PANDARIADDI 1:2 - WUKE SUSI WATTI'U AL᷊AL᷊USASSA

² runia taambe lihidde, wuṛṛu ta'e uasongkakka. Tahal᷊oangnga apan ruddallua'a apan uataappa al᷊awo'a, nioopannu ararandumma, arawe taṛṛinon Duata u'al᷊ore su wowon kua'e.

PANDARIADDI 1:2 Referans Kwoze

YEREMIA 4:23

Watukku runia mata'u pina'ellega, ellehanna ereola'u tawe loṛṛone wuṛṛu mamara, watukku langitta i ya'u maningngara, uare, taweddu apan masemakka.

DARALO 104:30

Arawe napawe I'o mangonggolu sasangngo, i mangitou olaanna; I'o nangonggolu wiakka wakku su runia.

YESAYA 45:18

Ete Mawu apan nandiaddi langitta, Ete i Tou Ruata! Ete i Tou nandiaddi wuṛṛu namungkangu runia, niola'a matohassa wuṛṛu sidutu uarisikka. I tou tawe na'ola'a sambau tampa apan mal᷊anna-l᷊annaba, arawe tampa apan atatanaanna. Ete i Tou apan nabbisara, “Ete i Ya'u Mawu, wuṛṛu taweddu bal᷊ine.

DARALO 33:6

Mawu nanita, ne langitta nariaddite; matannallo, wul᷊anna wuṛṛu anumpitanna niola'u ṛengetan-Ne.

AYUB 26:7

Ruata namilattu langitta, uaal᷊ungnga tahal᷊oangnga, wuṛṛu nangelen dunia su tampa tawe loṛṛone.

AYUB 26:14

Arawe sarangkanambone udde tumba'u ipattiala taṛṛino-Ne; tumba'u sasal᷊imburungnga apan niaringiṛṛannu tal᷊inga. Atul᷊ungngawe eteapa pasasunna si ite su ola'u Ruata wuṛṛu aroddi ahewalle taṛṛino-Ne!”

NAHUM 2:10

Niniwe naṛṛimunsa'e, mal᷊annabba wuṛṛu nal᷊ol᷊okka. Naungnga nabbal᷊i maammi ana waugu matta'utta. Wantiṛṛanna nabbal᷊i lome wuṛṛu mangngindo. Ne anambon taumata nabbal᷊i namikkassa mawira-wira.

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

TAHIUL᷊E 32:11

Naal᷊ihidda ere asiaṛṛe mangngaṛṛa'a anangnge tuttalla'a sinamenna su papaidde apan uawilatta wuṛṛu niandangnge su liudde roso su manga papaidde,

AYUB 38:9

Ete i ya'u apan namalungnga tahal᷊oangnga ringannu winabbawa wuṛṛu mami'unnu ararandumma.

DARALO 104:6

I'o nami'unna ringannu laudda mal᷊alangnga, ua'ene nangammo manga puiddu panenteanna.

DARALO 136:6

I Tou namilattu runia su wowon kua'e; darangngu-Ne tawe panguddusanne.

DARALO 148:7

Paddalote Mawu, ei lal᷊oṛṛon dunia, ei manga nagan tahal᷊oangnga wuṛṛu ahewallu laudda mal᷊alangnga;

AMSAL 8:24

I ya'u niasungkanga tantal᷊anna tahal᷊oangnga taambe niriaddi, tantal᷊anna taambe sinumabbangnga manga al᷊imatan kua'e.

YESAYA 31:5

Ere sambau manu'u winalanganna mangngal᷊iappakku papaidde su wowon sal᷊akke ipangooppa manga anangnge, aroddi lai i Ya'u, Mawu Apan Lembontaṛṛino sarun mallu'adda, manahekka wuṛṛu manal᷊amatta Yerusalem.”

AYUB 41:32

I tou nanantangngu lanna'u ledda apan lukkena, tahal᷊oangnga niwal᷊une nabbal᷊i lupa apan mawira.