PANDARIADDI 18:14 - WUKE SUSI WATTI'U AL᷊AL᷊USASSA

¹⁴ Apa piadu sambau apan maatiangnga su Mawu? Ere buatte niwisara'u tanginna, sio wul᷊anna lai ya'u sarun mabelengnga isindi. Wuṛṛu su tempo udde i Sara sarun manungkangngu ana'a esakka.”

PANDARIADDI 18:14 Referans Kwoze

LUKAS 1:37

Ana waugu su Ruata tawedu sambau apan tawe maola'a.”

MATIUS 19:26

Mawu Yesus nanutudda si mangitou see nabbisara, “Su taumata, olangnge udde tawe mariaddi! Arawe su Ruata sarangkanambone wotongnge mariaddi.”

MARKUS 10:27

Mawu Yesus nanutuda si mangitou wuṛṛu sinumimbakka, “Su taumata udde tawe maola'a arawe su Ruata udde mangke maola'a; sarangkanambone wotongnge maola'a su Ruata.”

YEREMIA 32:27

“Tumba'u i Ya'u Mawu, Ruatan anambon taumata. Taweddu masahadda si Ya'u.

EFESUS 3:20

Ringannu taṛṛinon Duata apan maṛṛimadda mammanara sulal᷊ummu naungngi ite, Ruata wotongnge ma'ola'a mannamboanne wuassu apa apan wotongnge doronganni ite ara'e iraṛṛingiddi ite.

FILIPI 4:13

Ringannu taṛṛino apan nionggoli Kristus si ya'u, i ya'u pia atatohassa sumaruanna al᷊awo'u asasusa sarangkanambone.

YEREMIA 32:17

“Mawu Apan Atanggaṛṛanne, ete I'o nandiaddi langitta wuṛṛu runia ringannu taṛṛino wuṛṛu auatan-Nu apan bahewalla. Tawe saran sambau apan masahadda Si'o.

ROMA 4:21

I tou mangngimanna atonna manungku Ruata wotongnge manipussa paaire-Ne.

REENGANNA 11:23

Mawu sinumimbakka, “Apa taṛṛino-U pia patta'al᷊anne? I'o sarun mal᷊ihakka maasilo sarangkanambone apan Ta'u niwisara udde atonna mariaddi ara'e tawe!”

2 MARARATU 4:16

Ana see i Elisa nabbisara si tou, “Tonna suhati, sutempo ereindi, i Mama uasal᷊urute sangkatou ana'a esakka.” “Papa, ariewe pangawusu!” unnu wawine udde. “I Papa indi allangu Ruata!”

TAHIUL᷊E 7:21

Nariaddi ariete mata'uttu manga walahanna udde. Mawu Ruatanu ual᷊u'adda si yamiu. I Tou uddewe Mawu Ruata apan mawantuga wuṛṛu ahewal᷊anne.

MATIUS 14:31

Mawu Yesus lapiddu nangul᷊ukku limane wuṛṛu nanametta si tou, wuṛṛu nabbisara, “Petrus, Petrus, pangangimannu lome atonna. Anio i'o sussinggawangnga si Ya'u?”

ZAKARIA 8:6

Olangnge udde aellehanna ere ola'u tawe masutta su ṛingirannu manga taumata apan ta'e mabbiakka wuassu walahanna indi, arawe udde atonna si Ya'u.

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

DARALO 95:3

Ana waugu Mawu uddewe Ruata apan mawantuga, Ratu matohassa apan uataṛṛino su al᷊awo'u monganna.

TAHIUL᷊E 30:3

ne Mawu Ruatanu sarun umakkanni yamiu. I yamiu sarun iapiddi Tou mabelengnga wuassu manga walahanna suapa i yamiu nisal᷊iawukka wuṛṛu iapawiakka su lal᷊umanna'a apia.

PANDARIADDI 18:10

Sangkatou su wallati mangitou nabbisara, “Ete sio wul᷊anna lai ya'u sarun mabelengnga isindi. Wuṛṛu su tempo udde i Sara awingngu sarun maasomba ana'a esakka.” Su tempo udde i Sara tantal᷊anna uararingikka su ngaran rasanna, su liuddu raho udde.

LUKAS 1:13

Arawe mala'ekatta udde nabbisara, “Arie pa'ata'utta, Zakharia! Ruata suete naddaringikka aal᷊iomannu. Awingngu i Elisabet sarun mangunsiwen sangkatou ana'a esakka. I'o sarun managon aranne i Yohanes.

AYUB 36:5

Ruata udde matohassa! Sarangkanambone udde asingkatan-Ne. Tawe saran sangkatou apan aellehan-Ne addio'a.

