PANDARIADDI 15:6 - WUKE SUSI WATTI'U AL᷊AL᷊USASSA

⁶ I Abram nangimante Mawu, wuṛṛu ana waugu udde Mawu nanengkamma lai si tou maola'a taumata apan ma'al᷊uassa naung-Nge.

PANDARIADDI 15:6 Referans Kwoze

YAKOBUS 2:23

Udde nassul᷊ungu wageangngu Wuke Susi indi, “Abraham mangngimanna Ruata, wuṛṛu ana waugu pangangimanne udde Ruata nanengkamma si tou naola'a sangkatou apan tinumuṛṛuta apulun Duata.” Ana waugu udde Abraham nisago “Hawen Duata.”

ROMA 4:9

Tanne wisara lal᷊umanna'a indi tumba'u wisara su taumata apan tuttuṛṛutta atorannu sunatta? Ara'e lai iwabbisara su taumata apan tawe tumuṛṛutta atorannu sunatta? Buatte nisaggon kami paarorone, manungku Abraham tinarimmattu Ruata maola'a sangkatou taumata apan maal᷊uassa naung-Nge, ana waugu Abraham mangngimanna Ruata.

IBRANI 11:8

Ana waugu mangngimanna, ne i Abraham tinumuṛṛuta Ruata su tempo Ruata namago si tou, wuṛṛu nandolokki tou inai watukku wanua apan suete pina'iren Ruata si tou. See i Abraham inaite ringannu awa'gananna suapa sarun patuddanni tou.

DARALO 106:31

Pallal᷊aghu udde naola'a sambau aaddata si tou, wuṛṛu nanaunganna saran mal᷊annu-l᷊annu.

ROMA 4:11

I tou nisunatta murine, wuṛṛu sunatti tou tumba'u maola'a sambau tatiala manungku Ruata buatte nanengkamma si tou maola'a taumata apan maal᷊uassa naungngu Ruata. I tou tinarimmattu Ruata su tempo i tou taambe tinumuṛṛutta atorannu sunatta. Wuṛṛu Abraham naola'a iamangngu manga taumata apan mangngimanna Ruata, wuṛṛu ana waugu i tou suete tinarimmattu Ruata maola'a sangkatou taumata apan maal᷊uassa naung-Nge, salaiwe i mangitou tawe tumuṛṛutta atorannu sunatta.

2 KORINTUS 5:19

I yami namasingkata manungku sulal᷊ummi Kristus, Ruata napaaukku taumata apia ringannu watangan-Ne. Ruata na'ola'a udde ringannu tawe naṛṛingiddu pasasal᷊a apan buatte niola'u taumata su saruannu watangan-Ne. Wuṛṛu i yami suete nirolokku Ruata iapapasingkatu Watti'a udde.

NEHEMIA 9:8

Niasangkal᷊an-Nu i tou satia Si'o wuṛṛu matuṛṛutta. Ana see niolang-Ngu ringanni tou paaire apan matohassa. Leta'u Kanaan, Het wuṛṛu Amori, leta'u Feris, Yebus wuṛṛu Girgasi, sarangkanambone udde I'o mangonggolla si tou; maola'a tampa tatanaannu anambon papapulunne. Wua'udde I'o nanipussu, paaire udde si tou, ana waugu I'o matul᷊idda wuṛṛu satia.