NEHEMIA 9:30 - WUKE SUSI WATTI'U AL᷊AL᷊USASSA

³⁰ Tonna uahahanti tonna I'o masabbare mapaanaungngi mangitou; napaattu manga nabi, Ghaṛṛaho-Nu nabbisara si mangitou. Arawe uman-Nu udde nanappingnga tal᷊inga, ana see I'o nanantilli mangitou su manga walahannu al᷊awo'u wanua.

NEHEMIA 9:30 Referans Kwoze

ROMA 2:4

Ara'e i yamiu mangngadio'a darangngu Duata wuṛṛu ahewallu naung-Nge see asasabare-Ne apan aroddi ahewalle? I yamiu masingkatta manungku Ruata mapaal᷊iatta'u apapia naung-Nge ana waugu i Tou maapulu tadea'u i yamiu mawal᷊u wuassu manga rosanu.

WATTI'U MANGA RASUL 7:51

Wal᷊ine hampa aatikku puan manga tuṛṛangnga, wuṛṛu aroddi asahadde tumuṛṛutta Ruata! Tal᷊inganu wengella ipadaringikka wisaran Ruata! I yamiu naal᷊ihida ere iupungngu al᷊amonanu; sidutu lullawangnga Ghaṛṛahon Ruata!

YESAYA 42:24

Isaite apan nanantillu Israel iapaaṛṛo? Wal᷊inewe Mawu udde sassane? Ete su saruanni Tou i ite ma'ola'a rosa, i ite tawe mabbiakka tumuṛṛuttu parenta-Ne, wuṛṛu tawe maddaringikka al᷊aṛṛang-Ne.

2 PETRUS 1:21

Ana waugu, tawe saran paassa tanatan Duata ipappasingkata tumba'u ana waugu apulun taumata. Arawe Ghaṛṛahon Duata uataṛṛino su tamuata apan mammasingkatu tanata Ruata sassane.

1 PETRUS 1:11

I mangitou mammarikissa ereapa wuṛṛu angngerate olangnge udde sarun mariaddi, apan ipappandumu Ghaṛṛahon Kristus sulal᷊ummu wadangi mangitou. Su tempo udde Ghaṛṛaho-Ne nabbal᷊o si mangitou su ola'u manga asasusa apan ṛinone apendamanni Kristus wuṛṛu su ola'u awawantu-Ge apan manansuna wua'udde.

ZAKARIA 7:13

I Ya'u tawe sumimbakka aal᷊iomanni mangitou, ana waugu i mangitou lai tawe maddaringikka sutempo i Ya'u mabbisara.

LAL᷊ALLU 2:17

Mawu buatte napaamattu wawansa-Nge apan dorone niṛṛiinna wuṛṛu niapanaung-Nge si ite. I ite niṛṛimunsa-Ne ringannu tawe aakkanna, seetta nionggol᷊an-Ne auntunganna. I Tou na'ola'a si mangitou lulluassa naasilo ananawon kite.

YEREMIA 25:4

Mawu lai sidutu mandoloka ringanni yamiu manga allang-Nge, arawe i yamiu tawe maddaringikka wuṛṛu tawe mappandumma si mangitou.

YESAYA 63:10

Arawe i mangitou nilumawangnga wuṛṛu napaasusan naungngu Mawu. Ne i Tou nawal᷊elongnga naola'a seetti mangitou i Tou sassane napapangalo nando'appa si mangitou.

NEHEMIA 9:29

I'o nanaggu si mangitou tadea'u al᷊aṛṛang-Ngu daringiṛṛanna, arawe i mangitou nanol᷊a'u tita-Nu wuṛṛu naungnge mawunga. Sumbal᷊i, amungkangngu tita-Nu daringiṛṛanna, atonna sarun maola'a pabbiaṛṛanna. I mangitou puane maattikka wuṛṛu matanggakka, tawe maddaringikka, wuṛṛu maddiri tumuṛṛutta.

NEHEMIA 9:26

Arawe uman-Nu nilumawangnga wuṛṛu tate tumuṛṛutta Si'o, tawe maddaringikka tita wuṛṛu atoran-Nu, namate manga nabi apan napaanaungngi mangitou, wuṛṛu apan nadolokki mangitou mabbelengnga ringan-Nu, Ruatane. Oh Mawu, masokka lai I'o lallobbosanni mangitou,

WATTI'U MANGA RASUL 28:25

Ringannu ṛingidda uata'ae i mangitou nanantangngu tampa udde, napawe i Paulus nabbisara arendi si mangitou, “Mangke atonna papasingkattu Ghaṛṛahon Ruata si Nabi Yesaya su iupungngu al᷊amonan kamiu!

WATTI'U MANGA RASUL 13:18

I Tou masabare su pallal᷊agu mangitou su wadda'a appattu pul᷊o su tonnane al᷊annune.

