OBAJA 1:1 - WUKE SUSI WATTI'U AL᷊AL᷊USASSA

¹ Eteindi laṛṛangngon Obaja; i tou namasingkattu tanatan Mawu Apan Atanggaṛṛanne su ola'u walahannu Edom: Mawu buatte nangirimmu daroloṛṛan-Ne ringannu manga walahanna, wuṛṛu i ite buatte naringikka tanata apan buatte niapidde ere indi, “Pandiahite inai mapapangalo! Wette i ite inaite mamangalo Edom.”

OBAJA 1:1 Referans Kwoze

YOEL 3:19

Mesir sarun maola'a wadda'a apan mamara, wuṛṛu Edom mabbal᷊i lol᷊okka, tawe atanaannu taumata. Ana waugu i mangitou buatte namangalo taumatan Yehuda, wuṛṛu namate tumana'u wanua apan tawe pasasal᷊ane.

YESAYA 30:4

Salaiwe manga daroloṛṛannu Yehuda na'omate su manga soan Zoan wuṛṛu Hanes su Mesir,

YESAYA 21:11

Eteindi tanata su ola'u Edom. Pia taumata u'ui si ya'u wuassu Edom, “Ei, mandariaga, ta'e mal᷊annu lai ṛabbi indi pirang ka'orassa lai maddatingngu marua'allo?”

DARALO 137:7

Oh Mawu, naungewe inolaannu taumatan Edom sutempo Yerusalem nihohakka. I mangitou nabbisara, “Ṛaa'e, ṛaa'e maddatingngu manga rapappakke!”

MARKUS 13:7

Amungkangngu i yamiu maaringikka manga tingikku pangalo wuṛṛu manga watti'u pasaseetta, arie pa'ata'utta. Sarangkanambone udde sarun mariaddi, arawe sarangkanambone udde tawe papasingkatta manungku temponete kiamatta.

MATIUS 24:6

I yamiu sarun maaringikka manga tingikku pangalo wuṛṛu manga watti'u pasaseetta, arawe arie i yamiu mata'utta. Ana waugu sarangkanambone udde sarun mariaddi, arawe udde tawe wawal᷊o manungku tempong kiamatta nia'omante.

MIKHA 2:13

I Ya'u sarun mamu'a lal᷊anna wuṛṛu mangapiddi yamiu sumabbangnga wuassu pamamuanganna. I yamiu sarun manggohakku manga ngara wahewalla wuṛṛu umamatta ringannu tawe singkal᷊one. I Ya'u, Mawu sassane, uddewe Ratunu, wuṛṛu i Ya'u sarun mamiaṛṛa'i yamiu sumabbangnga.”

YEREMIA 51:46

Ariete mata'utta ara'e suminggawanga ana waugu watti'a apan aaringiṛṛanni yamiu. Suapan tonna massal᷊iawukka watti'a apan uapapaṛṛala – watti'a su ola'u araṛṛagissa sulal᷊ummu wanua wuṛṛu su ola'u manga ratu apan uapapangalo sangkatou ringannu waine.

YEREMIA 25:17

Ne i ya'u nanengkamma halasin anggorre udde wuassu lima Mawu, wuṛṛu inaite ringannu anambon balahanna watukkuapa Mawu buatte nandolo'u, ana see i ya'u napa'inummi mangitou anggore udde.

YESAYA 21:12

I ya'u sinumimbakka, “Marua allo rumantate, arawe sarun maṛṛabbi apia. Amungkangngu mappulu maiwal᷊o, rantate paiwal᷊o apia.”

PANDARIADDI 25:30

Wisarane si Yakub, “I ya'u mal᷊unussa atonna. Onngol᷊e'on addio'a sayore udde.” (Ana waugu udde i tou nissago i Edom.)

PANDARIADDI 36:8

Ne i Esau apan isassago lai i Edom, namanuate su wageangngu panenteannu Seir.

PANDARIADDI 36:9

Indiwe papapulunni Esau, al᷊amonan taumatan i Edom.

YEHEZKIEL 35:1

Mawu nabbisara si ya'u,