PANDARIADDI 17:21

Arawe pa'aire-U ia'ukka ringanni Ishak, anangngu apan sarun isungkangngi Sara, tonna su hati iraṛṛangngo tempone ere indi.”

IBRANI 11:19

Abraham nangimanna manungku Ruata wotongnge mapaawiakki Ishak apia wuassu papate – nariaddi, wotongnge iwisara, manungku Abraham suete nanengkamma si Ishak apia wuassu papate.

LUKAS 8:50

Napawe Mawu Yesus naaringikka wisara udde, i Tou nabbisara si Yairus, “Arie pa'ata'utta. Pangimante, anangngu sarun mapia.”

1 SAMUEL 14:6

Ne i Yonatan nabbisarate su umbasanna udde, “Wette iaddua inaite watukku tampan pandariagannu taumatan Filistin taumata apekka udde. Asinungka Mawu mantul᷊ungngi addua. Ana waugu Mawu wotongnge mangonggollu auntunganna, mawae ete su taumata manambo ara'e lai su taumata matul᷊ungnga.”

FILIPI 3:21

Wadangngi ite apan lome wuṛṛu wotongnge maṛṛenessa indi, sarun wal᷊uanni Kristus maola'a ere wadang-Nge sassane apan mawantuga. I Tou wotongnge ma'ola'a udde ana waugu I Tou uatahuanna taṛṛino mapassuṛṛubawan sarangkanambone.

LUKAS 1:18

“Ereapa i ya'u maasingkatta manungku olangnge udde sarun mariaddi?” aiwal᷊on Zakharia su mala'ekatta udde. “I ya'u timmaddete, wuṛṛu awingku lai timmaddete.”

MATIUS 3:9

Arie massunna manungku i yamiu mal᷊iu wuassu ṛuumanna ringannu mabbisara manungku i Abraham uddewe iupungngu al᷊amonang kamiu. Naunge, wuassu manga watu indi lai, Ruata wotongnge ma'ola'a papapulunni Abraham!

DARALO 93:1

Mawu uddewe Ratu; i Tou uapeddettu awawantuga wuṛṛu atatohassa. Runia uarisikka matohassa tawe umio'a.

DARALO 90:13

Oh Mawu, sara tingngera I'o masa'u? Pabbelengke wuṛṛu akkanaawe manga allang-Ngu.

PANDARIADDI 18:13

Ana see Mawu naiwal᷊o si Abraham, “Anio i Sara nilumagge wuṛṛu uapapaddua apa i tou ta'e wotongnge manungkangngu ana'a su tempo i tou timmadete?

PANDARIADDI 18:15

Ana waugu udde i Sara nata'utta, i tou nassinaadda, unni tou, “I ya'u tawe nilumage.” Arawe Mawu sinumimbakka, “I'o nilumage atonna tanginna.”

PANDARIADDI 21:1

Mawu nangal᷊amatta si Sara ere buatte nipa'ire-Ne udde.

PANDARIADDI 21:2

Su tempo apan buatte tinantunnu Ruata, napawe i Abraham timmadete, i Sara piate illoṛṛo ana see mangunsiwen sangkatou ana'a esakka.

YESAYA 50:2

Anio wuassu uma-U tawe saran sangkatou sinumimbakka, sutempo i Ya'u mammaggo si mangitou? Apa i mangitou mal᷊annabba ana waugu massunna i Ya'u tawe mapaamallossa wuṛṛu maapanal᷊amatta si mangitou? Atonna-tonna, wuassu parenta-Ku tahal᷊oangnga nabbal᷊i mamara, manga sal᷊ukka Ta'u niola'a wadda'u anne, na'oman sara manga inassa nate wuṛṛu hal᷊urune mawukku'a.

DANIEL 6:20

Sutempo wawallo ratu napu'ote wuṛṛu inaite ringannu nasasaṛṛawutta watukku liangngu singa.

PANDARIADDI 17:16

I Ya'u sarun mangal᷊amatta si tou wuṛṛu i tou sarun manungkangngu sangkatou ana'a esakka apan sarun Ta'u ionggolla si'o. Ore, i Ya'u sarun mangal᷊amatta si Sara, wuṛṛu i tou sarun maola'a inangngu al᷊amonan manga balahanna. Su wallatu manga papapulunne sarun piaddu maola'a manga ratu.”

MAL᷊AṚṚUUNGNGA 13:3

Arawe su allo sambau mala'ekattu Mawu naipasilon batanganne si tou wuṛṛu nabbisara, “Al᷊annunete indi i'o tawe naasomba ana'a, arawe tate mal᷊annu lai i'o sarun piate illoṛo, wuṛṛu maasomba sangkatou ana'a esakka.