PANDARIADDI 16:6 - WUKE SUSI WATTI'U AL᷊AL᷊USASSA

⁶ Sasimbakki Abram, “Arodite, i tou allangngu wuṛṛu i'o uaparenta si tou; walate apulunu ma'ola'a si tou.” Ana see i Sarai na'ola'a si Hagar ringannu tumaniten maṛṛagissa, na'oman sara i tou tinumal᷊angngu watanganne.

PANDARIADDI 16:6 Referans Kwoze

YEREMIA 38:5

Ratu Zedekia sinumimbakka, “Mapia! Ola'e i tou ere su apulun kamiu, i ya'u tawe maawo'a si yamiu.”

1 PETRUS 3:7

Wuṛṛu i yamiu lai, manga awingnga esakka, ṛinone mabbiakka ringannu napenen pasasunna su saruannu awingngu, wuṛṛu ringannu asingkata manungku ete i mangitou udde walahanna apan lome. Olaawe i mangitou ringannu addata, ana waugu i mangitou su sambau ringanni yamiu, sarun manengkamma al᷊amattu pabbiaṛṛana apan tutune wuassu Ruata. Olaawe indi, tadea'u taweddu maasal᷊awa'a aal᷊iomannu.

MANNANASE 10:4

Amungkangngu i'o asa'uannu tembonanne, arie paddorongnga mangillol᷊o mammanara. Salaiwe pasasal᷊anu wahewalla, i'o ampunganna amungkangngu maannudda wuṛṛu masabbare.

AMSAL 29:19

Sangkatou allangnga tawe wotongnge tumba'u aṛṛaannu wisara. I tou maasunna, arawe waggan pandumanne.

AMSAL 27:8

Taumata apan mannantangngu wal᷊ene, naal᷊ihidda manu'u winalanganna apan nanantangngu sal᷊akke.

AMSAL 15:1

Ringannu sasimbakka apan masaṛṛionto'a, asasa'u mabbal᷊i umompo'a; sasimbakka apan maṛṛagge mapasabbangngu asasa'u.

AMSAL 14:29

Taumata pande tawe mal᷊ihakka masa'u; taumata woddo tawe ma'ul᷊inna watanganne.

AYUB 2:6

Ne Mawu nabbisarate si Mamamono'a, “Aroddite, walate i'o ma'inolaanna si tou, sawal᷊iate arie pappate i tou.”

SASABANGNGA 2:15

Su tempo ratu naaringikka hatto udde, i tou maddea'a lal᷊anne mamate si Musa. Arawe i Musa tinumal᷊angnga ana see natana'e su wanua Midian. Imam wuassu Midian, aranne i Yitro, uatahuanna siri pitu ana'a maṛṛuala. Su allo sambau, su tempo i Musa tantal᷊anna ua'ianna maranim paṛṛihi, nirumantate siri pitu maṛṛuala ana'i Yitro mania ua'e wuṛṛu malloṛṛo tampa pa'inumannu ammul᷊annu ambinga wuṛṛu domban iamangngi mangitou.

PANDARIADDI 24:10

Allangnga udde nanganute mapul᷊on bau onta ana see al᷊awo'u saranapa maarega pusa'a mawune wuṛṛu inaite watukku soa tampa atatanaanni Nahor su tempo nipabbiaṛṛanne; addone su samba'an sawannakku Mesopotamia.

PANDARIADDI 16:9

Mala'ekatta udde nabbisara, “Pabelengke ringanni tou wuṛṛu pangimbete si tou.”

YOSUA 9:25

Orassa indi yami sulal᷊ummu taṛṛinon Tuangnga. Ola'e i yami tumuṛṛutu aellegi Tuangnga udde mapia.”