PANDARIADDI 17:22 - WUKE SUSI WATTI'U AL᷊AL᷊USASSA

²² Napawe nuddusse nabbisara aroddi, Ruata nanantangngi Abraham.

PANDARIADDI 17:22 Referans Kwoze

PANDARIADDI 18:33

Napawe buatte naggahatton Abraham, Mawu inaite, wuṛṛu i Abraham napul᷊ete watukku wal᷊ene.

YOHANES 10:30

I Ya'u wuṛṛu Iamangnga tumba'u sambau.”

YOHANES 1:18

Tawe saran sangkatou apan suete naasilo Ruata, tumba'u ana'u Iamangnga tinggassa, apan uasul᷊ungngu Iamangnga wuṛṛu uaaukka atonna ringanni Tou. Ete i Tou apan napaal᷊iatta'u Iamangnga si ite.

MAL᷊AṚṚUUNGNGA 13:20

Tantal᷊anna putungnga lukkenggamma sussal᷊oi wuassu mezbah udde, i Manoah wuṛṛu awingnge naasilo mala'ekattu Mawu udde niumawitta sulal᷊ummu ṛenggammu putungnga udde, mattuddan langitta. Wakkute udde i Manoah naatutukka manungku udde mala'ekattu Mawu; ne i tou wuṛṛu awingnge niumal᷊intudate nassubba. Tate saran paassa i mangitou naasilo mala'ekatta udde apia.

MAL᷊AṚṚUUNGNGA 6:21

Wua'udde mala'ekattu Mawu udde nangul᷊ukku limane ana see ringannu pentakku alu apan aagasanne, i tou nangeṛetta ṛemessa wuṛṛu roti udde. Watu udde niṛumenggamma lapiddu nasue natutungnga ṛemessa wuṛṛu roti udde. Ana see mala'ekatta udde nawul᷊ite.

TAHIUL᷊E 5:4

Wuassu putungnga su puiddu wowone udde Mawu mappulu maggahatto uahahati si yamiu.

SASABANGNGA 20:22

Mawu namarenta si Musa iapaiwal᷊o su walahannu Israel, “I yamiu naasilote ereapa i Ya'u, Mawu, nabbisara si yamiu wuassu langitta.

PANDARIADDI 17:3

Ana see niumal᷊intuddate i Abram, wua'udde Ruata nabbisara,

REENGANNA 12:9

Mawu nasa'u atonna si tarua, wuṛṛu i Tou nangingkatte.