PANDARIADDI 15:1 - WUKE SUSI WATTI'U AL᷊AL᷊USASSA

¹ Wua'udde, i Abram naasomba sondappa wuṛṛu naaringikka Mawu nabbisara si tou, “Arie paata'utta, i Abram, i Ya'u sarun mallu'adda si'o wuassu asasilaka, wuṛṛu mangonggolla si'o lal᷊antakke apan manambo.”

PANDARIADDI 15:1 Referans Kwoze

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

DARALO 119:114

Ete I'o mangangambangku wuṛṛu patatillummangku, i ya'u uaantimma su paaire-Nu.

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

PANDARIADDI 26:24

Su ṛabbi udde Mawu naipasilon batangan-Ne si tou wuṛṛu nabbisara, “Ete i Ya'u Mawu Ruatan iamangngu Abraham. Arie pa'ata'utta; i Ya'u sarun mallu'adda si'o. I Ya'u sarun mangal᷊amatta si'o wuṛṛu mangonggollu papapulunna apan manambo si'o ana waugu pa'aire-U si Abraham allang-Ku.”

YESAYA 41:14

Wisaran Mawu, “Arie paata'utta Israel, salaiwe i'o addio'a wuṛṛu lome. Ete i Ya'u Mawu apan mantul᷊ungngu, Apan Lembon Na'ukkassa, Ruatan Israel uddewe Mananal᷊amannu.

LAL᷊ALLU 3:24

Mawu uddewe darotongku tutune. Ana waugu udde, i ya'u uaantimma si Tou.

LUKAS 12:32

“I yamiu apan tumba'u matul᷊ungnga anambone, arie paata'utta! Ana waugu Iamangngu mal᷊uassa mangagillu al᷊amatta si yamiu wuassu Araratuan-Ne.

DARALO 5:12

Antimanna anambon taumata apan uasirungnga Si'o lulluassa wuṛṛu hugion lal᷊uassa saran mal᷊annu-l᷊annu. Lu'arewe manga taumata apan marangngu Si'o, tadea'u i mangitou lumuassa ana waugu I'o.

DARALO 18:2

I ya'u marangngu Si'o, oh Mawu, Ete I'o atatoha'u.

RUT 2:12

Antimanna Mawu mabbal᷊issa al᷊awo'u apapianu. Antimanna i'o manengkamma al᷊awo'a apan ṛinone ionggolu Mawu, Ruatan Israel si'o, ana waugu i'o nirumantate mangimanna wuṛṛu uasirungnga si Tou!”

LUKAS 1:13

Arawe mala'ekatta udde nabbisara, “Arie pa'ata'utta, Zakharia! Ruata suete naddaringikka aal᷊iomannu. Awingngu i Elisabet sarun mangunsiwen sangkatou ana'a esakka. I'o sarun managon aranne i Yohanes.

YESAYA 43:5

Imbaṛṛangnga mata'utta, ana waugu i Ya'u ual᷊u'adda si'o. Wuassu waṛṛatta wuṛṛu wuassu ra'i Ta'u irolokka ana'a pulunnu iaparanta ma'ammulla.

DARALO 142:5

Sutempo i ya'u nanaile sandiṛṛanna, i ya'u naasilo tawe sasumbala si ya'u. Taweddu mallu'adda si ya'u, ara'e piaddu ma'ellega si ya'u.

DARALO 3:3

Manambo lai mabbisara manungku Ruata tate mantul᷊ungku.

PANDARIADDI 21:17

Ruata naddaringikka tingikki Ismael,wuṛṛu wuassu langitta mala'ekattu Mawu nabbisara si Hagar, wisarane, “Apate ma'asusa si'o, Hagar? Ariete paata'utta. Ruata buatte naddaringikka tingikku anangngu.

LUKAS 1:30

Ne mala'ekatta udde nabbisara si tou, “Arie pa'ata'utta, Maria, ana waugu i'o naal᷊uassa naungngu Ruata.

