PANDARIADDI 18:15 - WUKE SUSI WATTI'U AL᷊AL᷊USASSA

¹⁵ Ana waugu udde i Sara nata'utta, i tou nassinaadda, unni tou, “I ya'u tawe nilumage.” Arawe Mawu sinumimbakka, “I'o nilumage atonna tanginna.”

PANDARIADDI 18:15 Referans Kwoze

1 YOHANES 1:8

Amungkangu i ite mabbisara manungku i ite tawe paddarosa, i ite nangawusu watanganni ite sassane; wuṛṛu Ruata tawe sulal᷊ummu naungngi ite.

AMSAL 28:13

Isai apan mammunin dosane tawe mauntungnga. Isai manga'u wuṛṛu manantangngu rosa, sarun dangnguannu Mawu.

EFESUS 4:23

Ṛinone ahewallu naungngu wuṛṛu ṛingiṛṛannu limbakkuanna.

DARALO 44:21

Unnu wisara i yami tate lai massubba Ruata, ewe'e u'al᷊iomante su mawu waine,

ROMA 3:19

Orassa indi i ite masingkata manungku sarangkanambone apan uawoṛṛetta sulal᷊ummu titan agama Yahudi, udde hunane su manga taumata apan paparentannu tita udde. Ringannu aroddi tawe saran sangkatou wotongnge maasimbakka wuṛṛu ahewallu runia indi wotongnge iapaasal᷊an Duata.

YOHANES 18:17

Mangangimbe wawine apan uariaga ngara udde nabbisara si Petrus, “Ei, wal᷊inewe i'o lai sangkatou wuassu wallattu mallal᷊aṛṛenggennu taumata udde?” “Wal᷊ine,” sasimbakki Petrus.

YOHANES 2:25

Taumata salaiwe tate manal᷊a'a si Tou su ola'u isai-sai, ana waugu i Tou sassane masingkatta apa apan uataṛṛo su naungngu taumata.

MARKUS 2:8

Su tempo udde lai Mawu Yesus naasingkatta ṛingiṛṛanni mangitou. See i Tou nabbisara, “Anio i yamiu ma'iwalo sulal᷊ummu naungngu?

AMSAL 12:19

Awusu sarun asingkatanna ringannu sangkaṛṛondappa, arawe manga wisara atonna sidutu uatatana'a su al᷊o'engngu allo.

AYUB 2:10

Sasimbakki Ayub, “I'o mabbisara naal᷊ihidda taumata longonna! Ṛatadde i ite tumba'u mappulu manengkamma apa apan apianne wuassu Ruata, wuṛṛu al᷊eoanne i ite maddiri?” Nariaddi, salaiwe i Ayub uapasanna anambon asasilaka udde, i tou tawe mapasabbangngu wisara apan lullawangnga Ruata.

PANDARIADDI 12:13

Nariaddi mappianne i'o pabbisarate manungku i'o tuari'u tadea'u i ya'u iwala mangitou wiakka wuṛṛu olaanna mapia ana waugu i'o.”

PANDARIADDI 4:9

Mawu naiwal᷊o si Kain, “Suapa i Habel, tuarinu?” Kain sinumimbakka, “I Ya'u wagga. Apa ṛinone i ya'u ual᷊u'adda tuari'u?”

KOLOSE 3:9

Arie pangawusu sangkatou ringannu waine, ana waugu wiakka tabbe ringannu al᷊awo'u pallal᷊agune suete nirammen kamiu.

PANDARIADDI 18:14

Apa piadu sambau apan maatiangnga su Mawu? Ere buatte niwisara'u tanginna, sio wul᷊anna lai ya'u sarun mabelengnga isindi. Wuṛṛu su tempo udde i Sara sarun manungkangngu ana'a esakka.”

PANDARIADDI 18:16

Wua'udde niumamatte siri tallu raho udde niuntuddi Abraham. Ana see i mangitou na'omate su sambau tampa apan wua' issude i mangitou wotongnge maasilo Sodom.

DARALO 44:22

Ruata sarun maasingkata, ana waugu i Tou maatutukka addapingu naungngi yami.