OBAJA 1:15 - WUKE SUSI WATTI'U AL᷊AL᷊USASSA

¹⁵ “Atonna, maranite allone, i Ya'u, Mawu, makkuungngu manga walahanna. Apa apan niola'i Edom sarun ipabbal᷊issa si tou. I tou sarun maapendamma lai apa apan buatte niolangnge.

OBAJA 1:15 Referans Kwoze

HABAKUK 2:8

I'o buatte nangaṛṛo manambo walahanna, arawe manga walahanna apan naal᷊assangnga sarun mangaṛṛo si'o, ana waugu pamamate apan buatte niolangngu, wuṛṛu ana waugu araṛṛagissa apan buatte niolangngu su manga wanua, manga soa wuṛṛu tumanangnge.

YAKOBUS 2:13

Ana waugu Ruata tawe mapaal᷊iatta'u darangngu-Ne su taumata apan tawe maaillal᷊a darangngu. Arawe darangngu mattohasanna wuassu ṛuumanna!

MATIUS 7:2

Ana waugu su ereapa i yamiu maṛṛuungngu taumata waine, aroddi lai Ruata sarun maṛṛuungngi yamiu. Wuṛṛu uuṛṛanna apan ipanguukki yamiu su taumata waine sarun ipanguukku Ruata lai si yamiu.

YEREMIA 50:29

Mawu nabbisara, “Doloṛṛa'e manga taṛṛa piti'a mamangalo Babel. Ammul᷊a'e suapan taumata apan pande mamiti'a. Talliwunete soa udde wuṛṛu arie pabbala'a saran sangkatou apan matal᷊angnga. Wal᷊isete anambon inolaanne wuṛṛu ola'e i tou uasul᷊ungngu inolaanne, ana waugu i tou buatte na'ola'a tawe addanne su saruang-Ku, Apan Lembonsusi, Ruatan Israel.

DARALO 137:8

Ei Babel, i'o sarun ṛaddaanna! Lal᷊umanna'a su taumata apan nabbal᷊issa si'o al᷊al᷊eo apan niolangngu su saruanni yami.

YOEL 1:15

Allon Mawu maranite, allo apan maata'utta; sutempo Apan Lembon Taṛṛino mandantan araṛṛimunsa'a.

YEHEZKIEL 35:15

ere lai i yamiu mal᷊uassa sutempo maasilo Israel passa'a-U, nabbal᷊i mal᷊annabba. Manga wowon Seir, ewe'e lai ahewallu leta'u Edom sarun mabbal᷊i mal᷊annabba. Ne anambon taumata sarun maasingkatta manungku ete i Ya'u Mawu.’ ”

YEREMIA 49:12

Taumata apan ṛinone tawe iṛṛuumanna, aṛṛiaannu ṛuumanna lai, ṛatadde i yamiu tawe? I yamiu natantunte sarun iṛṛuumanna!

MAL᷊AṚṚUUNGNGA 1:7

Unni Adoni-Bezek, “Dorone pitum pul᷊o su atoune ratun seetta ta'u nipototta inangngu lima wuṛṛu leddane, ana see i mangitou ta'u niwala niumanna manga anna lambene apan tinumaṛoto wuassu medda'u. Orassa indi Ruata na'ola'a si ya'u ere lai ya'u na'ola'a si mangitou.” Wua'udde i Adoni-Bezek niapidda watukku Yerusalem, ne i tou natete poiaroddi.

AYUB 24:1

Anio Ruata tawe nanantunnu allo pakkuunganna, tadea'u manga taumata apan masingkan-Ne maasomba atatul᷊idda?

YEREMIA 51:56

I mangitou nirumanta manggohakku Babel, mannametta manga tantarane wuṛṛu namaddi manga ahiddi mangitou. Ete i Ya'u Mawu apan makkuumannu al᷊al᷊eo, wuṛṛu Babel sarun Ta'u wal᷊isanna uasul᷊ungngu inolaanne.

YEHEZKIEL 35:11

Ana waugu udde, waugu i Ya'u, Ruata apan biakka, Mawu Apan Atanggaṛṛanne, i Ya'u sarun mabbal᷊issa unen naungnga si yamiu, ana waugu i yamiu massa'u, mallobbossa wuṛṛu maddantinnu uma-U. I mangitou sarun maasingkatta manungku i yamiu sarun Ta'u iṛṛuumanna ana waugu inolaannu su saruanni mangitou.

YOEL 2:1

Paniuppe trompetta, patuntingia'e tatialan asasilaka su wuiddu Sion apan susi, aṛṛa'uanu Ruata. Pangngiladde, ei tumana'u Yehuda! Ana waugu Allon Mawu maranite wuṛṛu mal᷊ihakke rumanta.

YOEL 2:11

Tingikku Mawu nirumallu'a, nangonggollu parenta, su tantaran pangalone. Tumaniten manambo reengannu tantarane! Tumaniten matohassa tantara apan mappaamattu parenta-Ne! Mangke maata'utta wuṛṛu wahewalla Allon Mawu! Tawe saran sangkatou apan maataṛṛangnga.

AMOS 5:18

Mangke atonna nasilakate i yamiu apan uaṛṛaddo allon Mawu! Apa hunane allo udde si yamiu? Allo udde tumba'u allo apan marandumma, wal᷊ine allo apan masemakka si yamiu.

AMOS 5:20

Allon Mawu atonna mandantan ararandumma, wal᷊ine asasemakka – allo mal᷊abbukka apan pia dallamme.

ESTER 9:25

Arawe Ester sinumaruanna ratu, wuṛṛu ratu nangonggollu parenta uawoṛṛetta na'oman sara hol᷊aga lal᷊eo apan niola'i Haman naṛṛia'a su watanganne sassane, wuṛṛu lai i tou see al᷊aṛṛanangnge nihantongnga su diṛṛin panggahantonganna.

AMSAL 5:22

Rosan taumata lal᷊eo udde ere sedda apan ipannongnga taumata udde sassane.

YEREMIA 12:14

Mawu nabbisara, “Eteindi tanata-U su manga araratuanna ual᷊indongannu Israel apan buatte nanggohakka wanua apan Ta'u nionggolla su uma-U Israel. Ere sinuananna apan niabbutta wuassu leta'a, etearoddi lai manga taumata lal᷊eo udde sarun Ta'u iapasabbangnga wuassu manga wanua mangitou, wuṛṛu Yehuda sarun ipallossa wuassu lima mangitou.