DARALO 58:11

Ma'ellega taumata lal᷊eo niṛṛuumanna, taumata matul᷊idda lulluassa, wuṛṛu nangukkassa leddane su daṛṛan taumata lal᷊eo.

MATIUS 8:26

“Anio i yamiu matta'utta?” unnu Mawu Yesus. “Pangangimanni yamiu si Ya'u mattul᷊ungnga!” Wua' udde Mawu Yesus dirumarisikka wuṛṛu nandona anginna wuṛṛu rano udde. See rano udde nabbal᷊ite nal᷊enakka atonna.

YESAYA 51:12

Mawu nabbisara, “Ete i Ya'u Mawu apan malluassa si yamiu. Anio i'o matta'uttu taumata apan mattate, su taumata apan niramme ere wal᷊abbuka?

DARALO 27:1

Daralon Daud. Mawu udde asasema'u wuṛṛu asasal᷊ama'u, taweddu ta'u iata'utta. Mawu uddewe tanda'a watu pattillumangku, i ya'u tawe mata'utta.

AMSAL 11:18

Auntungannu taumata lal᷊eo, auntunganna tawe gunane, auntungannu taumata inolaanne mapia eteudde auntunganna apan tutune.

DARALO 91:4

I Tou sarun massirungnga si'o ringannu papaiddu Mawu, na'oman sara i'o mal᷊angnganna su al᷊ung-Nge; apapia-Ne naal᷊ihidda allungnga apan uasirungnga si'o.

TAHIUL᷊E 31:6

Ṛinone naungngi yamiu matammuda wuṛṛu waṛṛani! Imbaṛṛangnga mata'utti mangitou, ana waugu Mawu Ruatanu sassane sarun mantul᷊ungngi yamiu. I Tou tawe mapaurangngu naungngu ara'e manantangngi yamiu.”

YEHEZKIEL 3:4

Ruata nabbisara apia, “Ei taumata apan mattate, roote ringannu manga taumatan Israel wuṛṛu wal᷊oa'e anambon tanata-U si mangitou.

YESAYA 44:2

Ete i Ya'u Mawu apan nandiaddi si'o, apan na'ola'a si'o ro'en ta'e su illoṛṛo, wuṛṛu apan nangontolla si'o. Arie pa'ata'utta, ete i'o allang-Ku, umatta nipile-U apan arangnguang-Ku.

YESAYA 43:1

Israel, eteindi wisara Mawu, “Ete i Ya'u apan nandiaddi wuṛṛu na'ola'a si'o, arie pa'atautta, i'o sarun Ta'u iapasal᷊amatta! Ya'u buatte namaggo si'o ringannu arannu, i'o uddewe pussa'a-U.

YESAYA 35:4

Wal᷊oa'e sisai apan addio'a naungnge, “Tohasse naungngu, arie pa'ata'utta, Ruata rumanta makkuumannu seetta, i Tou rumanta manal᷊amatta si yamiu.”

SASABANGNGA 14:13

I Musa sinumimbakka, “Arie pa'ata'utta! Paataṛṛange! I yamiu sarun maasilo apa inolaannu Mawu ipanal᷊amatta si yamiu. Taumata Mesir apan niasiloanni yamiu orassa indi, tate asiloanni yamiu apia.

SONDAPPA 1:17

Su tempo i ya'u naasilo, i ya'u nassumaga su saruan-Ne ere taumata nate. Arawe i Tou namitan lima-Ne aikkatanna si ya'u see nabbisara, “Arie paata'utta! Ete i Ya'u apan paarorone wuṛṛu pangudusanne.

IBRANI 1:1

Su tempo rorone Ruata masokka uahahatton iupungngi ite sulal᷊ummu manga nabine ringannu mappaattu anambon dal᷊anna.

1 KORINTUS 3:22

Paulus, Apolos, Petrus, runia indi, mabbiakka wuṛṛu mate, tempo indi ara'e tempo apan sarun rumanta, sarangkanambone udde tatahuanannu.

