OBAJA 1:19 - WUKE SUSI WATTI'U AL᷊AL᷊USASSA

¹⁹ Manga taumatan Yehuda Timukka sarun mamanua su Edom. Manga taumata wuassu panenteanna samba'a waṛṛatta sarun mamaddon wageangngu leta'u Filistin. Ṛuanganni Benyamin sarun mangaṛṛo Gilead, wuṛṛu Israel uma-Ku sarun mamarenta ahewallu Efraim wuṛṛu Samaria.

OBAJA 1:19 Referans Kwoze

AMOS 9:12

Taumatan Israel sarun mangagassa wanua Edom apan ta'e nallambe see anambon walahanna apan dorone tatahuanang-Ku. I Ya'u, Mawu, buatte nabbisara wuṛṛu i Ya'u sarun mapaamattu olangnge udde.”

YEREMIA 32:44

surattu pamamalline sarun teengannu, pia segelle, wuṛṛu tohasannu manga matatialane. Udde sarun mariaddi su wageangngu leta'i Benyamin, su manga ampungnga maranin Yerusalem, wuṛṛu su manga soan Yehuda, su manga soa su panenteanna, wuṛṛu su Yehuda samba'a timukka. Walahanna indi sarun Ta'u isul᷊e apia olangnge su wanua indi. I Ya'u, Mawu, buatte nabbisara.”

YEHEZKIEL 36:28

Ne i yamiu sarun matana'a su leta'a apan buatte Ta'u nionggolla su iupungngu al᷊amonanu. I yamiu sarun maola'a uma-U wuṛṛu i Ya'u lai sarun maola'a Ruatanu.

MIKHA 7:14

Oh Mawu, lu'arawe uman-Nu, umatta nipile-Nu. I mangitou uatana'a marau su mahurangnge, su pattangngannu leta'a apan masuwukka. Wala'ewe i mangitou maasomba anna su wadda'u nannal᷊on Basan wuṛṛu su Gilead ere sutempo dorone.

AMOS 1:13

Mawu nabbisara, “Walahannu Amon masokkate ma'ola'a rosa, ana waugu udde i Ya'u sarun makkuumanni mangitou. Sutempo napapangalo tadea'u manggewalla wageangngu araratuanne, i mangitou nangua tiannu manga wawine pia illoṛṛone su Gilead.

AMOS 1:8

Tumanangnge wuṛṛu tembonannu soa Asdod see Askelon sarun Ta'u wambanganna. Soa Ekron sarun Ta'u ittuumanna, wuṛṛu anambon lamben taumatan Filistin sarun Ta'u pateanna.”

YEHEZKIEL 25:16

Ana waugu udde i Ya'u sarun mamangalo manga taumatan Filistin wuṛṛu mamate si mangitou. Suapan taumata lambene su wageangngu leta'u salleannu Filistin sarun Ta'u pateanna.

YEREMIA 49:1

Eteindi wisara Mawu su ola'u Amon, “Anio leta'u ṛuangannu Gad niaṛṛo wuṛṛu niatanaannu manga taumata apan massubba si Monganna Milkom? Apa piate lai taumatan Israel apan botongnge manahekku leta'a udde?

DARALO 69:35

Paddalote Ruata, ei langitta wuṛṛu runia, tahal᷊oangnga wuṛṛu anambon riadianna sulal᷊umme.

EZRA 4:17

Ratu nangirimmu sasimbakke indi, “Iwuna'a si Gubernure Rehum wuṛṛu Simsai mamamoṛṛettu propinsi, see manga hawen mangitou apan uatana'a Samaria wuṛṛu su manga soa waine su propinsi Efrat Waṛṛatta. Tabbea.

EZRA 4:2

Ana waugu udde i mangitou niasasomban Zerubabel wuṛṛu manga tembonannu wawosoanna, ana see nangusulle, “Walaaewe i yami suadio'a ma'ola'a Wal᷊en Mawu udde, ana waugu i yami lai mattaṛṛamawu su Ruatan manga tuṛṛangnga, ere lai manga tuṛṛangnga sarangkanambone. I yami sidutu mangngonggollu sasamba si Tou ro'en tempon Esar-Hadon, ratun Asyur nangapiddi yami inawarendi.”

1 TAWARIKH 5:26

Ana waugu udde Ruata nangal᷊oren naungngi Pul ratun Asyur, ne i tou inaite namangalo wanua udde. I Pul iasaggo lai i Tiglat-Pileser. Ana see ṛuanganni Ruben, i Gad wuṛṛu i Manasye apan uatana'a su samba'a ra'in Yordan niapidda naola'a taumata niatawanna wuṛṛu niwuangnga su Halah, Habor, Hara wuṛṛu watukku sambau tampa maranin Sal᷊ukku Gozan. Poiaroddi i mangitou natana'a wuṛṛu namanua naddatingngu allo indi.

2 MARARATU 17:24

Pinallol᷊ossa taumatan Israel apan niapidda watukku pamamuanganna udde, ratun Asyur niapatana'a su manga soan Samaria, manga taumata wuassu Babel, Kuta, Awa, Hamat wuṛṛu Sefarwaim. Manga taumata udde natana'a su manga soa wuṛṛu namanuate isudde.

YOSUA 15:33

Manga soa, nasutta lai manga ampungnga maranin, apan sarangkanambone mapul᷊o appata soa, eteudde: Esytaol, Zora, Asna, Zanoah, En-Ganim, Tapuah, Enam, Yarmut, Adulam, Sokho, Azeka, Saaraim, Aditaim, Gedera wuṛṛu Gederotaim.

YOSUA 15:21

Manga soa apan arauanne su samba'an timukka, apan maola'a pussa'an Yehuda, eteudde addone su passarannu Edom, sarangkanambone ruan pul᷊o sio soa, nasutta lai manga ampungnga maranine. Manga soa udde eteudde: Kabzeel, Eder, Yagur, Kina, Dimona, Adada, Kedes, Hazor, Yitnan, Zif, Telem, Bealot, Hazar-Hadata, Keriot-Hezron (eteudde Hazor), Amam, Sema, Molada, Hazar-Gada, Hesmon, Bet-Pelet, Hazar-Sual, Bersyeba, Baala, Iyim, Ezem, Eltolad, Khesil, Horma, Ziklag, Madmana, Sansana, Lebaot, Silhim, Ain wuṛṛu Rimon.

YOSUA 13:31

Wua'udde nasutta lai samba'a wuassu leta'u Gilead, see Asytarot wuṛṛu Edrei, darua inangngu soa wageangngu leta'a paparentanni Ratu Og su Basan. Ahewallu leta'a udde nionggola su sambageanganna wuassu ṛuanganna papapulunni Makhir, ana'i Manasye.

YOSUA 13:25

Wageangi mangitou nasutta lai leta'u Yaezer wuṛṛu anambon soa su Gilead see samba'an wuassu wageangngu walahannu Amon na'oman sara araune su Aroër su samba'an da'in Raba;