NEHEMIA 9:24 - WUKE SUSI WATTI'U AL᷊AL᷊USASSA

²⁴ Papapulunni mangitou namaddon leta'u Kanaan; tumanangnge poiaroddi niapasuṛṛubawa-Nu. Uman-Nu I'o nangonggollu taṛṛino walate apulun naungnge su saruannu manga walahanna Kanaan wuṛṛu manga ratune.

NEHEMIA 9:24 Referans Kwoze

YOSUA 21:43

Etearoddi Mawu nangonggolu ahewallu leta'a su ṛuangannu Israel apan buatte pina'ire-Ne ringannu sasalu su iupungngu al᷊amonan mangitou. Napawe naapanganute wanua udde, ṛuangannu Israel namanuate poiaroddi.

YOSUA 18:1

Napawe naapangaṛṛote wanua apan pina'iren Mawu, su taumatan Israel sarangkanambone naammula su Silo, ana see i mangitou napararisikku Rasanna Darantan Mawu.

YOSUA 11:23

Ahewallu wanua udde niaṛṛon Yosua ere buatte nirolokku Mawu si Musa, ana see nionggola su walahannu Israel maola'a pussa'a mangitou. Wanua udde nitahia, wuṛṛu suapan ṛuanganna naasomba sambau wageangnge. Walahannu Israel nangillol᷊ote napapangalo wuṛṛu wanuane lai mal᷊anganna wuṛṛu su al᷊al᷊uassa.

2 TIMOTIUS 2:26

Ringannu aroddi i mangitou maatutukke apia, wuṛṛu napallose wuassu seddan Setanna apan suete nangiitta si mangitou wuṛṛu mammata'i mangitou tumantalongnga apulune.

1 TAWARIKH 22:18

Wisarane, “Mawu Ruatanu buatte nantul᷊ungngi yamiu, nangonggolu paddarame wuṛṛu atatammudda su ahewallu wanua. I tou buatte namala'u namaddon anambon walahanna apan dorone uatana'a su wanua indi. Orassa indi i mangitou uasuṛṛubbawate si'o wuṛṛu su Mawu.

YOSUA 21:45

Mawu nanipussa al᷊awo'u pa'aire-Ne su walahannu Israel; tawe saran sambau apan tawe nitipussu Mawu.

REENGANNA 14:31

I yamiu buatte nabbisara manungku manga anangngu sarun sametanna. Arawe ete i mangitou apan sarun Ta'u iapidda watukku wanua apan ipaddiri udde, wuṛṛu wanua udde sarun maola'a leta'i mangitou.

MAL᷊AṚṚUUNGNGA 4:23

Allo udde Mawu nangonggolu auntunganna su taumatan Israel si Yabin, ratun Kanaan.

YOSUA 10:40

Ahewallu wanua udde niaṛṛon Yosua. I tou namaddon manga ratu su wageangngu panenteanna, manga welem buidda samba'an ra'i, su manga wawal᷊annu wowone samba'an baṛṛatta, wuṛṛu su manga wadda'a samba'an timukka. Tawe saran sangkatou apan niwalane wiakka; sarangkanambone nipate. Udde wuassu parenta Mawu, Ruatan Israel.

ESTER 9:5

Etearoddi walahannu Yahudi wotongnge ma'ola'a walate apulune ringannu seetti mangitou, i mangitou mammangalo ringannu hal᷊ele wuṛṛu namate.