WATTI'U MANGA RASUL 10:22

I mangitou sinumimbakka, “Apitenna Kornelius nandolokki yami isindi. I tou sangkatou taumata mapia wuṛṛu matta'uttu Ruata, wuṛṛu lembon aaddatannu anambon taumatan Yahudi. Sangkatou mala'ekattu Ruata nandolokki tou madorongnga i Tuangnga rumanta su wal᷊ene, ana waugu maola'a ere sambau sasimbakku aal᷊iomanne, i tou nirolokka madaringikka apa apan iapaasingkatti Tuangnga si tou.”

AMSAL 30:5

Ruata nanipussu suapan paaire-Ne. I tou naal᷊ihidda allungnga su sarangkanambone apan uatillumma si Tou.

DARALO 84:9

Daringeṛṛewe aal᷊iomangku, oh Mawu Ruata Apan Lembontaṛṛino, daringiṛṛewe, oh Ruatan Yakub.

1 SAMUEL 9:9

“Ore, aroddite!” sasimbakki Saul. “Wette iaddua inaite.” Ana see itarua inaite watukku soa, su tampan allangngu Ruata udde. Sutempo i mangitou sussaate wuidda mattudda soa udde, itarua nassomban siri pira maṛṛuala apan inai mania ua'e su paṛṛihi. Ana see itarua naiwal᷊o manga maṛṛuala udde, “i taṛṛa si'atta poi su soa?” (Tempo udde sangkatou nabi isassago taṛṛa si'atta, nariaddi amungkangu pia sangkatou ma'apulu maiwal᷊o Ruata, i tou mabbisara arendi, “Wette i ite inaite ringannu taṛṛa si'atta.”)

YEHEZKIEL 11:24

Sulal᷊ummu aellega udde, Ghaṛṛahon Duata namengketta si ya'u wuṛṛu namelengku ringannu manga taumata niwuangnga su Babel. Wua'udde nawul᷊ite sondappa udde.

1 TAWARIKH 28:20

Wua'udde i Ratu Daud nabbisara apia si Salomo anangnge, “I'o ṛinone pia pangangimanna wuṛṛu awawaṛṛani. Panattakke mammanara udde wuṛṛu arie mata'uttu al᷊awo'u manga apa. Mawu Ruata apan ta'u sassubbanna sarun mantul᷊ungngu. I tou tawe manantangngu. I tou sidutu su sandiṛṛannu maddatingngu anambon manara udde muddussa.

YEHEZKIEL 1:1

Su allo al᷊imane wul᷊anna aiappanne su tonna tallun pul᷊o, sulal᷊ummu tonna al᷊imane ro'en i Ratu Yoyakhin niapidda su pamamuanganna, i ya'u, Imam Yehezkiel ana'i Busi, isudde su winggin Sal᷊ukku Kebar su Babel suadio'a ringannu manga taumatan Yahudi apan niwuangnga waine. Inaṛṛombanganne langitta nawu'a wuṛṛu i ya'u naasomba sondappa su ola'u Ruata. I ya'u naaringikka Mawu nabbisara si ya'u wuṛṛu i ya'u naapendamma atatohassu taṛṛino-Ne.

MATIUS 28:5

Mala'ekatta udde nabbisara manga wawine udde, “Arie pa'ata'utta! I Ya'u masingkatta i yamiu maddea'a Mawu Yesus apan suete niarussa udde.

YESAYA 44:8

Pabbawala-U, arie mata'utta ara'e ṛumindu'a; wal᷊inewe ro'en dorone naddatingngu orassa indi i Ya'u buatte nani'attu apa apan mariaddi? Ete i yamiu manga tiala-U. Mallal᷊u'adda waine tawe baddi'a wuṛṛu i Ya'u tawe maaillal᷊a.”