YEREMIA 44:22

Mawu tate maataṛṛangnga lai ma'ellega si yamiu mangngonggollu sasamba su manga mawu waine. Pallal᷊agunu udde lal᷊eo maarantinna. I yamiu narosa su lantakku hati Mawu wuṛṛu tawe tumuṛṛutta manga parenta-Ne. Ana waugu udde orassa indi lai wanuanu naṛṛimunsa'e na'oman sara tate atanaanna apia, wuṛṛu aranne iapaatta maola'a wawontoga. Taumata apan naasilo naapendamma atata'utta.”

YEREMIA 7:25

Ro'en al᷊amonanu sinumabbangnga wuassu Mesir naddatingngu allo indi Ya'u sidutu mandolokku manga allang-Ku, manga nabi, ringanni yamiu.

DARALO 86:15

Arawe I'o, oh Mawu, Ruata marangngu wuṛṛu maakkanna, masabbare, napenen darangngu wuṛṛu tatuṛutta.

NEHEMIA 9:20

Ringannu taṛṛino-Nu apan mapia I'o mangngaṛṛa'a si mangitou. I mangitou u'anna manna wuṛṛu ma'inumma ua'e apan natimu.

2 PETRUS 3:9

Mawu tawe mal᷊iwue mangonggolu apa apan suete nipa'ire-Ne, salaiwe piaddu massunna aroddi. Arawe i Tou masabare si yamiu, ana waugu i Tou maddiri pia sangkatou apan mate. I Tou maapulu tadea'u anambon taumata mawal᷊u wuassu manga rosane.

REENGANNA 11:26

Ruan katou su wallatu siri pitun pul᷊o piaṛṛangnge udde, i Eldad wuṛṛu i Medad, natana'a su paddasananna wuṛṛu tawe inai suadio'a ringanni ngana'a waine watukku Rasannu Mawu. Su paddasananna udde Ghaṛṛaho Mawu niumonto'a sitarua, ne itarua lai mannatakke lai mabbisara ere sangkatou nabi.

DARALO 95:10

Appatu pul᷊o su tonnane al᷊annune i Ya'u nuallen mangitou; wisara-U: Atonna, walahanna udde mal᷊awangnga! I mangitou tawe maddaringikka manga parenta-U.

YESAYA 28:10

Ṛatadde i tou mangngaṛṛa'a si ite huruppa ringannu huruppa, wisara ringannu wisara, hatto ringannu hatto.”

YESAYA 48:9

I Ya'u naṛṛaddannu asasa'u-U tadea'u arang-Ku tumelengnga. I Ya'u naṛṛaddannu udde si'o, tadea'u i'o tawe ṛaddaanna.

ZAKARIA 7:12

I mangitou mangngattikku naungngi mangitou na'oman sara ere aattikku watu. I Ya'u tumaniten nasa'u ana waugu i mangitou tawe tumuṛṛutta manga al᷊aṛṛa'a apan buatte Ta'u nionggolla si mangitou wuassu manga nabi apan paarorone.

2 MARARATU 18:11

Wua'udde ratun Asyur nangapiddu taumatan Israel apan niawawi udde watukku Asyur; sambageanganna wuassi mangitou niapaatana'a su soa Halah, sambageanganna maranin Sal᷊ukku Habor su wageangu leta'u Gozan, wuṛṛu sambageanganna lai su manga soa su wanua Madai.

2 MARARATU 21:10

Ana waugu udde sulal᷊ummu manga nabi, manga allangu Mawu, Mawu nabbisara,

2 TAWARIKH 24:19

Mawu nandolokku manga nabi niapatagu si mangitou tadea'u mabelengnga apia mattaṛṛamawu Mawu, arawe tumanangnge maddirite maddaringikka.

EZRA 9:10

Arawe orassa indi, oh Mawu Ruata, napawe al᷊awo'u arariaddianna udde nal᷊iudde, apa apan wotongnge iwisaran kami? I yami tate maddaringngikka manga parenta-Nu lai,

YEREMIA 44:4

I Ya'u ṛinone sidutu mandolokka ringanni yamiu manga allang-Ku manga nabi, apan manningaddi mangitou ma'ola'a al᷊al᷊eo apan iaaranting-Ku udde.

YEREMIA 44:5

Arawe i yamiu maddiri maddaringikka wuṛṛu maddiri massunna. I yamiu maddiri mangillol᷊o ma'ola'a al᷊al᷊eo, eteudde mangngonggollu sasamba su manga monganna.

DANIEL 9:6

I yami tawe maddaringikka manga nabi, manga allang-Ngu udde, apan buatte nabbisara ringanu aran-Nu su manga ratun kami, su manga piaṛṛa'a manga al᷊amona wuṛṛu su anambon walahanni yami.