI 4:1

Wua'udde i Adam natatambaten i Hawa, awingnge, ne wawine udde piate illoṛṛo. I tou nanungkangken sangkatou ana'a wuṛṛu nabbisara. “Ringannu aakannu Mawu i ya'u naasombate sangkatou ana'a esakka.” Ne ana'a udde nissagote i Kain.

PANDARIADDI 19:28

I tou na'ellega watukku Sodom wuṛṛu Gomora wuṛṛu su ahewallu wawal᷊anne, wuṛṛu naasilo timbulla sussal᷊oi wuassu leta'a udde, naal᷊ihidda ere timbulla wuassu sunggillu wawalla.

MARKUS 9:6

I Petrus wagga apa apan ṛinone iwisarane, ana waugu i tou wuṛṛu ringanne darua tantal᷊anna matta'utta atonna.