REENGANNA 12:6

wuṛṛu Mawu nabbisara, “Paddaringikke manga wisara-U indi! Amungkangngu suwallati yamiu pia sangkatou nabi, i Ya'u mapal᷊iatta'u watangang-Ku si tou sulal᷊ummu manga aellega, wuṛṛu maggahatton tou sulal᷊ummu wal᷊iawa.

PANDARIADDI 15:2

Arawe i Abram nabbisara, “Mawu Apan Atanggaṛṛanne, Mawu tawe nangonggollu ana'a si ya'u. Taumata apan mamusa'a darotongku tumba'u i Eliezer, allangku wuassu Damsyik. Nariaddi apa hunane Mawu mangonggollu lal᷊antakke si ya'u?”

PANDARIADDI 15:4

Wua'udde i Abram naaringikka Mawu nabbisara si tou apia, “Wal᷊ine allangngu apan sarun mamusa'a darotongngu, ewe'e anangngu esakka sassane.”

PANDARIADDI 31:7

Salaiwe aroddi ya'u buatte niawusuanne wuṛṛu i tou namal᷊u lal᷊antakke na'oman sara paapul᷊o awawone. Arawe Ruata tawe namalan tou ma'ola'a al᷊al᷊eo si ya'u.

REENGANNA 18:20

Mawu nabbisara lai si Harun, “I yamiu tawe maasomba pussa'a sarangkadio'a. Su wanua apan nipa'ire-U udde tawe santampa leta'a apan maola'a tatahuanannu. I Ya'u, Mawu, uddewe wageangngu pussa'anu.”

REENGANNA 24:4

apan buatte naddaringikka manga wisaran Mawu Duata wuṛṛu naasilo sondappa wuassu Apan Lembontaṛṛino, apiddu naṛṛa'a, arawe ringannu mata uaalla.

1 SAMUEL 15:10

Ana see Mawu nabbisarate si Samuel,

2 SAMUEL 22:3

Mawu naal᷊ihidda tanda'a watu apan matohassa. Tampa pasasirungangku. Naal᷊ihidda allungnga i Tou uataappa si ya'u, wuṛṛu ual᷊u'adda tadea'u i ya'u sidutu mal᷊angnganna.

PANDARIADDI 22:1

Manga pira tempo wua'udde Ruata na'annamma tatuṛṛutti Abraham. Ruata namaggo, “I Abraham!” Ana see i Abraham sinumimbakka, “I ya'u, Mawu.”

PANDARIADDI 22:20

I Abraham pia iaangnga aranne i Nahor. Napawe nal᷊iudde arariadianna su Wowon Moria udde, i Abraham naaringikka manungku i Milka, awingngi Nahor piate siri ual᷊u ana'a esakka eteudde:

TAHIUL᷊E 18:2

I mangitou tawe wotongnge manahuanna leta'a ere manga ṛuanganna wal᷊ine, ana waugu ete Mawu apan mangonggolu pussa'a mangitou ere buatte pina'iren Mawu si mangitou.

2 MARARATU 1:15

Su orassa udde lai mala'ekattu Mawu nabbisarate si Elia, “Arie pa'ata'utta! Tantalongke si tou sumossokka wuassu wuidda indi.” Ana waugu udde i Elia inaite suadio'a ringannu tembonannu tantara udde inaite ringannu ratu.

DARALO 3:4

Arawe I'o, oh Mawu, naola'a allunga apan ual᷊indumma si ya'u. I'o nangonggolu auntunganna si ya'u, wuṛṛu nalluassa naungku.

DARALO 115:10

Ei manga imam, pangantimpe Mawu, ete i Tou apan mangontolla wuṛṛu manillumma si yamiu.

YESAYA 40:10

Pa'ellege, Mawu Ruata nirumanta ringannu taṛṛino mapaamattu manarane ringannu awawaṛṛani. I Tou tatantalongannu manga taumata apan buatte nipallossi Tou.

YEREMIA 39:17

Arawe i Ya'u, Mawu, sarun mallu'adda si'o. I'o tawe itantilla su manga taumata apan iaata'unnu.