PANDARIADDI 19:29 - WUKE SUSI WATTI'U AL᷊AL᷊USASSA

²⁹ Etearoddi, napawe Mawu Ruata nanoṛṛoba manga soa udde su wawal᷊anna tatanaanni Lot, Mawu Ruata naanaungnga si Abraham wuṛṛu nantul᷊ungngi Lot tinumal᷊angngu watanganne.

PANDARIADDI 19:29 Referans Kwoze

PANDARIADDI 8:1

Ruata tawe maabul᷊in Nuh wuṛṛu al᷊awo'u winatangnga su sampunna ringanni tou sulal᷊ummu apalla udde. Ruata napatiuppu anginna, na'oman sara ua'e udde mannatakke u'eṛṛotta.

DARALO 25:7

Ampungewe rosa wuṛṛu pasasal᷊a'u sutempo i ya'u ta'e dario'a, naungewe ringannu darangngu wuṛṛu apapia-Nu.

2 PETRUS 2:7

Arawe Lot nipaasal᷊amatta, ana waugu i tou tinumuṛṛuta apulun Duata; i tou lembon natataṛṛanga ana waugu pallal᷊agu tawe matataṛṛino wuassu manga taumata lal᷊eo.

HOSEA 11:8

Mawu nabbisara, “Ei Israel, tawe mariaddi i'o Ta'u iwala ara'e Ta'u itantangnga. Wotongngewe i'o Ta'u ṛimunsaanna ere Adma? Ara'e Ta'u olaanna ere Zeboim? Tawe maola'a naung-Ku mapaammattu olangnge udde, ana waugu darangngu-U tumaniten bahewalla si yamiu!

DARALO 145:20

I Tou mallu'adda suapan taumata apan marangngu si Tou, arawe taumata lal᷊eo nipate-Ne.

DARALO 136:23

I Tou tawe maabul᷊in kite sutempo i ite niawaddo; darangngu-Ne tawe panguddusanne.

DARALO 106:4

Naungewe i ya'u, oh Mawu, ana waugu apapia-Nu su al᷊aṛang-Ngu, ontol᷊ewe i ya'u lai napawe I'o manal᷊amatta si mangitou.

DARALO 105:42

Ana waugu Mawu uananungnga paaire-Ne si Abraham, allang-Nge.

NEHEMIA 13:22

Wua'udde manga taumatan Lewi ta'u nirolokka mapaamattu lal᷊aghun pamamaresi watanganne wuṛṛu mandiagga manga ngara wahewalla ipallu'adda tadea'u manga taumata mangaddatta allon Sabat. I ya'u niumal᷊iomanna, “Oh Ruata, naungewe i ya'u ana waugu olangnge udde lai, wuṛṛu akkanaawe i ya'u uasul᷊ungngu ringannu darangngu-Nu apan wahewalla.”

NEHEMIA 13:14

Oh Ruata'u, naungete al᷊awo'a apan buatte ta'u niola'a hunan Wal᷊en-Nu wuṛṛu pangangangimbene.

PANDARIADDI 30:22

Ana see Ruata nanaungke si Rahel; Ruata naddaringikka aal᷊iomanne wuṛṛu namalan tou manungkangngu ana'a.

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

DARALO 105:8

I Tou sidutu uanaungnga paaire-Ne, paaire-Ne iapaamatta saran mal᷊annu-l᷊annu.

PANDARIADDI 11:27

Ete indi papapulunni Terah: i Terah iamangngi Abram, i Nahor wuṛṛu i Haran. I Haran pia sangkatou ana'a esakka aranne i Lot.

TAHIUL᷊E 7:8

Arawe Mawu namile si yamiu ana waugu i Tou marangngu si yamiu wuṛṛu mapulu manipussa pa'aire apan niola'i Tou ringannu iupungngu al᷊amonanu. Ana waugu udde i Tou buatte nanal᷊amatta si yamiu ringannu taṛṛino apan wahewalla wuṛṛu namallossi yamiu wuassu pattataṛṛuallanganna si ratun Mesir.

TAHIUL᷊E 9:27

Naungetewe manga allang-Ngu Abraham, i Ishak wuṛṛu i Yakub, wuṛṛu ariete pabbala'a su aattiku puane, al᷊al᷊eo wuṛṛu rosan balahanna indi.

YEHEZKIEL 14:16

Salaiwe i Nuh, i Danel wuṛṛu i Ayub uatana'a isudde, ana waugu i Ya'u, Ruata apan biakka, Mawu Apan Atanggaṛṛanne, i mangitou tawe maapanal᷊amatta sisai-sai, ewe'e lai ana'i mangitou sassane tawe. Tumba'u i mangitou sassane apan masal᷊amatta, ewe'e wanua udde sarun maola'a wadda'u anne.

AYUB 35:8

Tumba'u sansul᷊ungngu apan niarugiannu manga rosanu. I tou lai apan mauntungnga ana waugu apapianu.